• Facebook
  • Twitter
  • Rss
  • Plus

Tres empresas radicadas en Ribeira sancionadas con multas millonarias por pesca ilegal

Abr 21 Escrito por 
RIBEIRA> As investigacións iniciáronse xa no verán de 2015 no marco da denominada ‘Operación Sparrow 2’.
O Goberno Español vén de sancionar con preto dos dous millóns e medio de euros a tres empresas radicadas en Ribeira e outras tres en Vigo no marco da denominada ‘Operación Sparrow 2’ contra a pesca ilegal. A multa vese ademais incrementada noutros 2’8 millóns máis a seis persoas encargadas desras firmas, supostamente propietarias de dous buques que se dedicaban á pesca pirata en augas do océano Antártico: o Viking e o Seabull 22, os dous xa fóra de servizo. As investigacións remóntanse xa a xullo de 2015, con rexistros realizados nas sedes destas empresas, nas que se atopou abundante documentación que descubríu o entramado empresarial dirixido principalmente a ocultar ás autoridades a propiedade e a xestión destes dous barcos. Algunhas destas firmas xa estaban relacionadas entre sí e mesmo entre os propietarios dos barcos, que ó longo dos anos foron pasando por diferentes empresas, nomes e bandeiras, existiu conexión con Vidal Armadores, empresa ribeirense que xa fora sancionada anteriormente por estas prácticas ilegais cunha multa de preto dos 18 millóns de euros polo ministerio de Agricultura e Pesca. Tanto o Viking como o Seabull 22 foron sorprendidos mentras pescaban en aguas reguladas pola Convención sobre a Conservación de Recursos Vivos Mariños Antárticos merluza negra, de gran valor comercial.
Etiquetado como Barbanza    Ribeira    pesca ilegal    multas millonarias    operacion sparrow 2   

Artigos relacionados (por etiqueta)

  • O Boiro fulmina ó Celta B
    BOIRO> Os de Fredi, que foron moi superiores ó seu rival durante todo o partido, continúan coa fe da permanencia.
  • O BNG sonense denuncia un novo vertido de augas residuais ó mar
    PORTO DO SON> Segundo os nacionalistas é un problema que se dá con bastante frecuencia no municipio, polo que instan ó equipo de goberno a dirixir maior investimento a mellorar o a rede municipal de saneamento.
  • As consultas turísticas aumentaron un 35% en Arousa Norte esta Semana Santa
    BARBANZA> As cifras sitúan a esta comarca coma unha das máis relevantes dentro da oferta da nosa comunidade.
  • O executivo pobrense remodelará o salón de actos do ISM para convertelo nunha sala de estudo
    POBRA> O novo espazo complementará as necesidades dos usuarios no horario no que a biblioteca estea pechada.
  • O Boiro inicia co Celta B o seu particular vía crucis cara a permanencia
    BOIRO> Á falla de catro xornadas para o remate da competición os boirenses ocupan praza de descenso directo. Son décimo oitavos con 35 puntos.
  • Máis de trescentos escolares participan na I Marcha Ciclista de Boiro
    BOIRO> Máis de trescentos escolares de Boiro de idades comprendidas entre os sete e os nove anos de distintos centros educativos tomaron esta mañá coas súas bicicletas as rúas do casco urbano. Tratábase da primeira Marcha Ciclista Escolar organizada polo equipo de educación vial da Policía Local e tiña como principal finalidade poñer en práctica os coñecementos adquiridos ó longo do curso nas clases. A marcha partiu ás once da mañá dende a propia Praza do Concello. Houbo dous percorridos, un para os mais pequenos, de pouco mais de un quilómetro, atravesando as rúas peonís, e outro máis longo, de cinco, que chegou ata Escarabote. Ataviados cos seus respectivos cascos e co seu flamante chaleco, que lle foi entregado pola organización a cada participante, disfrutaron dunha xornada fóra do habitual. Acompañando ós cativos no seu percorrido, o propio alcalde, Xoán Xosé Dieste, que non quixo perderse a convocatoria, e que mesmo encabezou a marcha durante case todo o percorrido.
HomeBARBANZA - NOIATres empresas radicadas en Ribeira sancionadas con multas millonarias por pesca ilegal Top of Page

Síguenos en facebook