• Facebook
  • Twitter
  • Rss
  • Plus

Barbanza encara unha Semana Santa co dobre de visitantes que o pasado ano

Abr 12 Escrito por 
RIBEIRA> A afluencia de visitantes na comarca de Barbanza está a superar as mellores previsións. A ampla oferta de ocio e cultura, unida ás innmellorables condicións meteorolóxicas, fai de Arousa Norte un destino ideal para esta Semana Santa.
Paseos marítimos moi concorridos e terrazas cheas. Esta é a estampa que ofrece estes días Ribeira, ó igual que o resto de concellos do Barbanza. Aínda que son moitos os que veñen atraídos polo turismo de praia e natureza, as celebracións da Semana Santa teñen tamén moito tirón. As consultas sobre procesións e actos relixiosos son moi habituais nas oficinas de turismo. Precisamente a cultura é un dos puntos fortes do turismo de Ribeira. O concello apostou por abrir tódolos museos e centros de interpretación, do casco urbano e as parroquias, durante os días festivos. Aínda que haberá que agardar a que remate a semana para facer balance, este bo arranque fai pensar nunha das mellores semanas santas dos últimos anos. Prevese que nos días fortes, entre xoves e domingo, moitos establecementos colguen o cartel de completo.
Etiquetado como Ribeira    Barbanza    Turismo   

Artigos relacionados (por etiqueta)

  • AMICOS aposta pola contaminación cero
    RIBEIRA> A asociación AMICOS converterase na primeira entidade de España en medir a súa pegada de carbono. Ó longo deste ano medirán as súas emisións de CO2 que compensarán ambientalmente coa prantación de árbores.
  • O sorteo da Primitiva de onte deixou un premio de 82 mil euros en Rianxo
    RIANXO> O boleto premiado con cinco acertos máis o complementario foi selado na administración ‘O Mexillón de Ouro’. Durante toda a mañá, nada máis ter coñecemento da nova, foron moitos os clientes desta administración de lotarías ‘O Mexillón de Ouro’, situada na rúa de Arriba, os que se achegaron a comprobar se o seu boleto era o que resultara agraciado no sorteo de onte da Primitiva. En total 82 mil euros. Cinco números máis o complementario. Polo de agora descoñecese a identidade do afortunado ou afortunados, aínda que todo apunta a que se trate de alguén da vila.
  • A alta mortaldade do berberecho compromete a súa recuperación en Arousa
    POBRA> Malas novas para os mariscadores de Arousa que confiaban na recuperación do berberecho de cara á presente campaña. Sen embargo, nas últimas semanas detectouse unha alta mortaldade da especie que fai pensar novamente na marteilia.
  • O proxecto de remodelación do mirador da Pedra da Rá opta a outro premio
    RIBEIRA> A obra de remodelación do mirador da Pedra da Rá en Ribeira volve a optar a un novo galardón, despois de facerse cos Premios FAD de Arquitectura e COAG do Colexio Oficial de Arquitectos de Galicia. Esta vez opta ós VII Premios de Arquitectura Ascensores Enor. A obra deseñada por Carlos Seoane atópase entre as 21 obras finalistas a este certame cuxo fallo darase a coñecer no mes de novembro. Xunto ó miradoiro de Pedra da Rá, optan ó galardón o Museo das Coleccións Reais de Madrid, a Escola de Arquitectura do Antigo Hospital Militar de Granada ou o Auditorio de Lugo, entre outras.
  • Rianxo en Común critica o retraso na presentación dos orzamentos municipais
    RIANXO> Dende a formación acusan ó executivo de estar a incumprir a legalidade que obriga a telos presentados antes do 31 de decembro do ano anterior.
  • Os cativos de Ribeira descobren a súa vocación na Semana dos Oficios
    RIBEIRA> A escola infantil municipal ‘Cativos’ de Ribeira celebra a Semana dos Oficios. Os pequenos reciben a visita dalgúns pais de alumnos que lles desvelan os segredos das súas respectivas profesións.
HomeBARBANZA - NOIABarbanza encara unha Semana Santa co dobre de visitantes que o pasado ano Top of Page

Síguenos en facebook