• Facebook
  • Twitter
  • Rss
  • Plus

En Marea levará ó Parlamento alternativas para a rehabilitación do Pazo de Goiáns

Mai 02 Escrito por 
BOIRO> En Marea levará ó Parlamento a necesidade de acometer unha actuación urxente no pazo de Goiáns. Ademais de consolidar a edificación principal para frear o seu deterioro propoñen a rehabilitación integral do conxunto para darlle un uso público.
O voceiro de En Marea no Parlamento, Luís Villares, e as deputadas de Cultura e Patrimonio, Luca Chao e Ánxeles Cuña desprazábanse esta tarde ata o pazo de Goiáns en Boiro para comprobar o estado de deterioro en que se atopa o conxunto histórico. Facíano convidados por Boiro Novo que denuncia a falla de interese do goberno municipal que leva seis anos sen acometer ningunha actuación. O anuncio dun estudo para determinar os posibles usos da finca fai sospeitar á formación boirense da intención do executivo de privatizala. Recollendo as demandas de Boiro Novo, En Marea levará varias iniciativas ó parlamento non só para saber que actuacións se teñen acometido nos últimos anos para evitar a ruína da edificación senón tamén para propoñer unha alternativa que permita a súa restauración. Neste sentido lembran que se trata dun elemento patrimonial de incalculable valor que está en proceso de declaración coma Ben de Interese Cultural.
Etiquetado como Boiro    Barbanza    boiro novo    en marea    Pazo Goiáns   

Artigos relacionados (por etiqueta)

HomeBARBANZA - NOIAEn Marea levará ó Parlamento alternativas para a rehabilitación do Pazo de Goiáns Top of Page

Síguenos en facebook