09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

O Boiro deixa escapar unha nova oportunidade de aproximarse á salvación

Abr 17 Escrito por 
BOIRO> Os boirenses non pasaron do empate a ceros ante o Palencia, un dos seus máximos rivais á hora de eludir o descenso.
Nova oportunidade malgastada polo Boiro no seu difícil camiño de amarrar a permanencia na categoría. O encontro de onte contra o Palencia estaba marcado coma crucial no calendario dos boirenses á falla de catro xornadas para o remate da competición ligueira. Ante si un rival cos seus mesmos apuros, metido tamén de cheo na loita para eludir o descenso. Os dous equipos sairon de inicio con medo, sabedores do que ambos conxuntos se xogaban. O adestrador local meteu no campo a todo o seu arsenal ofensivo consciente do que se xogaba e da importancia dos tres puntos. A primeira ocasión para o Boiro non tardaría en chegar. Un centro de Juampa non foi aproveitado por Rubén Rivera. A partir de ahí chegadas de unha a outra área con certo perigo, pero o marcador parecía non querer moverse. Antes do descanso Cano tería unha nova oportunidade para o Boiro, aínda que o seu remate pegaría no poste. Coa segunda metade, chegaba tamén a ocasión máis clara para os locais. Rubén Rivera despois de roubarlle o balón a un defensa plántase só nun man a man co meta visitante e o seu remate estrélase no longueiro. A partir de ahí o dominio do Boiro foi case absoluto. Os locais meteron ó Palencia practicamente no seu campo, pero o marcador xa non se movería do cero a cero inicial. Nos minutos finais do encontro, nunha xogada embarullada, o colexiado expulsou ó local Jimmy por un golpe fortuito coa plancha no peito dun rival. Cun menos os boirenses tiveron que resistir as embestidas finais dun Palencia que quería pero que tampouco podía. O Boiro cae unha posición, é décimo oitavo con 35 puntos, superado agora precisamente por un Palencia cos mesmos puntos pero co gol average a favor. Para atar a permanencia, ó Boiro quedaranlle catro partidos a priori complicados: Celta B, Pontevedra, Racing de Ferrol e Burgos. Polo que respecta ó resto de resultados dos equipos galegos cabe destacar unha nova vitoria do Celta B, esta vez ante o Coruxo, cero a catro, e segue compartindo liderato coa Cultural Leonesa. Un conxunto este último que superaba precisamente ó Racing de Ferrol por tres a un. Nesta xornada o Somozas, actual colista, deu a sorpresa e impúxose no outro derbi galego da xornada ó Pontevedra por un gol a cero.
Etiquetado como Barbanza    Deportes    CD Boiro    palencia    2ªb    grupo1    salvacion    permanencia    Fútbol   

Artigos relacionados (por etiqueta)

  • O paso de 'Ana' deixa un regueiro de incidencias menores no Barbanza
    BOIRO> O temporal tamén deixou esta pasada noite un regueiro de incidencias no Barbanza, aínda que a maioría delas sen consideración. As rachas de vento, que nalgún caso chegaron a superar os cen quilómetros por hora, provocaron a caídas de árbores en numerosos puntos da comarca.
  • Medio Ambiente avanza en Ribeira o contido do PRUX das Illas Atlánticas
    RIBEIRA> O concello de Ribeira acolleu unha nova xuntanza sobre o Plan de Xestión e Usos do Parque Nacional das Illas Atlánticas. A directora xeral de Patrimonio avanzou ós axentes implicados as principais liñas desta proposta que busca compatibilizar as actividades económicas coa conservación do parque.
  • Juan Antonio Gude e Rocío Alvite vencedores da Carreira Popular 'Mar de Boiro'
    BOIRO> Na proba celebrada este domingo participaron uns setecentos corredores, sumando tódalas categorías. Onte domingo disputouse a décimo terceira edición da carreira popular Mar de Boiro, undécimo memorial Pepe Buceta. A organización da proba, que correu a cargo do Departamento de Deportes boirense, destacou a alta participación, con máis de 700 inscritos, sumando tanto a categoría de adultos como as de escolares e mini. A saída producíase ás once da mañá coa presenza das distintas autoridades locais, entre as que se atopaban o alcalde, Xoán Xosé Dieste, quen destacou a importancia da carreira, que co paso dos anos está a adquirir un maior protagonismo. O bo tempo existente durante toda a mañá axudou ó bo desenvolvemento da mesma, sendo numerosos os afeccionados que seguiron a proba ó longo de todo o seu percorrido, que estivo dividida ademais en varios trazados segundo as idades e categorías. O vencedor da proba na categoría absoluta masculina foi Juan Antonio Gude do Club Montepenarubia que completou o percorrido cun tempo de 32 minutos e 5 segundos. En segundo lugar quedou Amador Pena do Club Atletismo O Pino cun tempo de 32 minutos y 53 segundos. E catro segundos máis tarde entraba o terceiro clasificado, José Lojo do san Miguel de Marín. En canto á categoría feminina absoluta a vencedora foi a esteirana Rocío Alvite do Atletismo Sar-Petroni cun tempo de 38 minutos e 41 segudos. En segundo lugar quedou Elena matalobos da Sociedade deportiva Barbantia Roda cun tempo de 41:42 e o terceiro posto foi para Teresa Carneiro do Club Atletismo Santiago cun tempo de 42:15. Ademais do seu aspecto puramente deportivo, a carreira converteuse nunha gran festa do deporte.
  • O BNG de Boiro demanda melloras no núcleo de Esteiro
    BOIRO> O BNG de Boiro levará a pleno tres mocións encamiñadas a melloras os servizos do lugar de Esteiro. Reclaman a construción do paseo marítimo, a dotación de beirarrúas ata o lugar de Cariño e a eliminación das molestias ocasionadas polo pozo de bombeo.
  • O BNG propón excluír á flota do xeito do reparto de cotas
    RIANXO> O BNG propón excluír ó xeito das restricións da política de cotas. Así o manifestou a voceira nacional, Ana Pontón, na xuntanza mantida cos responsables da confraría de Rianxo.
  • O presidente da Deputación anuncia novas melloras da seguridade viaria en Rianxo
    RIANXO> O presidente da Deputación da Coruña visitou o concello de Rianxo para anunciar dúas obras de seguridade viaria que veñen de ser aprobadas no último pleno da corporación provincial. Trátase dun treito de medio quilómetro no vial entre Rianxo e Bexo e o remate da senda peonil en Burés.
HomeBARBANZA - NOIAO Boiro deixa escapar unha nova oportunidade de aproximarse á salvación Top of Page

Síguenos en facebook