• Facebook
  • Twitter
  • Rss
  • Plus

Os escolares do Barbanza coñecen o labor das unidades especiais da Garda Civil

Mai 05 Escrito por 
NOIA> Dous mil cincocentos escolares dunha vintena de centros educativos de toda a comarca do Barbanza asistiron á segunda exhibición solidaria da Garda Civil desenvolvida no porto de Testal en Noia.
O gran despregamento de unidades da Garda Civil no porto de Testal facía pensar nun amplo operativo de seguridade. Nada máis lonxa da realidade posto que se trataba dunha exhibición solidaria coa que o Instituto Armado, ademais de dar a coñecer as súas unidades especiais, colabora Cáritas e Cruz Vermella na recadación de alimentos e material escolar. Os máis de dous mil cincocentos escolares que participaron na exhibición tiveron ocasión de ver como traballan os TEDAX axudados por un robot grúa e pola inestimable colaboración dun can adestrado para detectar explosivos. Asistiron tamén a un simulacro de rescate e localización de persoas atrapadas. Labores que realizan os axentes da Garda Civil aínda que non adoitamos velos. Os pequenos seguiron con expectación as numerosas actividades desenvolvidas ó longo da xornada que espertaron curiosidade e admiración a partes iguais. Tanta que máis de unxa se plantexou o seu futuro como Garda Civil.
Etiquetado como Noia    MurosNoia    Garda Civil    Exhibicións   

Artigos relacionados (por etiqueta)

  • Noia acollerá do 3 ó 7 de xullo unha nova edición do Campus José Ángel Antelo
    NOIA> A actividade, organizada polo Club Baloncesto Noia en colaboración co Concello, está dirixidas a rapaces dos seis ós dezaseis anos. O próximo luns arrancará unha nova edición, e xa van doce do Campus de Baloncesto José Ángel Antelo. A actividade estará dirixida a rapaces e rapazas de idades comprendidas entre os seis e os dezaseis anos, que se inicien na práctica deste deporte ou desexen perfeccionar os seus coñecementos. José Ángel Antelo, xogador local, que lle dá nome ó Campus, participou tamén na presentación, anunciando que será parte importante da actividade. Dende o concello noiés, que colabora tamén na organización do campus, destacaron a importancia desta actividade, como o feito de poder contar cunha figura destacada no mundo do baloncesto a nivel nacional.
  • Máis dun cento de exemplares participarán no XVII Concurso Nacional Canino de Porto do Son
    PORTO DO SON> Os mellores cans de toda Galicia daranse cita este domingo en Porto do Son, onde se celebra a décimo sétima edición do Concurso Nacional Canino. A xornada previo terá lugar un monográfico sobre o dogo alemán con máis de cincuenta participantes.
  • O PSOE de Lousame pide que os inmobles con usos agropecuarios non paguen o IBI
    LOUSAME> O PSOE de Lousame está a desenvolver unha campaña de recollida de sinaturas para conseguir a redución completa do IBI para aquelas propiedades destinadas a usos agropecuarios. Instan ó goberno municipal a establecer a máxima bonificación para este tipo de infraestruturas nun concello eminentemente rural.
  • Noia converterase en Agosto na sede internacional da Arpa
    NOIA> Noia acollerá entre o dous e o catro de agosto o Festival Internacional de Arpa. Nesta cuarta edición destaca a alta participación de artistas locais que compartirán escenario coas máis grandes figuras internacionais nesta disciplina.
  • Oposición ó peche do CEIP Emilio de Navasqüés de Outes
    OUTES> A comunidade educativa anuncia que non parará ata conseguir a anulación da medida por parte de Educación. Con berros coma este....a comunidade educativa do CEIP Emilio de Navasqüés de Outes oponse á decisión da consellería de Educación de pechar o centro para o vindeiro curso escolar. Unha decisión que ninguén agardaba e que mesmo os colleu por sorpresa, na véspera do inicio das vacacións. Visiblemente emocionada a directora do colexio, Mercedes Cereijo, relatáballe ó resto de profesores, pais, familiares e veciños en xeral, que esta mañá acudiron en masa ó colexio atendendo a chamada realizada pola ANPA, como foi o anuncio desa drástica decisión da Xefatura Territorial, abrindo as portas á fusión co outro colexio do Concello, o CEIP da Serra de Outes. Dende a ANPA non entenden as razóns que levan a Consellería a tomar esta decisión sen previo aviso, máxime cando hai prevista unha matricula duns 72 nenos para o curso que vén. Tampouco entenden que dende o Concello se mire para outro lado e non se respalden as súas reivindicacións. A súa idea é seguir mobilizándose ata conseguir que se anule esta medida que consideran inxusta. Ademais dos escritos remitidos á Consellería demandando un cambio de postura na súa decisión, unha das primeiras accións a realizar foi a recollida de sinaturas de xeito presencial e tamén a través da plataforma change.org.
  • A Garda Civil intervén preto dos mil litros de Coca-Cola en Noia
    NOIA> A Patrulla Fiscal da Garda Civil de Noia procedeu á realización de varias inspeccións administrativas en distintos establecementos de Porto do Son e Noia. Netes locais interviron máis de 2.600 botellas de vidro e máis de 1.300 botes de Coca Cola por carecer da correspondente información ó consumidor en lingua oficial, sendo a súa posible orixe danesa ou francesa. Durante as inspeccións os axentes tamén se fixeron con 192 paquetes de tabaco de contrabando. Todo o material incautado foi precintado nos propios establecementos quedando a disposición da propia autoridade sancionadora.
HomeBARBANZA - NOIAOs escolares do Barbanza coñecen o labor das unidades especiais da Garda Civil Top of Page

Síguenos en facebook