• Facebook
  • Twitter
  • Rss
  • Plus

Rianxo en Común critica o proceso de municipalización do servizo de abastecemento de auga

Abr 20 Escrito por 
RIANXO> Dende a formación denuncian o retraso do equipo de goberno na posta en marcha da comisión que ía estudar este proceso, a escasos meses xa do vencemento da prórroga do contrato dada hai un ano á actual empresa concesionaria do servizo.
Dende a súa chegada á corporación, Rianxo en Común vén apostando pola municipalización do servizo de abastecemento de auga no municipio, pero observan como dende o grupo de goberno se está a ralentizar o proceso, a escasos meses xa do vencemento da prórroga do contrato dada hai un ano á actual empresa concesionaria do servizo. En pleno o pasado ano acordouse a creación dunha comisión que se encargaría de elaborar un informe para o cambio de modelo, aínda que a súa aprobación de constitución non se produciu ata o pasado mes de marzo. Dende Rianxo en Común aluden á necesidade de recuperar para o público o servizo de abastecemento de auga, na súa aposta de xestión dos bens básicos baseados en criterios de ben común e tamén de sustentabilidade, pero tamén de aforro, ó considerar que sería máis beneficiario para os veciños. Pola súa banda o alcalde, Adolfo Muíños, negou que non existise interese por parte do equipo de goberno na municipalización do servizo, todo o contrario. Segundo el nestes últimos anos estiveron precisamente a darse os pasos para conseguir este cambio de modelo de xestión.
Etiquetado como Barbanza    Rianxo    rianxo en comun    anton castro    municipalizacion    servixo abastecemento auga    retraso    contrato    comision   

Artigos relacionados (por etiqueta)

  • Sardiñas aptas para tódolos petos na véspera da noite de San Xoán
    BOIRO> Nas xornadas previas a San Xoán non se está a dar a escaseza de sardiña de anos anteriores. Esta mañá na praza de abastos de Boiro había peixe en abundancia e o prezo mantíñase ó redor dos cinco euros, tal e como se vende habitualmente.
  • Nove expositores achegan as últimas novidades literarias a Ribeira na III Feira do Libro
    RIBEIRA> Inaugurada oficialmente a Feira do Libro de Ribeira. Nesta terceira edición conta con nove expositores que permanecerán na praza do concello ata o domingo. Tódolos libreiros ofrecerán un descontó do dez por cento nas compras e haberá actividades de animación.
  • Leiceaga pide maior implicación da Xunta no deseño dun Plan de Xestión Marisqueira
    RIANXO> O voceiro do PSdeG-PSOE fixo esta mañá unha visita ós Lombos do Ulla, a onde acudiu en compaña de varios patróns maiores e representantes de Confrarías arousás para analizar a caída da produción nesta zona de libre marisqueo. No encontro mantido en Rianxo, Fernández Leiceaga aludiu tamén á necesidade de que se estremen os controis de contaminación na Ría e que se actualicen os estudos sobre a produtividade marisqueira na zona, xa que os últimos foron realizados hai xa quince anos. Máis duro se mostrou o patrón maior rianxeiro, Miguel Ángel Iglesias, quen xunto as patroas maiores de Vilanova e Cabo de Cruz, María José Vales e Raquel Soto, respectivamente, acompañou ó voceiro socialista na súa visita ós Lombos do Ulla. Iglesias reclamou actuacións urxentes para mellorar a produtividade dos Lombos e por extensión a de toda a Ría, da que viven moitas familias. O patrón maior rianxeiro lamentou tamén que a campaña do ano que vén vai estar condicionada pola escasa produtividade, polo que, segundo el, será novamente un ano perdido.
  • A Pobra presenta o seu programa deportivo de verán
    POBRA> Entre as actividades ofertadas destaca o obradoiro de conciliación ‘Móvete’, destinado a nenos dos tres ós doce anos. O programa deseñado polo departamento de Deportes pobrense para este verán inclúe actividades do máis variado, dirixidas a tódalas idades, dende os máis pequenos ata os adultos, desenvolvéndose nas instalacións deportivas municipais, na praia de Cabío ou noutras zonas do entorno natural do Concello. Como en anos anteriores a programación estará dividida en varios apartados: escolas deportivas de clubs, actividades para adultos, actividades no mar e na praia ou competicións deportivas nas que se incluirán o torneo de fútbol praia 3x3, o torneo de xadrez, a regata de traíñas bandeira Concello da Pobra ou a milla urbana nocturna, entre outras. A maiores tamén se ofertarán os obradoiros de conciliación ‘Móvete’, destinados a nenos dos tres ós doce anos. Dende o Concello animan a participar nas actividades. Para máis información os interesados poden dirixirse ó Departamento de Deportes pobrense cuxas oficinas atópanse ubicadas na casa de Cultura Raquel Fernández Soler
  • Malestar veciñal en Palmeira pola posible instalación dunha antena de telefonía móbil
    RIBEIRA> O BNG de Ribeira recolle a preocupación dos veciños de Palmeira pola instalación dunha antena de telefonía móbil preto do campo de fútbol. Segundo os nacionalistas na dita zona xa existe outra antena, mais a que se pretende instalar agora vai ser moito máis potente e non se está tendo en conta a opinión da veciñanza para a súa colocación. Tanto o BNG como os propios veciños consideran que a dita instalación podería situarse nun lugar máis afastado e reducir as radiacións electromagnéticas que poden prexudicar a saúde. Os nacionalistas teñen intención ademais de realizar unha pregunta ó respecto no pleno do próximo luns para coñecer se a empresa xa solicitou permiso para a instalación da dita antena.
  • Ánxela Franco visita as melloras acometidas pola Deputación na residencia de AMICOS
    BOIRO> A deputada provincial, Ánxela Franco, visitou as instalación da residencia de AMICOS en Comoxo. Grazas a unha achega da Deputación, procedeuse á pavimentación do exterior do centro e dotouse dun xerador eléctrico para garantir o correcto subministro.
HomeBARBANZA - NOIARianxo en Común critica o proceso de municipalización do servizo de abastecemento de auga Top of Page

Síguenos en facebook