• Facebook
  • Twitter
  • Rss
  • Plus

O xuíz decreta o arquivo provisional do caso Diana Quer e levanta o segredo de sumario

Abr 19 Escrito por 
RIBEIRA> O xulgado de Instrución Número Un de Ribeira decretou o sobresemento provisional da causa pola desaparición de Diana Quer e o levantamento do segredo de sumario. O xuíz notificáballe a decisión ós pais este mércores nas dependencias xudiciais de Ribeira.
A piques de cumprirse oito meses da desaparición de Diana Quer, o proceso penal queda paralizado temporalmente. O xuíz comunicaba esta mañá ós pais o sobresemento provisional da causa así como o levantamento do segredo de sumario. Facíao nas dependencias xudiciais de Ribeira a onde chegaban por separado. Ás once e media da mañá facía a súa entrada Diana López Pinel expresando o seu desexo de que non se alzase o segredo sumarial E media hora máis tarde chegaba Juan Carlos Quer que non quixo facer declaracións ata escoitar as resolucións do auto xudicial. A primeira en abandonar os xulagos foi a nai visiblemente afectada polo arquivo do caso. De igual modo, o pai expresou a súa tristeza por esta decisión que, aínda que respecta, non comparte. Solicitou ademais o máximo respecto para a súa filla ante o que cualificou de feito lamentable que lle podería ter acontecido a calquera familia. O sobresemento provisional non implica o fin da investigación por parte da Policía Xudicial que mantén abertas varias liñas de traballo. Sen embargo, a falta de probas contundentes que poidan sinalar un sospeitoso ou o móbil da desaparición levou ó xuíz a arquivar temporalmente o caso que podería reabrirse no momento en que aparezan novos indicios.
Etiquetado como Ribeira    Barbanza    sucesos    diana quer   

Artigos relacionados (por etiqueta)

  • Sardiñas aptas para tódolos petos na véspera da noite de San Xoán
    BOIRO> Nas xornadas previas a San Xoán non se está a dar a escaseza de sardiña de anos anteriores. Esta mañá na praza de abastos de Boiro había peixe en abundancia e o prezo mantíñase ó redor dos cinco euros, tal e como se vende habitualmente.
  • Nove expositores achegan as últimas novidades literarias a Ribeira na III Feira do Libro
    RIBEIRA> Inaugurada oficialmente a Feira do Libro de Ribeira. Nesta terceira edición conta con nove expositores que permanecerán na praza do concello ata o domingo. Tódolos libreiros ofrecerán un descontó do dez por cento nas compras e haberá actividades de animación.
  • Leiceaga pide maior implicación da Xunta no deseño dun Plan de Xestión Marisqueira
    RIANXO> O voceiro do PSdeG-PSOE fixo esta mañá unha visita ós Lombos do Ulla, a onde acudiu en compaña de varios patróns maiores e representantes de Confrarías arousás para analizar a caída da produción nesta zona de libre marisqueo. No encontro mantido en Rianxo, Fernández Leiceaga aludiu tamén á necesidade de que se estremen os controis de contaminación na Ría e que se actualicen os estudos sobre a produtividade marisqueira na zona, xa que os últimos foron realizados hai xa quince anos. Máis duro se mostrou o patrón maior rianxeiro, Miguel Ángel Iglesias, quen xunto as patroas maiores de Vilanova e Cabo de Cruz, María José Vales e Raquel Soto, respectivamente, acompañou ó voceiro socialista na súa visita ós Lombos do Ulla. Iglesias reclamou actuacións urxentes para mellorar a produtividade dos Lombos e por extensión a de toda a Ría, da que viven moitas familias. O patrón maior rianxeiro lamentou tamén que a campaña do ano que vén vai estar condicionada pola escasa produtividade, polo que, segundo el, será novamente un ano perdido.
  • A Pobra presenta o seu programa deportivo de verán
    POBRA> Entre as actividades ofertadas destaca o obradoiro de conciliación ‘Móvete’, destinado a nenos dos tres ós doce anos. O programa deseñado polo departamento de Deportes pobrense para este verán inclúe actividades do máis variado, dirixidas a tódalas idades, dende os máis pequenos ata os adultos, desenvolvéndose nas instalacións deportivas municipais, na praia de Cabío ou noutras zonas do entorno natural do Concello. Como en anos anteriores a programación estará dividida en varios apartados: escolas deportivas de clubs, actividades para adultos, actividades no mar e na praia ou competicións deportivas nas que se incluirán o torneo de fútbol praia 3x3, o torneo de xadrez, a regata de traíñas bandeira Concello da Pobra ou a milla urbana nocturna, entre outras. A maiores tamén se ofertarán os obradoiros de conciliación ‘Móvete’, destinados a nenos dos tres ós doce anos. Dende o Concello animan a participar nas actividades. Para máis información os interesados poden dirixirse ó Departamento de Deportes pobrense cuxas oficinas atópanse ubicadas na casa de Cultura Raquel Fernández Soler
  • Malestar veciñal en Palmeira pola posible instalación dunha antena de telefonía móbil
    RIBEIRA> O BNG de Ribeira recolle a preocupación dos veciños de Palmeira pola instalación dunha antena de telefonía móbil preto do campo de fútbol. Segundo os nacionalistas na dita zona xa existe outra antena, mais a que se pretende instalar agora vai ser moito máis potente e non se está tendo en conta a opinión da veciñanza para a súa colocación. Tanto o BNG como os propios veciños consideran que a dita instalación podería situarse nun lugar máis afastado e reducir as radiacións electromagnéticas que poden prexudicar a saúde. Os nacionalistas teñen intención ademais de realizar unha pregunta ó respecto no pleno do próximo luns para coñecer se a empresa xa solicitou permiso para a instalación da dita antena.
  • Ánxela Franco visita as melloras acometidas pola Deputación na residencia de AMICOS
    BOIRO> A deputada provincial, Ánxela Franco, visitou as instalación da residencia de AMICOS en Comoxo. Grazas a unha achega da Deputación, procedeuse á pavimentación do exterior do centro e dotouse dun xerador eléctrico para garantir o correcto subministro.
HomeBARBANZA - NOIAO xuíz decreta o arquivo provisional do caso Diana Quer e levanta o segredo de sumario Top of Page

Síguenos en facebook