• Facebook
  • Twitter
  • Rss
  • Plus

PSOE e NOIA repártense as competencias en dezasete áreas de goberno

Xun 16 Escrito por 
NOIA> O bipartito integrado polo PSOE e Noieses Independentes Agrupados procedeu ó reparto de concellerías. Os seis edís que conforman o goberno, encabezado polo socialista Miguel Paz, repartiranse dezasete áreas de traballo.
Marisol Villar, Xosé Manuel Lage e José Pérez ocuparán as tres tenencias de alcaldía por ese orde. A xunta de goberno local respectará a paridade con dous edís do NOIA e outros dous PSOE. En canto ás concellerías, o alcalde asumirá directamente as responsabilidade en Urbanismo, Obras e Servizos e Policía Municipal. Marisol Villar repetirá como concelleira de Relacions Veciñas e Participación Cidadá asumindo ademais as competencias de Industria, Comercio, Turismo, Promoción Económica e Emprego. Xosé Manuel Lage, que exercerá como voceiro do executivo, encargarase das áreas de Economía, Facenda, Persoal, Cultura e Patrimonio e Relacións Institucionais. O outro edil do NOIA, Xosé Pérez, levará Medio Ambiente, Rural e Mariño, Parques e Xardíns, Festexos, Infraestruturas e Grandes Proxectos. Benestar Social e Igualdade, Educación, Sanidade e Consumo serán asumidas pola concelleira socialista, Sandra González, mentres que Agustín Mourís xestionará Deportes, Xuventude, Voluntariado, Seguridade Cidadá e Mobilidade. Trala constitución do goberno, os dous grupos que o integran iniciará unha rolda contactos coa oposición, especialmente co BNG e Marea Cidadá de Noia, na busca dun acordo programático. Con respecto ás dedicacións haberá que agardar ó pleno de organización que se celebrará antes do trece de xullo. A proposta inicia inclúe dúas dedicacións exclusivas, unha para cada un dos grupos que conforman o executivo.
Etiquetado como Noia    MurosNoia    pactos de goberno    Eleccións municipais 2015   

Artigos relacionados (por etiqueta)

  • Noia acollerá do 3 ó 7 de xullo unha nova edición do Campus José Ángel Antelo
    NOIA> A actividade, organizada polo Club Baloncesto Noia en colaboración co Concello, está dirixidas a rapaces dos seis ós dezaseis anos. O próximo luns arrancará unha nova edición, e xa van doce do Campus de Baloncesto José Ángel Antelo. A actividade estará dirixida a rapaces e rapazas de idades comprendidas entre os seis e os dezaseis anos, que se inicien na práctica deste deporte ou desexen perfeccionar os seus coñecementos. José Ángel Antelo, xogador local, que lle dá nome ó Campus, participou tamén na presentación, anunciando que será parte importante da actividade. Dende o concello noiés, que colabora tamén na organización do campus, destacaron a importancia desta actividade, como o feito de poder contar cunha figura destacada no mundo do baloncesto a nivel nacional.
  • Máis dun cento de exemplares participarán no XVII Concurso Nacional Canino de Porto do Son
    PORTO DO SON> Os mellores cans de toda Galicia daranse cita este domingo en Porto do Son, onde se celebra a décimo sétima edición do Concurso Nacional Canino. A xornada previo terá lugar un monográfico sobre o dogo alemán con máis de cincuenta participantes.
  • O PSOE de Lousame pide que os inmobles con usos agropecuarios non paguen o IBI
    LOUSAME> O PSOE de Lousame está a desenvolver unha campaña de recollida de sinaturas para conseguir a redución completa do IBI para aquelas propiedades destinadas a usos agropecuarios. Instan ó goberno municipal a establecer a máxima bonificación para este tipo de infraestruturas nun concello eminentemente rural.
  • Noia converterase en Agosto na sede internacional da Arpa
    NOIA> Noia acollerá entre o dous e o catro de agosto o Festival Internacional de Arpa. Nesta cuarta edición destaca a alta participación de artistas locais que compartirán escenario coas máis grandes figuras internacionais nesta disciplina.
  • Oposición ó peche do CEIP Emilio de Navasqüés de Outes
    OUTES> A comunidade educativa anuncia que non parará ata conseguir a anulación da medida por parte de Educación. Con berros coma este....a comunidade educativa do CEIP Emilio de Navasqüés de Outes oponse á decisión da consellería de Educación de pechar o centro para o vindeiro curso escolar. Unha decisión que ninguén agardaba e que mesmo os colleu por sorpresa, na véspera do inicio das vacacións. Visiblemente emocionada a directora do colexio, Mercedes Cereijo, relatáballe ó resto de profesores, pais, familiares e veciños en xeral, que esta mañá acudiron en masa ó colexio atendendo a chamada realizada pola ANPA, como foi o anuncio desa drástica decisión da Xefatura Territorial, abrindo as portas á fusión co outro colexio do Concello, o CEIP da Serra de Outes. Dende a ANPA non entenden as razóns que levan a Consellería a tomar esta decisión sen previo aviso, máxime cando hai prevista unha matricula duns 72 nenos para o curso que vén. Tampouco entenden que dende o Concello se mire para outro lado e non se respalden as súas reivindicacións. A súa idea é seguir mobilizándose ata conseguir que se anule esta medida que consideran inxusta. Ademais dos escritos remitidos á Consellería demandando un cambio de postura na súa decisión, unha das primeiras accións a realizar foi a recollida de sinaturas de xeito presencial e tamén a través da plataforma change.org.
  • A Garda Civil intervén preto dos mil litros de Coca-Cola en Noia
    NOIA> A Patrulla Fiscal da Garda Civil de Noia procedeu á realización de varias inspeccións administrativas en distintos establecementos de Porto do Son e Noia. Netes locais interviron máis de 2.600 botellas de vidro e máis de 1.300 botes de Coca Cola por carecer da correspondente información ó consumidor en lingua oficial, sendo a súa posible orixe danesa ou francesa. Durante as inspeccións os axentes tamén se fixeron con 192 paquetes de tabaco de contrabando. Todo o material incautado foi precintado nos propios establecementos quedando a disposición da propia autoridade sancionadora.
HomeBARBANZA - NOIAPSOE e NOIA repártense as competencias en dezasete áreas de goberno Top of Page

Síguenos en facebook