• Facebook
  • Twitter
  • Rss
  • Plus

O PSOE sonense denuncia cobros irregulares por parte de membros do executivo

Mar 06 Escrito por 
PSOE> A voceira do grupo socialista, Josefa Hermo, acusa ó executivo de pagar dez mil euros no que vai de lexislatura a dous edís do equipo de goberno.
O PSOE sonense levará ó pleno deste xoves unha nova solicitude de información referida ós presuntos cobros irregulares de dous edís do PP, no equipo de goberno, que ó parecer cobraron máis de dez mil euros no que vai de lexislatura pos aistir a Xuntas de Concelleiros Delegados das que non hai constancia que se celebraran. A voceira desta formación política, Josefa Hermo, sinala que estes dous concelleiros, que non teñen dedicación exclusiva nin parcial, cobran 150 € por asistir a estas xuntas semanais. A socialista afirma que levan dende o comezo da lexislatura solicitando as actas desas xuntas a través de peticións no rexistro do Concello e rogos nos plenos sen obter resposta. Dende o PSOE sonense non descartan acudir ó Valedor do Pobo. Para os socialistas estes pagos por asistencia a Xuntas a estes dous edís, súmanse tamén as cinco dedicacións exclusivas coas que conta actualmente o equipo de goberno o que supón un gasto anual de máis de 200 mil euros. Unha cantidade que consideran totalmente desproporcionada para un Concello coma o de Porto do Son que non supera os dez mil habitantes.
Etiquetado como MurosNoia    Porto do Son    PSOE    josefa hermo   

Artigos relacionados (por etiqueta)

  • Os socialistas demandan a modificación da Lei de Montes
    Pontevedra> O PSOE presentará no pleno da Deputación e en todos os concellos da provincia unha moción sobre a vaga de lumes sufrida en Pontevedra. Dende as filas socialistas cren que non se poden cometer erros en políticas de extinción e demandan, con urxencia, unha nova lei de montes.
  • Continúa o peche dos bancos marisqueiros en Noia pola marea vermella
    NOIA> Os mariscadores confían en que a situación varíe e poder volver a semana que vén ó traballo. Malas novas para os mariscadores noieses. A presenza da marea vermella obrígaos a manter paralizada uns días máis a campaña extractiva. As últimas análises realizadas polo pósito e remitidos tanto a Intecmar como a un laboratorio privado evidencian a presenza de toxina na Ría. As chuvias caídas nos últimos días e a baixada de temperaturas parece que axudaron a rebaixar os niveis da marea vermella, pero aínda será necesario que baixen un pouco máis para poder abrir as concesións. A intención do pósito noiés pasa por volver a repetir estas probas nos próximos días, pero xa a últimos de semana, parece xa bastante complicado esta semana, ó ter que producirse dous resultados negativos consecutivos. Son xa máis de dúas semanas que os mariscadores non poden saír a faenar, o que supón para eles unha considerable merma de ingresos. As cifras que manexa a propia Confraría rondarían os tres millóns de euros O patrón maior Santiago Cruz lamentaba esta situación, aludindo á pouca sorte que volver a ter coa toxina, repetindose unha situación moi semellante á vivida o pasado ano. Por esta razón, dende o pósito noiés estanse a estudar tamén outras alternativas para que as consecuencias no sean tan graves en episodios futuros. Unha das medidas a introducir sería a realización das análises tmén nas fin de semana para evitar situacións como as vividas o pasado tres de outubro, na que os mariscadores realizaron o seu traballo habitual, e unha vez en terra decretouse o peche dos bancos, polo que o houbo que devolver o produto ó mar.
  • Plademar reclama o pago da xornada de traballo do pasado 3 de outubro
    NOIA> Dende a entidade entenden que os mariscadores non son culpables da situación vivida ese día cando se decretou o peche dos bancos marisqueiros unha vez xa de volta de faenar. Uns trescentos mil euros. Esa é a cantidade que Plademar lle reclama á consellería do Mar por ese primeiro día de traballo. Ese día sairon a faenar como calquera outro, pero pola tarde o Intecmar decretou o peche dos bancos marisqueiros pola presenza de toxina, o que obrigou a devolver todo o marisco collido ese día ó mar. Dende Plademar consideran tamén necesario que a Consellería cree un protocolo para este tipo de casos. Outra das súas demandas radica na necesidade dun cambio do actual sistema de comercialización. Dende a Plataforma confían en que a situación no mar mellore, e así a finais desta semana poder iniciar a súa actividade despois de máis de dúas semanas sen poder facelo.
  • O executivo muradán apuntala o edificio do Cine París
    MUROS> Con esta actuación pretende evitar a súa caída debido ó seu avanzado estado de deterioro. Trátase dun dos edificios máis emblemáticos do Concello. Dende hai anos vén padecendo un imparable deterioro que, nas últimas semanas foi en aumento, debido ó derrubamento de parte da súa cuberta. Ante o perigo a que as caídas vaian a máis, e tamén como medida de seguridade pública de cara ás persoas que poidan transitar pola zona, o executivo procedeu ó seu apuntalamento. Esta actuación é un pequeno parche. Aínda así o Concello non descarta iniciar con urxencia a súa rehabilitación. Para iso volverá a iniciar unha rolda de contactos coas distintas administracións de cara a buscar o financiamento necesario para poder levala a cabo, xa que o proxecto sería inasumible unicamente con fondos propios.
  • Noia sede da fase final da Copa Galicia de Baloncesto Junior Masculina
    NOIA> O torneo, organizado pola Federación Galega de Baloncesto e o Club Baloncesto Noia, disputarase este domingo no pavillón Alonso Rodríguez. Catro equipos: o Obradoiro-Peleteiro, o Estudiantes de Lugo, o Club Baloncesto Tui e o Instituto Rosalía disputaranse este próximo domingo o título da Copa Galicia en categoría junior. Os encontros disputaranse no pavillón Alonso Rodríguez. A partir das dez e media da mañá xogarase a primeira semifinal, e dúas horas máis tarde a segunda. Pola tarde, a partir das cinco e media terá lugar o partido polo terceiro e cuarto posto e ás sete e media está prevista a final do torneo. A organización desta cita deportiva corre a cargo da Federación Galega de Baloncesto e o Club Baloncesto Noia.
  • X. García: ' O peche de Calvo en Esteiro sería un auténtico mazazo para a comarca'
    MUROS> A CIG mostrou o súa preocupación polo traslado da conserveira Calvo. O anuncio do grupo conserveiro Calvo de pechar e trasladar a Carballo a planta de Esteiro preocupa á CIG. Dende este sindicato apostan polo mantemento, primeiro da actividade na factoría muradá, e en segundo lugar da conservación dos actuais postos de traballo, coincidindo, en principio, coas propias intencións da empresa. Dende a CIG consideran que a situación é un auténtico mazazo para a comarca. Todo apunta a que xa non haberá marcha atrás na decisión da empresa e o peche da factoría parece xa insalvable. Outra cousa son as condicións dos traballadores. O comité negocia agora coa dirección unha serie de melloras como poden ser o 100% da liquidación para aqueles operarios que rexeiten irse a traballar a Carballo ou que o tempo investido no traxecto, ó redor dunha hora de percorrido, compute tamén na xornada laboral.
HomeBARBANZA - NOIAO PSOE sonense denuncia cobros irregulares por parte de membros do executivo Top of Page

Síguenos en facebook