09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Un espectacular incendio destrúe case por completo un cámping en Boiro

Mar 28 Escrito por 
BOIRO> O suceso producíase esta pasada noite. Por fortuna non houbo que lamentar danos persoais, aínda que as perdas materiais si foron cuantiosas.
Os bombeiros de Boiro comprobaban esta mañá o estado no que quedaron as instalacións do camping, asentado á beira da praia de Mañóns, despois do incendio. A simple vista numerosos danos materiais o que evidencia a virulencia coa que actuaron as lapas. Arderon varias carabanas e o bar existente no seu interior. O lume orixinábase onte pola noite ó redor das dez. As lapas foron avanzando con gran rapidez e voracidade…e minutos despois…un forte estoupido provocado ó parecer por unha das bombonas de gas existente no interior das instalacións causaba unha gran alarma entre os numerosos curiosos que se achegaron ata a zona… Ata o lugar do suceso achegáronse rápidamente efectivos do parque de bombeiros de Boiro e Ribeira que estiveron traballando para tratar de controlar o incendio por máis de dúas horas, impedindo que os danos foran a máis. A Garda Civil investiga agora as posibles causas do incendio, e non se descarta que o lume puidera ser intencionado. O cámping afectado polo lume pertence a unha asociación privada de campistas.
Etiquetado como Barbanza    Boiro    sucesos    incendio    explosion    bombona    camping    lapas    Mañóns    Bombeiros   
Modificado por última vez no Mércores, 29 Marzo 2017 12:57

Artigos relacionados (por etiqueta)

  • Ribeira acollerá este sábado o Campionato Galego Absoluto de Taekwondo
    RIBEIRA> Na proba tomarán parte os mellores taekwondistas galegos que agardan poder obter praza para o Nacional. O pavillón municipal da Fieiteira converterase este sábado pola mañá no centro de tódalas miradas para os afeccionados ó taekwondo coa disputa do Campionato Galego Absoluto. A cita está organizada polo club anfitrión, o Natural Sport e a Federación Galega de Taekwondo, e conta coa colaboración do propio Concello. No campionato tomarán parte un total de 25 clubs, ó redor de cento vinte loitadores, que competirán en distintos pesos e categorías. Del sairán ademais os representantes galegos que acudirán ó nacional. O club anfitrión participará neste torneo con varios loitadores, agardando facer un bo papel e repetir os éxitos acadados en anos anteriores, aínda que nesta ocasión non van de favoritos. Dende o executivo local destacaron a importancia que ten para a localidade o feito de poder acoller este tipo de probas, animando ós veciños a acudir ese día ó pavillón municipal. Aproveitarase este campionato para dedicalo tamén ó rexeitamento da violencia de xénero.
  • O PP pide explicacións sobre os usos da antiga escola do Camiño Ancho
    POBRA> Os populares denuncian que está a ser empregada coma vivenda social sen aprobarse aínda un regulamento municipal sobre os seus usos. Despois de presentar a correspondente denuncia na Policía Local, na que se constata a veracidade dos feitos. O PP decidiu presentar no Concello un escrito no que lle solicita ó goberno municipal a autorización outorgada a esa persoa para o uso desa dependencia municipal ou se as instalacións cumpren cos requisitos legais para o seu uso coma vivenda. Dende o Concello quixeron aclarar esta situación. O alcalde confirmou de que non é a primeira vez que se dá, e en anteriores ocasións xa se acolleu a outros veciños sen recursos ou que estaban pasando por dificultades.
  • Galicia disporá dun catro por cento máis de posibilidades de pesca no 2018
    GALICIA> As cotas pesqueiras para o 2018 permitirán á flota galega pescar un catro por cento máis. Así o destacou a Conselleira do Mar, Rosa Quintana, quen representou ás comunidades autónomas no debate da comisión europea de Pesca.
  • A Pobra acollerá este sábado un espectáculo de homenaxe a Valle e a García Martí
    POBRA> A actividade, organizada pola Asociación Cultural Eiradela, mesturará teatro, música, canto e o baile tradicional . ‘Un mar de historias de Valle-Inclán a García Martí’. Este é o novo espectáculo que nos ofrece a asociación Cultural Eiradela, que será presentado ó público este próximo sábado ás oito da tarde no teatro Elma. A proposta xurde ademais para homenaxear a dous dos escritores máis ilustres. O espectáculo mesturará teatro, música, canto e o baile tradicional, así como fotografía, xa que se proxectarán imaxes antigas, moitas delas dos propios fondos do museo Valle-Inclán. O espectáculo dará comezo ás oito da noite. A entrada será de balde ata completar aforo.
  • O GALP Ría de Arousa promove a reciclaxe entre os máis pequenos
    RIBEIRA> O Barbanza volverá acoller este ano numerosas actividades de sensibilización medioambientel promovidas polo Grupo de Acción Local do Sector Pesqueiro Ría de Arousa. Os escolares serán os protagonistas destas xornadas que tratarán sobre a reciclaxe e a limpeza de praias.
  • Cinco colexios e unha asociación cultural colaboran no festival de Cáritas de Ribeira
HomeBARBANZA - NOIAUn espectacular incendio destrúe case por completo un cámping en Boiro Top of Page

Síguenos en facebook