• Facebook
  • Twitter
  • Rss
  • Plus

Malestar en Noia ante a falla de información polo inicio das obras de rexeneración da Ría

Abr 25 Escrito por 
NOIA> Os tres grupos da oposición: BNG, PSOE e Marea veñen de esixirlle ó equipo de goberno a convocatoria urxente da Comisión de Mar onde tratar este asunto.
O inicio esta semana das obras de rexeneración da Ría está a suscitar un enorme malestar en Noia, principalmente nos tres grupos que conforman a oposición neste Concello. BNG, PSOE e Marea critican ó equipo de goberno pola falla de información ó respecto. Os tres grupos esixen a convocatoria urxente da Comisión de Mar, aludindo a un compromiso adquirido polo propio executivo de convocar a este órgano con carácter previo ó comezo de calquera actuación. Nun comunicado feito público polas tres forzas falan tamén do acordo acadado en pleno por unanimidade de tódolos grupos para que se que se realizaran as xuntanzas informativas necesarias e se estableceran tódalas medidas de seguridade posibles para evitar picos de contaminación na Ría que puidesen afectar ós bancos marisqueiros. Segundo eles, este acordo está sendo incumprido, o que está a xerar unha enorme preocupación, non só entre os grupos da oposición, senón tamén entre o propio sector do mar. Precisamente a Plataforma en Defensa da Ría de Muros e Noia vén de mostrar tamén o seu malestar polo inicio desta actuación, criticando o feito de que non os tiveran informado con anterioridade sobre o que se tiña pensado facer e as medidas de seguridade medioambiental que se van a levar a cabo. Por esta razón dende Plademar piden tamén a paralización das obras de dragado ata que se cumpra co acordo plenario e se informe ós veciños sobre o proxecto que se vai a levar a cabo.
Etiquetado como MurosNoia    Noia    Obras    Rexeneración    ria    falla informacion    Malestar    Oposición    plademar   
Modificado por última vez no Martes, 25 Abril 2017 21:51

Artigos relacionados (por etiqueta)

  • Noia acollerá do 3 ó 7 de xullo unha nova edición do Campus José Ángel Antelo
    NOIA> A actividade, organizada polo Club Baloncesto Noia en colaboración co Concello, está dirixidas a rapaces dos seis ós dezaseis anos. O próximo luns arrancará unha nova edición, e xa van doce do Campus de Baloncesto José Ángel Antelo. A actividade estará dirixida a rapaces e rapazas de idades comprendidas entre os seis e os dezaseis anos, que se inicien na práctica deste deporte ou desexen perfeccionar os seus coñecementos. José Ángel Antelo, xogador local, que lle dá nome ó Campus, participou tamén na presentación, anunciando que será parte importante da actividade. Dende o concello noiés, que colabora tamén na organización do campus, destacaron a importancia desta actividade, como o feito de poder contar cunha figura destacada no mundo do baloncesto a nivel nacional.
  • Máis dun cento de exemplares participarán no XVII Concurso Nacional Canino de Porto do Son
    PORTO DO SON> Os mellores cans de toda Galicia daranse cita este domingo en Porto do Son, onde se celebra a décimo sétima edición do Concurso Nacional Canino. A xornada previo terá lugar un monográfico sobre o dogo alemán con máis de cincuenta participantes.
  • O PSOE de Lousame pide que os inmobles con usos agropecuarios non paguen o IBI
    LOUSAME> O PSOE de Lousame está a desenvolver unha campaña de recollida de sinaturas para conseguir a redución completa do IBI para aquelas propiedades destinadas a usos agropecuarios. Instan ó goberno municipal a establecer a máxima bonificación para este tipo de infraestruturas nun concello eminentemente rural.
  • A Xunta de Goberno adxudica obras por un importe de máis dun millón de euros
    Pontevedra> A Xunta de Goberno Local aprobou en Pontevedra a adxudicación e contratación de obras en vías e espazos públicos por máis dun millón de euros. Entre os traballos máis destacados está a rehabilitación do aparcadoiro da rúa Alexandre Bóveda e a renovación da zona de baño da praia fluvial do río Lérez.
  • Noia converterase en Agosto na sede internacional da Arpa
    NOIA> Noia acollerá entre o dous e o catro de agosto o Festival Internacional de Arpa. Nesta cuarta edición destaca a alta participación de artistas locais que compartirán escenario coas máis grandes figuras internacionais nesta disciplina.
  • Oposición ó peche do CEIP Emilio de Navasqüés de Outes
    OUTES> A comunidade educativa anuncia que non parará ata conseguir a anulación da medida por parte de Educación. Con berros coma este....a comunidade educativa do CEIP Emilio de Navasqüés de Outes oponse á decisión da consellería de Educación de pechar o centro para o vindeiro curso escolar. Unha decisión que ninguén agardaba e que mesmo os colleu por sorpresa, na véspera do inicio das vacacións. Visiblemente emocionada a directora do colexio, Mercedes Cereijo, relatáballe ó resto de profesores, pais, familiares e veciños en xeral, que esta mañá acudiron en masa ó colexio atendendo a chamada realizada pola ANPA, como foi o anuncio desa drástica decisión da Xefatura Territorial, abrindo as portas á fusión co outro colexio do Concello, o CEIP da Serra de Outes. Dende a ANPA non entenden as razóns que levan a Consellería a tomar esta decisión sen previo aviso, máxime cando hai prevista unha matricula duns 72 nenos para o curso que vén. Tampouco entenden que dende o Concello se mire para outro lado e non se respalden as súas reivindicacións. A súa idea é seguir mobilizándose ata conseguir que se anule esta medida que consideran inxusta. Ademais dos escritos remitidos á Consellería demandando un cambio de postura na súa decisión, unha das primeiras accións a realizar foi a recollida de sinaturas de xeito presencial e tamén a través da plataforma change.org.
HomeBARBANZA - NOIAMalestar en Noia ante a falla de información polo inicio das obras de rexeneración da Ría Top of Page

Síguenos en facebook