• Facebook
  • Twitter
  • Rss
  • Plus

Caridad González tende a man ó PP para conformar un goberno alternativo

Xun 08 Escrito por 
MUROS> A voceira socialista de Muros amósase moi crítica coa xestión do actual goberno municipal. No seu paso polo programa de entrevistas Pleno Aberto,Caridad Gonzáleztendeu a man para a conformación dun goberno alternativo. Di, sen embargo, que esta decisión correspondería ó PP como líder da oposición.
A pesar de que o PSOE facilitou a investidura da alcaldesa de Compromiso por Galicia, a voceira socialista critica duramente a xestión ó longo deste primeiro ano de lexislatura. Considera que as prioridades do goberno non coinciden coas do pobo de Muros. E vai máis aló afirmando que o seu modo de gobernar está a crear conflitos con outras institucións como Portos ou Augas de Galicia e mesmo cos propios traballadores municipais. Deste xeito, Caridad González abre a porta ás negociacións co Partido Popular para conformar un goberno alternativo aínda que recoñece que, de momento, non se ten dado ningún paso. Por último, a portavoz socialista critica a falla de información por parte do goberno a pesar da súa insistencia sobre a transparencia cando estaban na oposición.
Etiquetado como Muros    MurosNoia    caridad gonzález   

Artigos relacionados (por etiqueta)

  • Julio Mougán foi presentado coma novo técnico do Noia Portus Apostoli Fútbol Sala
    NOIA> O técnico redondelán, que volverá ós banquiños despois de ano e medio de inactividade, mostrouse ilusionado con esta nova experiencia á fronte do conxunto noiés na Segunda División do fútbol sala a nivel nacional. O Noia Portus Apostoli Fútbol Sala xa conta con novo adestrador. Trátase de Julio Mougán. O técnico redondelán será o encargado de guiar a nave noiesa a próxima tempada na Segunda División, competición na que xogará por primeira vez na súa historia. Acompañado do presidente, Severino Barreiro, e tamén do director técnico do Club, Javi Barreiro, foi presentado esta mañá en rolda de prensa na sede dun dos seus principais patrocinadores, Grúas Egalsa. No acto, no que tamén estivo presente o edil de Deportes Ramón Santos, explicáronse as razón da súa elección. Mougán, un técnico cualificado e con ampla experiencia na categoría, mostrouse ilusionado con este novo proxecto. Entre os seus obxectivos figura manter o equipo na categoría de prata. Un reto complicado pero que agarda poder cumprir coa implicación de todos, en especial coa dos xogadores. O Club xa traballa na configuración do plantel, no que se prevé a continuidade da base do grupo do ano pasado, coa incorporación de catro ou cinco caras novas que lle virán a dar un salto de calidade ó equipo.
  • Satisfacción no executivo muradán tralo anuncio de Costas de arranxar o paseo de Esteiro
    MUROS> A actuación, que virá a solucionar as graves deficiencias que presenta o paseo marítimo, ascende a preto do millón de euros. A alcaldesa, María Xosé Alfonso, confía en que nas próximas semanas se inician as obras de remodelación do paseo marítimo de Esteiro. Unha obra pola que levan agardando dende hai tempo xa que a infraestrutura presentaba un avanzado estado de deterioro. O custe da actuación rondará o millón de euros. Unha cantidade que será asumida pola propia Demarcación de Costas, ente dependente do Ministerio de Medio Ambiente. O executivo agarda que se acometa a actuación á maior brevidade posible xa que o paseo segue pechado ó transito a día de hoxe.
  • Noia recuperou o seu pasado medieval reivindicándose como Portus Apostoli
    NOIA> Éxito de público da Feira Medieval de Noia que, nesta vixésima edición, atraeu ata a vila a miles de visitantes. Como novidade, o programa incluíu unha arribada de peregrinos que, a través dunha marcha nocturna, reivindica o papel histórico da vila como Portus Apostoli.
  • O lixo segue a acumularse a carón dos contedores
    MUROS/NOIA> As eivas no servizo de recollida de lixo nos concellos da Mancomunidade de Municipios Serra do Barbanza continúan para desesperación dos veciños. As desavinzas entre FCC e a Mancomunidade de Municipios Serra do Barbanza, entidade que xestiona a planta de recollida de lixo de Lousame, que empregan, ademais deste último municipio outros concellos coma o de Muros, Porto do Son ou Noia, están a crear novos problemas no servizo de recollida de lixo. Non era un problema novo. As constantes avarías nos vehículos que a empresa utiliza e que non poden realizar a súa tarefa, están a provocar que o lixo se acumule de xeito notable a carón dos contedores. A situación está a provocar un gran malestar entre os veciños destes concellos, que non entenden as razóns que se están a dar para xustificar esta situación. Temen que se produza un problema grave de saúde pública, máxime coas altas temperaturas destes días Algúns grupos políticos como é o caso do Partido Popular de Muros estánse a facer eco desta problemática. A súa voceira Inés Monteagudo vén de esixirlle á Mancomunidade do Barbanza e tamén ó propio goberno municipal que adopten as medidas urxentes necesarias que permitan terminar dunha vez por todas cos problemas que existen no servizo de recollida de lixo do municipio. Tamén a Marea de Noia lle solicitou ó alcalde que se decrete unha intervención temporal para garantir a salubridade das rúas ata que se arranxen os camións e así, na fin de semana, na que a vila celebra ademais a súa feira Medieval, non se acumulen máis lixo.
  • O executivo noiés ultima a cuarta e definitiva fase do proxecto 'Portas do Mar'
    NOIA> A actuación, coa que se busca transformar a fachada marítima da vila, contará cun investimento duns 60 mil euros. Unha vez que a terceira parte do proxecto ‘As Portas do Mar’ está prácticamente lista, o executivo noiés xa elaborou un novo proxecto para acometer unha cuarta e definitiva fase para esta actuación que busca a humanización e o empedrado da fachada marítima da vila. Paralelamente a actuación levará consigo tamén outro proxecto que busca disimular de algún xeito a zona de contedores do lixo existentes na zona, mellorando o aspecto visual da rúa.
  • A Xunta investiu sesenta mil euros na mellora da senda dos muíños do Rego das Cunchas
    A Dirección Xeral de Conservación da Natureza investiu preto de sesenta mil euros na recuperación da senda fluvial do Rego das Cunchas en Noia. A intención do concello é darlle continuidade á actuación coa rehabilitación dos muíños da zona. Off A actuación permitiu mellorar a senda peonil que, ó longo de aproximadamente un quilómetro, conecta o conxunto etnográfico dos once muíños do rego das Cunchas, na parroquia noiesa de Santa María de Roo. Ademais do incremento da seguridade, o investimento autonómico permitiu a instalación de paneis e mesas informativos sobre a historia e funcionalidade dos muíños así como sobre a fauna e flora da zona. Este sendeiro enmárcase nun espazo patrimonial de gran interese como é a Central Hidroeléctrica do Tambre. Trátase dunha primeira fase que podería ter continuidade coa rehabilitación dos muíños.
HomeBARBANZA - NOIACaridad González tende a man ó PP para conformar un goberno alternativo Top of Page

Síguenos en facebook