• Facebook
  • Twitter
  • Rss
  • Plus

Inmerecida derrota do Boiro en Santander

Abr 10 Escrito por 
BOIRO> O Club Deportivo Boiro cae ante o Racing de Santander por tres goles a dous. Aínda así os boirenses ofreceron unha boa imaxe poñendo en serios apuros ó colíder da categoría, que conseguiría o gol do trunfo a piques de cumprirse o tempo regulamentario.
Plantoulle cara o Boiro este domingo no Sardinero ó Racing de Santander, caendo finalmente derrotado por un axustado tres a dous. Os cántabros, que comparten liderato co Celta B, sairon de inicio a polo partido, aínda que sen crear moito perigo na área visitante. Os de Fredi ben posicionados en defensa intentaban contragolpear con perigo. A piques de rematar a primeira metade chegaba o PRIMEIRO tanto local. Abdón Prats cun medido testarazo aproveitaba un centro dende a banda de Jara. O tanto botaba por terra o traballo do Boiro. Co 1-0 chegábase ó descanso. Á volta de vestiarios o Boiro aproveitaría un erro en cadea na zaga racinguista para conseguir o tanto do empate. Cano de disparo cruzado batía ó guardameta local, facendo enmudecer ós afeccionados locais que xa pensaban noutra goleada. O gol do empate alporizou a un Racing que seguía buscando a vitoria, arremetendo sen piedade a portería defendida por Pato. Neste tempo foron varias as ocasións desperdiciadas polos locais nas botas de Aquino. E foi este mesmo xogador o que poñería de novo por diante ós cántabros, aproveitando unha acción de picardía de Héber Pena. Aínda así, con apenas diferenza, nunha gran xogada por parte visitante chegaría o golazo de Juanmpa, que de soberbio disparo introducía o balón pola escadra da portería defendida por Iván Crespo. Ver para crer. O Boiro poñía de novo as táboas no marcador a falla de escasos minutos para o remate do partido. Co tempo xa practicamente cumprido chegaba un novo tanto local. Peña poñía o tres a dous definitivo ó converter un pase atrás de jara. Foi un novo xarro de auga fría para un Boiro que continúa unha semana máis nos postos de descenso. Posto dezasete con tan só 34 puntos. En canto ó resto de resultados de equipos galegos nesta categoría destacar a abultada vitoria do Celta B ante o Somozas, 6 a 0; os trunfos do Racing de Ferrol e Coruxo, por dous a un ante a ponferradina e o Palencia, respectivamente; e o empate do Pontevedra en pasarón ante a Cultural Leonesa.
Etiquetado como Boiro    Barbanza    Deportes    Fútbol   
Modificado por última vez no Luns, 10 Abril 2017 18:04

Artigos relacionados (por etiqueta)

  • Boiro Novo lamenta a perda de subvencións para a rehabilitación de espazos públicos
    BOIRO> Dende a formación sinalan que, ó contrario que Rianxo, o equipo de goberno deixou pasar a convocatoria beneficiarse das subvencións para a rehabilitación das escolas unitarias de Praia Xardín e destinalas a vivendas sociais. Por outra banda Boiro Novo tamén se referiu a dous acordos plenarios aprobados por unanimidade hai dous anos que buscaban a rehabilitación integral da rúa Principal e que a día de hoxe seguen no esquecemento pola incapacidade do equipo de goberno de xestionalos.
  • Rianxo destinará as vivendas dos mestres a situacións de emerxencia social
    RIANXO> O concello de Rianxo rehabilitará o primeiro bloque das antigas vivendas dos mestres para o seu uso social. Destinaranse a persoas en situación de emerxencia ou en risco de exclusión que poderán habitalas de xeito puntual, á espera doutro recurso para garantir o seu benestar.
  • O RC Deportivo asina un convenio coas escolas de fútbol de Boiro
    BOIRO> A escola de fútbol municipal de Boiro vén de asinar un acordo de colaboración co Deportivo da Coruña. No marco deste acordo, desenvolveranse accións formativas, competicións, campus e mesmo saídas para asistir ós partidos do primeiro equipo.
  • Ribeira acollerá este sábado o Campionato Galego Absoluto de Taekwondo
    RIBEIRA> Na proba tomarán parte os mellores taekwondistas galegos que agardan poder obter praza para o Nacional. O pavillón municipal da Fieiteira converterase este sábado pola mañá no centro de tódalas miradas para os afeccionados ó taekwondo coa disputa do Campionato Galego Absoluto. A cita está organizada polo club anfitrión, o Natural Sport e a Federación Galega de Taekwondo, e conta coa colaboración do propio Concello. No campionato tomarán parte un total de 25 clubs, ó redor de cento vinte loitadores, que competirán en distintos pesos e categorías. Del sairán ademais os representantes galegos que acudirán ó nacional. O club anfitrión participará neste torneo con varios loitadores, agardando facer un bo papel e repetir os éxitos acadados en anos anteriores, aínda que nesta ocasión non van de favoritos. Dende o executivo local destacaron a importancia que ten para a localidade o feito de poder acoller este tipo de probas, animando ós veciños a acudir ese día ó pavillón municipal. Aproveitarase este campionato para dedicalo tamén ó rexeitamento da violencia de xénero.
  • O PP pide explicacións sobre os usos da antiga escola do Camiño Ancho
    POBRA> Os populares denuncian que está a ser empregada coma vivenda social sen aprobarse aínda un regulamento municipal sobre os seus usos. Despois de presentar a correspondente denuncia na Policía Local, na que se constata a veracidade dos feitos. O PP decidiu presentar no Concello un escrito no que lle solicita ó goberno municipal a autorización outorgada a esa persoa para o uso desa dependencia municipal ou se as instalacións cumpren cos requisitos legais para o seu uso coma vivenda. Dende o Concello quixeron aclarar esta situación. O alcalde confirmou de que non é a primeira vez que se dá, e en anteriores ocasións xa se acolleu a outros veciños sen recursos ou que estaban pasando por dificultades.
  • Galicia disporá dun catro por cento máis de posibilidades de pesca no 2018
    GALICIA> As cotas pesqueiras para o 2018 permitirán á flota galega pescar un catro por cento máis. Así o destacou a Conselleira do Mar, Rosa Quintana, quen representou ás comunidades autónomas no debate da comisión europea de Pesca.
HomeBARBANZA - NOIAInmerecida derrota do Boiro en Santander Top of Page

Síguenos en facebook