09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Mª Xosé Alfonso estréase como alcaldesa trala súa inesperada investidura

Xun 15 Escrito por 
MUROS> María Xosé Alfonso estreouse como alcaldesa de Muros despois do repentino cambio de rumbo propiciado pola votación favorable do PSOE no pleno de investidura. Contra todo pronóstico, os socialistas renunciaron a presentar candidatura propia e votaron á cabeza de lista de Compromiso por Galicia.
Aínda aterrando no concello e repoñéndose da sorpresa que supuxo a súa inesperada investidura como alcaldesa, María Xosé Alfonso asume as súas novas funcións como rexedora. Entre as primeiras tarefas, recadar información dos distintos departamentos municipais e abordar os asuntos de maior urxencia. Alfonso lidera un goberno en minoría con tan só tres concelleiros, posto que son a terceira forza en votos, que lle obrigará a buscar puntos comúns co resto dos grupos na procura de acordos puntuais. Esta insólita situación vén despois de que os catro edís socialistas votaran a favor da súa investidura a pesar do público desencontro entre ambas candidaturas que non conseguiron nin chegar a sentarse a falar dun posible pacto de goberno. As condicións que no seu día Compromiso por Galicia impoñía ó PSOE ou a calquera outra forza para entrar a formar goberno serán agora asumidas polo partido de goberno. Transparencia, participación e austeridade sentarán as bases do novo executivo muradán que buscan un cambio de rumbo na forma de facer política. Polo momento, aínda non teñen deseñado o reparto de concellerías dado o inesperado da súa elección, Os tres representantes repartiranse as distintas áreas en función da súa formación e a alcaldesa asumirá as competencias do seu departamento. Non descarta tampouco continuar co seu traballo como docente sempre que as súas obrigas como rexedora llo permitan.
Etiquetado como Muros    MurosNoia    Política Municipal    Eleccións municipais 2015    Alcaldes   

Artigos relacionados (por etiqueta)

  • A campaña marisqueira de Noia bate récords de facturación ás portas do Nadal
    NOIA> A campaña marisqueira de Noia preséntase como unha das melloras dos últimos anos. Polo momento, a facturación xa supera ó total do exercicio anterior. Todo iso, a pesar do peche pola toxina que se prolongou case un mes e á espera de contabilizar os beneficios que deixará a campaña de Nadal.
  • Cáritas axudará a máis dun cento de familias a pasar un bo Nadal
    NOIA> Cáritas de Noia atenderá a máis de trescentas persoas durante esta Nadal. A campaña de recadación de fondos e de recollida de alimentos destas datas supón un reforzo da actividade que desenvolven durante todo o ano. Neste 2017 levan repartidas trinta toneladas de alimentos e catro de roupa.
  • Os nenos serán os principais protagonistas das actividades de Nadal en Noia
    NOIA> O concello dará mañá venres o pistoletazo de saída ás actividades de Nadal co acendido do alumeado. A concellería de Cultura noiesa deseñou un amplo e variado programa de actividades para estas datas de Nadal. A maioría delas estarán dirixidas ós máis pequenos da casa, tratando de conciliar a vida familiar e laboral Obradoiros, teatro, cine ou música terán tamén o seu protagonismo, destacando o Festival Benéfico de Cáritas e Cruz Vermella previsto para o sábado 16, ou os concertos do Coro Infantil e Xuvenil ‘Cantabile’ da Coruña o domingo 17 e da Banda de Música Municipal acompañada do Coro IES Virxe do Mar do venres 22. Apartado especial terá tamén a Cabalgata que sairá este ano ás seis da tarde. Dende o Concello anímase ós veciños a participar na comitiva.
  • Patrimonio autoriza as obras de ampliación do Museo do Mar
    NOIA> Patrimonio vén de dar luz verde ó concello de Noia para que se retomen as obras do novo Museo do Mar. O alcalde, Santiago Freire, informou de que a Administración Autonómica resolveu de xeito favorable, polo que se poderá seguir coa construción. Iso si, na actuación deberá manterse un especial coidado cos restos arqueolóxicos atopados.
  • A aldea de Taramancos acolle un belén do máis especial
    NOIA> Desprazámonos agora ata a aldea de Taramancos, en Noia, onde os veciños veñen de montar un orixinal belén. Animais vivos e vistosas figuran compoñen este nacemento, instalada nun alpendre do lugar.
  • Noieses Independentes Agrupados fai balance destes dous anos de goberno
    NOIA> A formación celebrou esta pasada fin de semana unha cea á que asistiron militantes e simpatizantes da formación. Máis de 250 persoas, na súa maioría militantes e simpatizantes do NO.I.A., asistiron no restaurante o Trapeiro a unha cea-reunión, que serviu para facer balance destes algo máis de dous anos de goberno e recoller tamén de primeira man as principais demandas e necesidades do municipio. Durante o acto aludiuse a un feito que marcou, sen dúbida, o actual mandato, como foi a moción de censura que levou ó PP, co seu apoio, á fronte da alcaldía. Na xuntanza púxose de manisfesto tamén a súa intención de presentarse como forza independente ás vindeiras eleccións municipais, acalando así definitivamente os rumores que apuntaban a súa reintegración no Partido Popular. A protección do sector marisqueiro, o fomento do importante tecido comercial ou o recoñecemento de Noia coma Portus Apostoli dentro do Camiño de Santiago serán algunha das súas principais apostas de futuro da formación con vistas ós futuros comicios municipais.
HomeBARBANZA - NOIAMª Xosé Alfonso estréase como alcaldesa trala súa inesperada investidura Top of Page

Síguenos en facebook