09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Ruíz asume que gobernará en minoría e inicia a organización do executivo

Xun 18 Escrito por 
RIBEIRA> Á espera de resposta por parte dalgúns grupos da oposición ante o ofrecemento do PP de conformar un executivo estable, Manuel Ruíz xa asume que gobernará en minoría todo o mandato. Na actualidade, traballa na distribución das áreas de gobernos e nas asignacións de persoal. Previsiblemente manteranse tres dedicacións e dous cargos de confianza.
O alcalde de Ribeira expresou, na súa toma de posesión, a súa vontade de formar un goberno estable ó longo do mandato. Este ofrecemento xa foi rexeitado por algúns grupos da oposición mentres que outros nin sequera contestaron, o que fai pensar que Manuel Ruíz liderará un executivo en minoría ó longo dos próximos catro anos. O novo equipo traballa agora na redistribución das responsabilidades xa que as áreas de goberno repartiranse agora entre nove concelleiros fronte ós trece da anterior lexislatura. O alcalde asumirá as competencias directas en varias materias. Na proposta do executivo figura a redución do gasto pero mantendo tres dedicacións, a do alcalde e dous concelleiros, así como dous cargos de confianza: a secretaria e o responsable de comunicación. Polo momento, a composición do futuro goberno está a perfilarse. Unha vez teñan unha proposta en firme, o alcalde trasladaralle os detalles ó resto dos grupos antes do seu debate no pleno de organización.
Etiquetado como Ribeira    Barbanza    goberno    Eleccións municipais 2015   

Artigos relacionados (por etiqueta)

  • Ribeira acollerá este sábado o Campionato Galego Absoluto de Taekwondo
    RIBEIRA> Na proba tomarán parte os mellores taekwondistas galegos que agardan poder obter praza para o Nacional. O pavillón municipal da Fieiteira converterase este sábado pola mañá no centro de tódalas miradas para os afeccionados ó taekwondo coa disputa do Campionato Galego Absoluto. A cita está organizada polo club anfitrión, o Natural Sport e a Federación Galega de Taekwondo, e conta coa colaboración do propio Concello. No campionato tomarán parte un total de 25 clubs, ó redor de cento vinte loitadores, que competirán en distintos pesos e categorías. Del sairán ademais os representantes galegos que acudirán ó nacional. O club anfitrión participará neste torneo con varios loitadores, agardando facer un bo papel e repetir os éxitos acadados en anos anteriores, aínda que nesta ocasión non van de favoritos. Dende o executivo local destacaron a importancia que ten para a localidade o feito de poder acoller este tipo de probas, animando ós veciños a acudir ese día ó pavillón municipal. Aproveitarase este campionato para dedicalo tamén ó rexeitamento da violencia de xénero.
  • O PP pide explicacións sobre os usos da antiga escola do Camiño Ancho
    POBRA> Os populares denuncian que está a ser empregada coma vivenda social sen aprobarse aínda un regulamento municipal sobre os seus usos. Despois de presentar a correspondente denuncia na Policía Local, na que se constata a veracidade dos feitos. O PP decidiu presentar no Concello un escrito no que lle solicita ó goberno municipal a autorización outorgada a esa persoa para o uso desa dependencia municipal ou se as instalacións cumpren cos requisitos legais para o seu uso coma vivenda. Dende o Concello quixeron aclarar esta situación. O alcalde confirmou de que non é a primeira vez que se dá, e en anteriores ocasións xa se acolleu a outros veciños sen recursos ou que estaban pasando por dificultades.
  • Galicia disporá dun catro por cento máis de posibilidades de pesca no 2018
    GALICIA> As cotas pesqueiras para o 2018 permitirán á flota galega pescar un catro por cento máis. Así o destacou a Conselleira do Mar, Rosa Quintana, quen representou ás comunidades autónomas no debate da comisión europea de Pesca.
  • A Pobra acollerá este sábado un espectáculo de homenaxe a Valle e a García Martí
    POBRA> A actividade, organizada pola Asociación Cultural Eiradela, mesturará teatro, música, canto e o baile tradicional . ‘Un mar de historias de Valle-Inclán a García Martí’. Este é o novo espectáculo que nos ofrece a asociación Cultural Eiradela, que será presentado ó público este próximo sábado ás oito da tarde no teatro Elma. A proposta xurde ademais para homenaxear a dous dos escritores máis ilustres. O espectáculo mesturará teatro, música, canto e o baile tradicional, así como fotografía, xa que se proxectarán imaxes antigas, moitas delas dos propios fondos do museo Valle-Inclán. O espectáculo dará comezo ás oito da noite. A entrada será de balde ata completar aforo.
  • O GALP Ría de Arousa promove a reciclaxe entre os máis pequenos
    RIBEIRA> O Barbanza volverá acoller este ano numerosas actividades de sensibilización medioambientel promovidas polo Grupo de Acción Local do Sector Pesqueiro Ría de Arousa. Os escolares serán os protagonistas destas xornadas que tratarán sobre a reciclaxe e a limpeza de praias.
  • Cinco colexios e unha asociación cultural colaboran no festival de Cáritas de Ribeira
HomeBARBANZA - NOIARuíz asume que gobernará en minoría e inicia a organización do executivo Top of Page

Síguenos en facebook