• Facebook
  • Twitter
  • Rss
  • Plus

Aberto o prazo de inscrición na III Carreira Popular de Lousame

Mai 03 Escrito por 
LOUSAME> A proba terá lugar o próximo 21 de maio, podéndose realizar as inscricións ata o día 18 a través da páxina www.emesports.es.
O salón de actos do Concello acollía a presentación oficial da carreira, que chega este ano á súa terceira edición. O acto contou coa presenza de destacados atletas locais, entre eles a propia Pilar Barreiro Senra, que dá nome á proba, e que xa anunciou que participará ese día na carreira. A carreira de dez quilómetros na súa categoría absoluta terá un percorrido similar ó de edicións anteriores, con trazados alternativos para as categorías base. Como novidade este anos, ademais doutros servizos ó corredor, e que se disporá de gardería, para que os pais que o desexen poidan participar con total tranquilidade. Dende o Concello agardan unha alta participación ese día, superando as cifras de edicións anteriores, tratando de converter a proba nunha festa do deporte. O prazo de inscrición estará aberto ata o xoves 18 de maio, a través da páxina web www.emesports.es. Os prezos mantéñense con respecto ó ano anterior, seis euros para a proba absoluta, e gratis para os menores de dezasete anos.
Etiquetado como Barbanza    MurosNoia    Lousame    Deportes    iii carreira popular    pilar barreiro senra   

Artigos relacionados (por etiqueta)

  • Boiro Novo pide mellorar os problemas de climatización da escola infantil do Saltiño
    BOIRO> Boiro Novo levará ó Parlamento, a través do grupo de En Marea, os problemas de climatización na Escola Infantil do Saltiño. Segundo apuntan dende a súa posta en funcionamento, no curso 2015-2016, as instalacións presentan este problema debido ás altas temperaturas que se rexistran no edificio, especialmente nos días de moito sol, provocando situacións incómodas nos nenos que poden mesmo ocasionar problemas de saúde. Por esta razón pídenlle á Xunta a instalación dun sistema de climatización que dea solución a estes problemas.
  • Noia acollerá do 3 ó 7 de xullo unha nova edición do Campus José Ángel Antelo
    NOIA> A actividade, organizada polo Club Baloncesto Noia en colaboración co Concello, está dirixidas a rapaces dos seis ós dezaseis anos. O próximo luns arrancará unha nova edición, e xa van doce do Campus de Baloncesto José Ángel Antelo. A actividade estará dirixida a rapaces e rapazas de idades comprendidas entre os seis e os dezaseis anos, que se inicien na práctica deste deporte ou desexen perfeccionar os seus coñecementos. José Ángel Antelo, xogador local, que lle dá nome ó Campus, participou tamén na presentación, anunciando que será parte importante da actividade. Dende o concello noiés, que colabora tamén na organización do campus, destacaron a importancia desta actividade, como o feito de poder contar cunha figura destacada no mundo do baloncesto a nivel nacional.
  • Calidade e excelencia resumen a xestión da Marina Cabo de Cruz
    BOIRO> O presidente de Portos de Galicia participou no izado das bandeiras azuis e Q de calidade no Náutico de Cabo de Cruz. O porto deportivo recibe estes distintivos por quinto ano consecutivo, en recoñecemento á excelencia na xestión e na calidade ambiental.
  • Máis dun cento de exemplares participarán no XVII Concurso Nacional Canino de Porto do Son
    PORTO DO SON> Os mellores cans de toda Galicia daranse cita este domingo en Porto do Son, onde se celebra a décimo sétima edición do Concurso Nacional Canino. A xornada previo terá lugar un monográfico sobre o dogo alemán con máis de cincuenta participantes.
  • Ribeira quenta motores para a concentración tunning desta fin de semana
    RIBEIRA> Entre cincuenta e sesenta coches participarán na oitava concentración tunning Riveira. Terá lugar o un e o dous de xullo na explanada de Coroso, onde se entregarán ó redor de oitenta trofeos entre os participantes.
  • O PSOE de Lousame pide que os inmobles con usos agropecuarios non paguen o IBI
    LOUSAME> O PSOE de Lousame está a desenvolver unha campaña de recollida de sinaturas para conseguir a redución completa do IBI para aquelas propiedades destinadas a usos agropecuarios. Instan ó goberno municipal a establecer a máxima bonificación para este tipo de infraestruturas nun concello eminentemente rural.
HomeBARBANZA - NOIAAberto o prazo de inscrición na III Carreira Popular de Lousame Top of Page

Síguenos en facebook