101 anos de traballo e de vida

Pontevedra> O alcalde de Pontevedra entregoulle esta mañá un ramo de flores a Manuela Pazos, unha veciña da cidade que hoxe cumpre 101 anos. Ten 5 netos, 3 bisnetos e, nun mes, terá o seu primeiro tataraneto. Manuela di que o seu desexo, no seu día de aniversario, é poder ver e vivir nun mundo mellor. 101 anos non se cumpren todos os días e iso hai que celebralo. Así o fixo Manuela Pazos, unha veciña do concello de Pontevedra, concretamente de Ramallás que celebrou o seu día rodeado dos seus seres máis queridos. Manuela ten dúas fillas, 5 netos, 3 bisnetos e nun mes terá o seu primeiro tataraneto. Unha vida que Manuel resume con moito traballo. E como unha data tan importante hai que celebrala por todo o alto o alcalde de Pontevedra non perdeu a oportunidade de felicitala en persoa e agasallarlle un ramo de flores. Manuela ten claro o seu dexeo para este ano, poder ver e vivir nun mundo mellor. Din os que a rodean que ten unha mente privilexiada e que conta con moita enerxía así que para o ano, de seguro, que iremos a festexar o 102 aniversario de Manuela.