• Facebook
  • Twitter
  • Rss
  • Plus

José Antonio Gómez e Bea Amado vencedores no Trail de Castro Barbudo en Rianxo

Mar 28 Escrito por 
RIANXO> A carreira, disputada este domingo, era a última das citas do circuíto Arousa-Revolutrion Trail Series, tras as probas celebradas en Ribeira, Pobra do Caramiñal e Boiro.
Uns 238 corredores, sumando categoría masculina e feminina, participaron onte domingo no Trail Castro Barbudo. A saída da proba, a última das catro das que constou este ano o circuíto Arousa-Revolutrion Trail Series, tiña lugar nas inmediacións de Campo Maneiro, lugar fixado tamén para a chegada. Como veu acontecendo tamén en moitas das probas anteriores a carreira estivo moi condicionada pola metereoloxía. Aínda así o forte vento e a chuvia, que deu unha pequena tregua durante toda a proba, non impediron que se vira un bo espectáculo, máxime pola beleza do trazado polo que discorreu a carreira. Na categoría masculina o vencedor foi José Antonio Gómez Rios, cun tempo de 1:05. Completaron o podio, José Canda Louzao e Lois Rodriguez. En canto á categoría feminina a gañadora foi Bea Amado cun tempo de 1:29 h; `por detrás dela María Mareque e Beatriz Barroso. A proba de onte serviu ademais para determinar ós gañadores do circuíto Arousa-Revolutrion Trail Series. Na categoría masculina o premio foi para o padronés Lois Rodríguez, dominador do circuíto, ó ser o vencedor en tres das catro probas disputadas. Acompañándoo no podio Juan Jesús Barral e Hector Lorenzo. En categoría feminina a vencedora do circuíto foi Bea Amado, segunda quedou Maria Mareque e en treceira posición Serafina Pereira. En canto a equipos o Tribu Trail foi o gran dominador, seguido do Fontes do Sar e do Barbantia Roda. Os amantes do trail terán unha nova cita o próximo día trinta de abril coa disputa da quinta edición do Ultratrail do Barbanza, de longa distancia, con tres percorridos, un de vinte quilómetros, oiutro de trinta e cinco e outro de sesenta, con saída e chegada en Ribeira. Nesta edición tamén haberá a novidade dunha modalidade de andaina. A inscrición xa pode realizarse a través da web www.arousa.com.
Modificado por última vez no Martes, 28 Marzo 2017 16:05

Artigos relacionados (por etiqueta)

HomeBARBANZA - NOIAJosé Antonio Gómez e Bea Amado vencedores no Trail de Castro Barbudo en Rianxo Top of Page

Síguenos en facebook