• Facebook
  • Twitter
  • Rss
  • Plus

O novo goberno da Pobra modifica as bases de contratación de persoal

Xun 16 Escrito por 
POBRA> Na Pobra tamén se procedeu ó reparto das concellerías entre os catro edís que forman o goberno. O alcalde, que asumirá as competencias en materia de Urbanismo e Obras , xa comezou a traballar co distinto persoal do concello. Entre as primeiras medidas destaca o cambio das bases para a contratación de persoal de limpeza de espazos naturais.
Xosé Lois Piñeiro e o seu equipo afrontan estes días xornadas maratonianas para poñerse ó día e garantir o bo funcionamento da actividade municipal. O novo rexedor mantivo unha xuntanza co persoal do concello así como unha reunión de traballo co interventor e o tesoureiro para analizar os asuntos máis urxentes. Entre as primeiras medidas figura a modificación das bases para a contratación de persoal temporal para a limpeza de espazos naturais para o verán. Primará a situación socioeconómica sobre a experiencia laboral. Outra das primeiras accións do novo executivo foi a emisión dun bando autorizando ós locais hostaleiros a instalar grellas durante a noite de San Xoan. Unha iniciativa, saída da xuntanza de Nós Pobra co sector antes das eleccións, e que busca recuperar a tradición ó tempo que favorece economicamente á vila. Pouco a pouco seguirán dando a coñecer as accións promovidas polo novo goberno no que o alcalde asume as competencias en Urbanismo, Obras e Seguridade Cidadá. A tenente alcalde, Charo Varela, será concelleira de Participación Veciñal, Igualdade, Facenda e Dinamización económica. Miguel Alamancos será o responsable de Persoal, Servizos Sociais, Sanidade e Mocidade mentres que Genoveva Hermo asumirá Educación, Cultura, Deporte e Servizos Municipais.
Etiquetado como Pobra do Caramiñal    Barbanza    goberno    Eleccións municipais 2015   
Modificado por última vez no Martes, 16 Xuño 2015 19:17

Artigos relacionados (por etiqueta)

  • O Ministro de Xustiza condena os atentados de Cataluña dende Sanxenxo
    SANXENXO> Sanxenxo gardou esta mañá un minuto de silencio polo terrible atentado que onte acontecía en Barcelona, a este acto sumouse o Ministro de Xustiza, Rafael Catalá quen condenou o atentado e afirmou "que todos aqueles que queiran alterar o noso modelo de convivencia non o van a conseguir".
  • O sorteo da Lotaría Nacional deixa trescentos mil euros en Ribeira
    RIBEIRA> A administración Número de Ribeira entregou o primeiro premio do sorteo da Lotaría Nacional deste xoves. A totalidade da serie, premiada con trescentos mil euros, vendeuse no restaurante Praia do Vilar moi frecuentado por turistas.
  • A escaseza de polbo dispara os prezos no mes de maior demanda
    A escaseza de capturas de polbo no mercado galego provocou unha escalada dos prezos deste cefalópodo que chegou a alcanzar os quince euros. A pesar destas contías non aptas para moitos petos, o produto segue tendo moita saída neste mes de agosto cando se incrementa notablemente a demanda. Off A pesar do bo arranque nas dúas primeira semanas trala veda, a campaña do polbo está a atravesar peores momento dada a escaseza do recurso. Tanto é asi, que algunhas embarcacións optaron por cambiar de arte. Inserto Escasean as capturas nun mes no que aumenta a demanda, especialmente por parte do sector hostaleiro. Estes dous factores inflúen no prezo que nas últimas semana acadou unha media de quince euros. Aínda así, os profesionais agardan a que a situación mellore da cara ós próximos meses, ó igal que acontecera o pasado ano cando a aparición de abundante cefalópodo a partir do mes de outubro fixo que se pechara a campaña cun dos mellores resultados dos últimos anos.
  • Entrebateas contará cun día máis de festival na súa segunda edición
    POBRA> Por segundo ano, a Pobra acollerá o festival Entre Bateas, promovido pola asociación cultural Xente ás Leiras. Desenvolverase a última fin de semana de agosto e contará cun día máis que na primeira edición.
  • Os praceiros de Ribeira opóñense á suba da taxa por ocupación de postos
    RIBEIRA> Malestar no seo da asociación de praceiros de Ribeira ante a suba das taxas por posto en máis dun trinta por cento. O presidente da entidade mantivo este mediodía unha xuntanza con responsables do concello para solicitar que se manteñan os prezos, que xa experimentaran un incremento co traslado ó novo mercado.
  • Os vándalos volven causar danos nos Muíños de Amendo
    RIBEIRA> Novos actos vandálicos na contorna dos muíños do río Amendo, na parroquia ribeirense de Carreira. Ademais de arrancar unha porta, os autores destes feitos destrozaron diverso mobiliario urbano así como ferramentas e maquinaria dos muíños.
HomeBARBANZA - NOIAO novo goberno da Pobra modifica as bases de contratación de persoal Top of Page

Síguenos en facebook