09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Os grabados de Facal viaxan temporalmente de Artes ó Son

Feb 21 Escrito por 
PORTO DO SON> A Casa da Cultura de Porto do Son alberga unha serie de creacións do artista carballés Manuel Facal cedida polo Museo do Grabado de Artes en Ribeira. Esta mañá os mandatarios dos dous concellos visitaron a exposición do célebre grabador.
23 grabados e 15 planchas que reflexan o estilo deste grabador recoñecido a nivel mundial. Manuel Facal, aínda que nacido en Carballo, estivo sempre moi vinculado á comarca do Barbanza. De feito unha ampla colección da súa obra exhíbese no Museo do Grabado de Artes en Ribeira. Parte dela, foi cedida temporalmente ó concello veciño de Porto do Son. O alcalde sonense e o mandatario ribeirense e presidente do Museo do Grabado, puideron gozar hoxe da exposición acompañados polo concelleiro de Cultura de Porto do Son e o vicepresidente do Museo do Grabado. Manuel Ruiz Rivas lembrou o seu primeiro contacto con este célebre artista. Trátase da primeira cesión do Museo do Grabado a esta sala da Casa da Cultura do Son. E o vicepresidente do museo destacou a relevancia das obras expostas. Tanto sonenses como visitantes poderán visitar a colección ata o próximo 12 de marzo, en horario de mañá e tarde de luns a venres, e os sábados de seis a sete e media da tarde.
Etiquetado como Barbanza    Porto do Son    Exposición    arte    grabados    manuel facal    museo grabado artes    casa cultura porto do son   
Modificado por última vez no Martes, 21 Febreiro 2017 19:08

Artigos relacionados (por etiqueta)

  • Ribeira acollerá este sábado o Campionato Galego Absoluto de Taekwondo
    RIBEIRA> Na proba tomarán parte os mellores taekwondistas galegos que agardan poder obter praza para o Nacional. O pavillón municipal da Fieiteira converterase este sábado pola mañá no centro de tódalas miradas para os afeccionados ó taekwondo coa disputa do Campionato Galego Absoluto. A cita está organizada polo club anfitrión, o Natural Sport e a Federación Galega de Taekwondo, e conta coa colaboración do propio Concello. No campionato tomarán parte un total de 25 clubs, ó redor de cento vinte loitadores, que competirán en distintos pesos e categorías. Del sairán ademais os representantes galegos que acudirán ó nacional. O club anfitrión participará neste torneo con varios loitadores, agardando facer un bo papel e repetir os éxitos acadados en anos anteriores, aínda que nesta ocasión non van de favoritos. Dende o executivo local destacaron a importancia que ten para a localidade o feito de poder acoller este tipo de probas, animando ós veciños a acudir ese día ó pavillón municipal. Aproveitarase este campionato para dedicalo tamén ó rexeitamento da violencia de xénero.
  • O PP pide explicacións sobre os usos da antiga escola do Camiño Ancho
    POBRA> Os populares denuncian que está a ser empregada coma vivenda social sen aprobarse aínda un regulamento municipal sobre os seus usos. Despois de presentar a correspondente denuncia na Policía Local, na que se constata a veracidade dos feitos. O PP decidiu presentar no Concello un escrito no que lle solicita ó goberno municipal a autorización outorgada a esa persoa para o uso desa dependencia municipal ou se as instalacións cumpren cos requisitos legais para o seu uso coma vivenda. Dende o Concello quixeron aclarar esta situación. O alcalde confirmou de que non é a primeira vez que se dá, e en anteriores ocasións xa se acolleu a outros veciños sen recursos ou que estaban pasando por dificultades.
  • Galicia disporá dun catro por cento máis de posibilidades de pesca no 2018
    GALICIA> As cotas pesqueiras para o 2018 permitirán á flota galega pescar un catro por cento máis. Así o destacou a Conselleira do Mar, Rosa Quintana, quen representou ás comunidades autónomas no debate da comisión europea de Pesca.
  • A Pobra acollerá este sábado un espectáculo de homenaxe a Valle e a García Martí
    POBRA> A actividade, organizada pola Asociación Cultural Eiradela, mesturará teatro, música, canto e o baile tradicional . ‘Un mar de historias de Valle-Inclán a García Martí’. Este é o novo espectáculo que nos ofrece a asociación Cultural Eiradela, que será presentado ó público este próximo sábado ás oito da tarde no teatro Elma. A proposta xurde ademais para homenaxear a dous dos escritores máis ilustres. O espectáculo mesturará teatro, música, canto e o baile tradicional, así como fotografía, xa que se proxectarán imaxes antigas, moitas delas dos propios fondos do museo Valle-Inclán. O espectáculo dará comezo ás oito da noite. A entrada será de balde ata completar aforo.
  • O GALP Ría de Arousa promove a reciclaxe entre os máis pequenos
    RIBEIRA> O Barbanza volverá acoller este ano numerosas actividades de sensibilización medioambientel promovidas polo Grupo de Acción Local do Sector Pesqueiro Ría de Arousa. Os escolares serán os protagonistas destas xornadas que tratarán sobre a reciclaxe e a limpeza de praias.
  • Cinco colexios e unha asociación cultural colaboran no festival de Cáritas de Ribeira
HomeBARBANZA - NOIAOs grabados de Facal viaxan temporalmente de Artes ó Son Top of Page

Síguenos en facebook