• Facebook
  • Twitter
  • Rss
  • Plus

A confraría da Pobra demanda máis vixilancia e o aumento de calado no porto

Abr 10 Escrito por 
POBRA> A confraría da Pobra demanda unha serie de melloras nas instalacións portuarias. Unhas encamiñadas a dotar o peirao de máis seguridade contra os roubos e as outras para facilitar o traballo dos profesionais.
Á xa maltreita economía dos mariscadores, lastrada pola caída da produción e a baixada dos prezos, vense sumar agora un novo problema. Os roubos bos portos aumentaron considerablemente nos últimos meses polo que dende as confrarías solicitan un incremento das medidas de vixilancia. Na confraría da Pobra xa teñen tomado algunha medida como a instalación de novas fechaduras nos pantaláns. Sen embargo, di o patrón maior, a maioría dos roubos cométense por mar polo que sería preciso a instalación de cámaras ou a contratación de vixilancia. Estas non son as únicas demandas formuladas dende A Pobra en relación ás necesidades do porto. Demandan dende hai tempo a dotación de auga e luz nos pantaláns e a mellora e reordenación dos mesmos. Tamén teñen solicitado un dragado na zona de descarga dos bateeiros para aumentar o calado.

Artigos relacionados (por etiqueta)

  • Boiro Novo lamenta a perda de subvencións para a rehabilitación de espazos públicos
    BOIRO> Dende a formación sinalan que, ó contrario que Rianxo, o equipo de goberno deixou pasar a convocatoria beneficiarse das subvencións para a rehabilitación das escolas unitarias de Praia Xardín e destinalas a vivendas sociais. Por outra banda Boiro Novo tamén se referiu a dous acordos plenarios aprobados por unanimidade hai dous anos que buscaban a rehabilitación integral da rúa Principal e que a día de hoxe seguen no esquecemento pola incapacidade do equipo de goberno de xestionalos.
  • Rianxo destinará as vivendas dos mestres a situacións de emerxencia social
    RIANXO> O concello de Rianxo rehabilitará o primeiro bloque das antigas vivendas dos mestres para o seu uso social. Destinaranse a persoas en situación de emerxencia ou en risco de exclusión que poderán habitalas de xeito puntual, á espera doutro recurso para garantir o seu benestar.
  • O RC Deportivo asina un convenio coas escolas de fútbol de Boiro
    BOIRO> A escola de fútbol municipal de Boiro vén de asinar un acordo de colaboración co Deportivo da Coruña. No marco deste acordo, desenvolveranse accións formativas, competicións, campus e mesmo saídas para asistir ós partidos do primeiro equipo.
  • O plan de limpeza de dársenas recolleu 24560 kilos de residuos no 2017 nas Rías Baixas
    Pontevedra> Esta mañá o Presidente de Portos de Galicia presentou o balance da cuarta edición do plan de limpeza de dársenas na nosa comunidade. Un plan que actuou neste 2017 en 5 concellos da provincia de Pontevedra. Nas Rías Baixas recolléronse máis de 24 560 quilos de residuos. Para Portos de Galicia esta liña de actuación é fundamental para o benestar das nosas augas.
  • Ribeira acollerá este sábado o Campionato Galego Absoluto de Taekwondo
    RIBEIRA> Na proba tomarán parte os mellores taekwondistas galegos que agardan poder obter praza para o Nacional. O pavillón municipal da Fieiteira converterase este sábado pola mañá no centro de tódalas miradas para os afeccionados ó taekwondo coa disputa do Campionato Galego Absoluto. A cita está organizada polo club anfitrión, o Natural Sport e a Federación Galega de Taekwondo, e conta coa colaboración do propio Concello. No campionato tomarán parte un total de 25 clubs, ó redor de cento vinte loitadores, que competirán en distintos pesos e categorías. Del sairán ademais os representantes galegos que acudirán ó nacional. O club anfitrión participará neste torneo con varios loitadores, agardando facer un bo papel e repetir os éxitos acadados en anos anteriores, aínda que nesta ocasión non van de favoritos. Dende o executivo local destacaron a importancia que ten para a localidade o feito de poder acoller este tipo de probas, animando ós veciños a acudir ese día ó pavillón municipal. Aproveitarase este campionato para dedicalo tamén ó rexeitamento da violencia de xénero.
  • O PP pide explicacións sobre os usos da antiga escola do Camiño Ancho
    POBRA> Os populares denuncian que está a ser empregada coma vivenda social sen aprobarse aínda un regulamento municipal sobre os seus usos. Despois de presentar a correspondente denuncia na Policía Local, na que se constata a veracidade dos feitos. O PP decidiu presentar no Concello un escrito no que lle solicita ó goberno municipal a autorización outorgada a esa persoa para o uso desa dependencia municipal ou se as instalacións cumpren cos requisitos legais para o seu uso coma vivenda. Dende o Concello quixeron aclarar esta situación. O alcalde confirmou de que non é a primeira vez que se dá, e en anteriores ocasións xa se acolleu a outros veciños sen recursos ou que estaban pasando por dificultades.
HomeBARBANZA - NOIAA confraría da Pobra demanda máis vixilancia e o aumento de calado no porto Top of Page

Síguenos en facebook