• Facebook
  • Twitter
  • Rss
  • Plus

Rosa Quintana reúnese co novo Secretario Xeral de Pesca

Feb 14 Escrito por 
GALICIA> Alberto López-Asenjo comprométese a traballar na mellora da xestións das cotas.
  A conselleira do Mar, Rosa Quintana, acompañada pola directora xeral de Pesca, Acuicultura e Innovación Tecnolóxica, Mercedes Rodríguez, reuniuse co Secretario Xeral de Pesca do Ministerio de Agricultura e Pesca, Alimentación e Medio Ambiente, Alberto López-Asenjo. A xuntanza, ademais de presentación, serviu para analizar diversas melloras na xestión das cotas no marco do plan de xestión do Cantábrico-Noroeste e acadar o seu aproveitamento óptimo, a través de posibles acordos con outras comunidades autoónomas. Un aspecto que aplauden dende a Xunta.  A xestión do Fondo Europeo Marítimo e da Pesca foi outro dos asuntos tratados na xuntanza co obxectivo de aproveitar este financiamento de xeito eficaz e na procura dunha actividade sustentable e exitosa.    Tamén se abordou o problema do Brexit e as posibles consecuencias para a flota galega e española da marcha de Reino Unido da Unión Europea.
 
Etiquetado como Galicia    Barbanza    Reunión    secretario xeral de pesca    antonio lopezasenjo    Rosa Quintana    brexit    Xestión    cotas   
Modificado por última vez no Mércores, 15 Febreiro 2017 13:02

Artigos relacionados (por etiqueta)

  • Boiro Novo lamenta a perda de subvencións para a rehabilitación de espazos públicos
    BOIRO> Dende a formación sinalan que, ó contrario que Rianxo, o equipo de goberno deixou pasar a convocatoria beneficiarse das subvencións para a rehabilitación das escolas unitarias de Praia Xardín e destinalas a vivendas sociais. Por outra banda Boiro Novo tamén se referiu a dous acordos plenarios aprobados por unanimidade hai dous anos que buscaban a rehabilitación integral da rúa Principal e que a día de hoxe seguen no esquecemento pola incapacidade do equipo de goberno de xestionalos.
  • Rianxo destinará as vivendas dos mestres a situacións de emerxencia social
    RIANXO> O concello de Rianxo rehabilitará o primeiro bloque das antigas vivendas dos mestres para o seu uso social. Destinaranse a persoas en situación de emerxencia ou en risco de exclusión que poderán habitalas de xeito puntual, á espera doutro recurso para garantir o seu benestar.
  • O RC Deportivo asina un convenio coas escolas de fútbol de Boiro
    BOIRO> A escola de fútbol municipal de Boiro vén de asinar un acordo de colaboración co Deportivo da Coruña. No marco deste acordo, desenvolveranse accións formativas, competicións, campus e mesmo saídas para asistir ós partidos do primeiro equipo.
  • O BNG anuncia no Hospital do Salnés que presentará unha emeda de devolución á Lei de Saúde
    VILAGARCÍA > O BNG presentará no Parlamento de Galicia unha emeda de devolución á Lei de Saúde, aprobada hai uns días no Consello da Xunta. Nunha xuntanza con persoal do Hospital do Salnés, a voceira nacional do Bloque denunciou que coa nova lei o goberno galego pretende converte-lo centro nun “gran ambulatorio” sen as prestacións propias dun hospital. O BNG cualifica a nova Lei de Saúde de “atentado á sanidade pública”. Durante unha xuntanza coa Xunta de Persoal do Hospital do Salnés, os nacionalistas anunciaron que van presentar no Parlamento galego unha emenda de devolución á norma, aprobada hai uns días polo Consello da Xunta. Segundo indican, no texto evidénciase que o obxectivo do Partido Popular non é outro que o desmantelamento e o deterioro do sistema sanitario, para favorecer dese xeito a sanidade privada. A voceira nacional do Bloque lamentou que o PP se opuxera a aumenta-lo cadro de persoal do hospital e tamén o número de celadores. Ante esta situación e coa nova lei pendente de inicia-lo seu trámite parlamentario, a Xunta de Persoal do centro reivindica o dereito a que a comarca conte coa mellor das sanidades. A vindeira semana celebrarase unha nova xuntanza para determina-las novas liñas de actuación da plataforma en defensa da sanidade pública.
  • Ribeira acollerá este sábado o Campionato Galego Absoluto de Taekwondo
    RIBEIRA> Na proba tomarán parte os mellores taekwondistas galegos que agardan poder obter praza para o Nacional. O pavillón municipal da Fieiteira converterase este sábado pola mañá no centro de tódalas miradas para os afeccionados ó taekwondo coa disputa do Campionato Galego Absoluto. A cita está organizada polo club anfitrión, o Natural Sport e a Federación Galega de Taekwondo, e conta coa colaboración do propio Concello. No campionato tomarán parte un total de 25 clubs, ó redor de cento vinte loitadores, que competirán en distintos pesos e categorías. Del sairán ademais os representantes galegos que acudirán ó nacional. O club anfitrión participará neste torneo con varios loitadores, agardando facer un bo papel e repetir os éxitos acadados en anos anteriores, aínda que nesta ocasión non van de favoritos. Dende o executivo local destacaron a importancia que ten para a localidade o feito de poder acoller este tipo de probas, animando ós veciños a acudir ese día ó pavillón municipal. Aproveitarase este campionato para dedicalo tamén ó rexeitamento da violencia de xénero.
  • O PP pide explicacións sobre os usos da antiga escola do Camiño Ancho
    POBRA> Os populares denuncian que está a ser empregada coma vivenda social sen aprobarse aínda un regulamento municipal sobre os seus usos. Despois de presentar a correspondente denuncia na Policía Local, na que se constata a veracidade dos feitos. O PP decidiu presentar no Concello un escrito no que lle solicita ó goberno municipal a autorización outorgada a esa persoa para o uso desa dependencia municipal ou se as instalacións cumpren cos requisitos legais para o seu uso coma vivenda. Dende o Concello quixeron aclarar esta situación. O alcalde confirmou de que non é a primeira vez que se dá, e en anteriores ocasións xa se acolleu a outros veciños sen recursos ou que estaban pasando por dificultades.
HomeBARBANZA - NOIARosa Quintana reúnese co novo Secretario Xeral de Pesca Top of Page

Síguenos en facebook