• Facebook
  • Twitter
  • Rss
  • Plus

Emotivo adeus a Gladys Bermúdez

Dec 09 Escrito por 
MUROS> Os restos mortais de Gladys Bermúdez, a que fora presidenta da Federación de Empresarios do Barbanza, descansan xa no cemiterio de Sestaio, en Muros. Onte recibiamos a noticia do falecemento desta muller de 56 anos, tan querida na súa vila natal, e implicada na política e na vida empresarial da zona.
  O funeral pola que ex presidenta da FEB entre os anos 2008 e 2012 tivo lugar esta mañá na intimidade na Igrexia parroquial de Muros. A pesar de que levaba varios anos loitando contra a enfermidade, a nova do falecemento da empresaria, de 56 anos de idade, caeu con sorpresa na vila muradá, onde era moi coñecida. Numerosas persoas se achegaron ata o tanatorio de A Atalaia a darlle o último adeus. Ademais de ser a única presidenta da Asociación de Empresarios de Muros, e posteriormente dirixir a Federación de Empresarios do Barbanza, foi comerciante do textil de profesión, e coñecida nos círculos empresariais da comarca. Bermúdez implicouse tamén na política, participando na fundación no 2007 do partido Alternativa Veciñal Independente Muradana, co que aspirou á alcaldía. Os seus restos mortais, descansan xa no cemiterio de Sestaio, na súa vila natal.    
 
Etiquetado como Muros    Barbanza    gladys bermudez    enterro    FEB   
Modificado por última vez no Sábado, 10 Decembro 2016 01:21

Artigos relacionados (por etiqueta)

HomeBARBANZA - NOIAEmotivo adeus a Gladys Bermúdez Top of Page

Síguenos en facebook