• Facebook
  • Twitter
  • Rss
  • Plus

Oleada de roubos na Pobra esta madrugada

Abr 19 Escrito por 
POBRA> A situación xa puxo en estado de alerta a numerosos comerciantes e hostaleiros da vila que reclaman maiores medidas de vixilancia.
A librería Ler, na céntrica rúa da Paz, foi precisamente un dos brancos dos ladróns esta pasada noite. Os amigos do alleo entraron no establecemento despois de romper a luna do escaparate cunha pedra de grandes dimensións. Unha vez no interior foron a pola caixa rexistradora. O botín neste caso non foi alto, apenas unhas moedas que podería haber de cambio. O que máis lle doe ó seu propietario son os cuantiosos danos causados. Este non foi o único establecemento asaltado. Durante a noite os ladróns tamén entraron nunha tenda de informática na zona do Lagar, unha tenda de deportes no centro Comercial o Adro e nunha cafetería da Alameda. A situación está a provocar unha certa alarma na vila, polo que os empresarios e hostaleiros piden o incremento da vixilancia para evitar este tipo de sucesos. Policía Local e Garda Civil investigan xa a posible autoría destes roubos. Segundo as primeiras hipóteses todo parece indicar que se trata da mesma persoa ou persoas, na maioría dos casos reicidentes.
Etiquetado como Barbanza    Pobra do Caramiñal    Roubos    libraria ler    Malestar    alarma    Vixilancia   

Artigos relacionados (por etiqueta)

  • AMICOS aposta pola contaminación cero
    RIBEIRA> A asociación AMICOS converterase na primeira entidade de España en medir a súa pegada de carbono. Ó longo deste ano medirán as súas emisións de CO2 que compensarán ambientalmente coa prantación de árbores.
  • O sorteo da Primitiva de onte deixou un premio de 82 mil euros en Rianxo
    RIANXO> O boleto premiado con cinco acertos máis o complementario foi selado na administración ‘O Mexillón de Ouro’. Durante toda a mañá, nada máis ter coñecemento da nova, foron moitos os clientes desta administración de lotarías ‘O Mexillón de Ouro’, situada na rúa de Arriba, os que se achegaron a comprobar se o seu boleto era o que resultara agraciado no sorteo de onte da Primitiva. En total 82 mil euros. Cinco números máis o complementario. Polo de agora descoñecese a identidade do afortunado ou afortunados, aínda que todo apunta a que se trate de alguén da vila.
  • A alta mortaldade do berberecho compromete a súa recuperación en Arousa
    POBRA> Malas novas para os mariscadores de Arousa que confiaban na recuperación do berberecho de cara á presente campaña. Sen embargo, nas últimas semanas detectouse unha alta mortaldade da especie que fai pensar novamente na marteilia.
  • O proxecto de remodelación do mirador da Pedra da Rá opta a outro premio
    RIBEIRA> A obra de remodelación do mirador da Pedra da Rá en Ribeira volve a optar a un novo galardón, despois de facerse cos Premios FAD de Arquitectura e COAG do Colexio Oficial de Arquitectos de Galicia. Esta vez opta ós VII Premios de Arquitectura Ascensores Enor. A obra deseñada por Carlos Seoane atópase entre as 21 obras finalistas a este certame cuxo fallo darase a coñecer no mes de novembro. Xunto ó miradoiro de Pedra da Rá, optan ó galardón o Museo das Coleccións Reais de Madrid, a Escola de Arquitectura do Antigo Hospital Militar de Granada ou o Auditorio de Lugo, entre outras.
  • Rianxo en Común critica o retraso na presentación dos orzamentos municipais
    RIANXO> Dende a formación acusan ó executivo de estar a incumprir a legalidade que obriga a telos presentados antes do 31 de decembro do ano anterior.
  • Os cativos de Ribeira descobren a súa vocación na Semana dos Oficios
    RIBEIRA> A escola infantil municipal ‘Cativos’ de Ribeira celebra a Semana dos Oficios. Os pequenos reciben a visita dalgúns pais de alumnos que lles desvelan os segredos das súas respectivas profesións.
HomeBARBANZA - NOIAOleada de roubos na Pobra esta madrugada Top of Page

Síguenos en facebook