• Facebook
  • Twitter
  • Rss
  • Plus

Lousame, a Pobra e Rianxo xa dispoñen de novo material para a loita contra a vespa velutina

Mar 30 Escrito por 
LOUSAME>A directora xeral de Gandaría, Agricultura e Industrias Agroalimentarias, Belén do Campo, fíxolle entrega os alcaldes destes concellos de tres pértegas que permitirán a eliminación dos niños a gran altura.
A directora xeral de Gandaría, Agricultura e Industrias Agroalimentarias, Belén do Campo, entregou ós concellos de Lousame, Pobra do caramiñal e Rianxo diverso material de loita contra a vespa velutina, ó ser os tres municipios colaboradores do Plan de vixilancia e control desta especie invasora.. Neste caso trátase dunha pértega de 27 metros de lonxitude que se empregará para a retirada ou inactivación daqueles niños existentes a gran altura. Segundo explicou a propia Belén do campo a entrega deste material por parte da Xunta súmase ó xa distribuido noutros concellos colaboradores, onde tamén se están entregando trampas e doses de líquido atraente, co obxectivo de capturar as raíñas que saen precisamente nesta época da súa hibernación e impedir así a formación de novos niños. Os tres concellos agradeceron a entrega deste material que será empregado polas respectivas agrupacións de voluntarios de Protección Civil, os cales aproveitaron tamén a ocasión para solicitar a realización de cursos de formación para o manexo deste novo material, así como tamén cursos básicos e de especialización para a eliminación desta especie invasora que está a causar unha gran alarma social.
Etiquetado como Barbanza    Lousame    Rianxo    Pobra do Caramiñal    reparto    material    pertegas    Consellería Medio Rural    Belén do Campo    vespa velutina   
Modificado por última vez no Xoves, 30 Marzo 2017 18:01

Artigos relacionados (por etiqueta)

HomeBARBANZA - NOIALousame, a Pobra e Rianxo xa dispoñen de novo material para a loita contra a vespa velutina Top of Page

Síguenos en facebook