09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

O Boiro fulmina ó Celta B

Abr 24 Escrito por 
BOIRO> Os de Fredi, que foron moi superiores ó seu rival durante todo o partido, continúan coa fe da permanencia.
Capaz do mellor e tamén do peor. Unha de cal e outra de area. O Boiro conseguía onte en Barreiro unha vitoria salvadora, que lle dá aínda esperanzas para a salvación á falla tan só de tres xornadas para o remate da competición. a permanencia está agora a un só punto. As cousas non pintaban ben de principio para os boirenses que chegaban a Vigo con sete xornadas sen coñecer a vitoria. Ante si un dos rivais máis fortes da categoría. Líder do grupo ata esta xornada, que acumulaba tamén oito trunfos consecutivos. Dende un primeiro momento os de Fredi sairon a polo partido, mostrándose moi superiores a un rival ó que acabaron vencendo por un claro cero a tres. O primeiro gol do Boiro chegaba no minuto 24 de partido, grazas a un tanto do seu dianteiro Rubén Rivera ó cabecear ó fondo das mallas un saque de esquina. A partir de aí o dominio pasou para os celestes, que se fixo dono do balón, pero sen xerar apenas perigo na área defendida por Pato. O Boiro ben pechado atrás si creaba perigo nas saídas. Xa na segunda metade, ó pouco da reanudación, chegaba o segundo tanto dos boirenses, obra nesta ocasión de Marcos Álvarez, que foi quen de resolver un contragolpe moi ben levado por Cano. O gol caeu coma un xarro de auga fría para o filial celeste que onte non encontrou en ningún momento o seu xogo e apenas inquietou a meta visitante. O terceiro tanto do Boiro, nesta ocasión de Romay, no 68, deixaba xa o definitivo cero a tres no marcador. Os boirenses seguen en postos de descenso directo, pero teñen a salvación a un punto. Na próxima xornada recibirán en Barraña ó sempre difícil Pontevedra. Equipo que esta fin de semana non pasaba do empate a uns co Coruxo, aínda que consegue manter acuarta praza con dereito a xogar o play off de ascenso. O outro derbi galego da xornada, o que enfrontou ó Racing de Ferrol e o Somozas saldouse tamén con empate, neste caso a ceros.
Etiquetado como Barbanza    Boiro    Deportes    Fútbol    CD Boiro    celta b    2ªb    permanencia   

Artigos relacionados (por etiqueta)

  • O paso de 'Ana' deixa un regueiro de incidencias menores no Barbanza
    BOIRO> O temporal tamén deixou esta pasada noite un regueiro de incidencias no Barbanza, aínda que a maioría delas sen consideración. As rachas de vento, que nalgún caso chegaron a superar os cen quilómetros por hora, provocaron a caídas de árbores en numerosos puntos da comarca.
  • Medio Ambiente avanza en Ribeira o contido do PRUX das Illas Atlánticas
    RIBEIRA> O concello de Ribeira acolleu unha nova xuntanza sobre o Plan de Xestión e Usos do Parque Nacional das Illas Atlánticas. A directora xeral de Patrimonio avanzou ós axentes implicados as principais liñas desta proposta que busca compatibilizar as actividades económicas coa conservación do parque.
  • Juan Antonio Gude e Rocío Alvite vencedores da Carreira Popular 'Mar de Boiro'
    BOIRO> Na proba celebrada este domingo participaron uns setecentos corredores, sumando tódalas categorías. Onte domingo disputouse a décimo terceira edición da carreira popular Mar de Boiro, undécimo memorial Pepe Buceta. A organización da proba, que correu a cargo do Departamento de Deportes boirense, destacou a alta participación, con máis de 700 inscritos, sumando tanto a categoría de adultos como as de escolares e mini. A saída producíase ás once da mañá coa presenza das distintas autoridades locais, entre as que se atopaban o alcalde, Xoán Xosé Dieste, quen destacou a importancia da carreira, que co paso dos anos está a adquirir un maior protagonismo. O bo tempo existente durante toda a mañá axudou ó bo desenvolvemento da mesma, sendo numerosos os afeccionados que seguiron a proba ó longo de todo o seu percorrido, que estivo dividida ademais en varios trazados segundo as idades e categorías. O vencedor da proba na categoría absoluta masculina foi Juan Antonio Gude do Club Montepenarubia que completou o percorrido cun tempo de 32 minutos e 5 segundos. En segundo lugar quedou Amador Pena do Club Atletismo O Pino cun tempo de 32 minutos y 53 segundos. E catro segundos máis tarde entraba o terceiro clasificado, José Lojo do san Miguel de Marín. En canto á categoría feminina absoluta a vencedora foi a esteirana Rocío Alvite do Atletismo Sar-Petroni cun tempo de 38 minutos e 41 segudos. En segundo lugar quedou Elena matalobos da Sociedade deportiva Barbantia Roda cun tempo de 41:42 e o terceiro posto foi para Teresa Carneiro do Club Atletismo Santiago cun tempo de 42:15. Ademais do seu aspecto puramente deportivo, a carreira converteuse nunha gran festa do deporte.
  • O BNG de Boiro demanda melloras no núcleo de Esteiro
    BOIRO> O BNG de Boiro levará a pleno tres mocións encamiñadas a melloras os servizos do lugar de Esteiro. Reclaman a construción do paseo marítimo, a dotación de beirarrúas ata o lugar de Cariño e a eliminación das molestias ocasionadas polo pozo de bombeo.
  • O BNG propón excluír á flota do xeito do reparto de cotas
    RIANXO> O BNG propón excluír ó xeito das restricións da política de cotas. Así o manifestou a voceira nacional, Ana Pontón, na xuntanza mantida cos responsables da confraría de Rianxo.
  • O presidente da Deputación anuncia novas melloras da seguridade viaria en Rianxo
    RIANXO> O presidente da Deputación da Coruña visitou o concello de Rianxo para anunciar dúas obras de seguridade viaria que veñen de ser aprobadas no último pleno da corporación provincial. Trátase dun treito de medio quilómetro no vial entre Rianxo e Bexo e o remate da senda peonil en Burés.
HomeBARBANZA - NOIAO Boiro fulmina ó Celta B Top of Page

Síguenos en facebook