09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

O trunfo ante o Racing de Ferrol achega ó Boiro á permanencia

Mai 08 Escrito por 
BOIRO> na derradeira xornada da competición os boirenses recibirán en Barraña ó Burgos.
Este tanto de Rubén Rivera ó pouco do inicio da segunda parte deulle os tres puntos ó Club Deportivo Boiro no derbi de onte na Malata ante o Racing de Ferrol. Os goles do dianteiro boirense nas últimas xornadas están a dar folgos a un Boiro que necesitaba imperiosamente a vitoria para seguir soñando coa permanencia. Unha meta agora máis próxima, que deberá refrendar no derradeiro partido da tempada, o vindeiro domingo en Barraña, onde recibirá ó Burgos. Un trunfo dos de Fredi o próximo domingo, xunto cun resultado adverso do Caudal, que xogará fronte ó Pontevedra, mesmo lle permitiría amarrar a salvación de xeito directo sen ter que xogar o playoff de descenso, posto que ocupa actualmente. Os de Fredi son décimo sextos con 42 puntos, os mesmos que o Caudal. O resto de resultados dos equipos galegos nesta categoría deixa as vitorias por dous goles a un do Celta B e do Pontevedra ante o Caudal Deportivo e a Arandina respectivamente, e as derrotas do Somozas, 3 a 1 co Lealtad e do Coruxo, tamén por 3-1 ante o Burgos.
Etiquetado como Barbanza    Boiro    Deportes    Fútbol    CD Boiro    Racing de Ferrol    2ªb    permanencia   

Artigos relacionados (por etiqueta)

  • Medio Ambiente avanza en Ribeira o contido do PRUX das Illas Atlánticas
    RIBEIRA> O concello de Ribeira acolleu unha nova xuntanza sobre o Plan de Xestión e Usos do Parque Nacional das Illas Atlánticas. A directora xeral de Patrimonio avanzou ós axentes implicados as principais liñas desta proposta que busca compatibilizar as actividades económicas coa conservación do parque.
  • Juan Antonio Gude e Rocío Alvite vencedores da Carreira Popular 'Mar de Boiro'
    BOIRO> Na proba celebrada este domingo participaron uns setecentos corredores, sumando tódalas categorías. Onte domingo disputouse a décimo terceira edición da carreira popular Mar de Boiro, undécimo memorial Pepe Buceta. A organización da proba, que correu a cargo do Departamento de Deportes boirense, destacou a alta participación, con máis de 700 inscritos, sumando tanto a categoría de adultos como as de escolares e mini. A saída producíase ás once da mañá coa presenza das distintas autoridades locais, entre as que se atopaban o alcalde, Xoán Xosé Dieste, quen destacou a importancia da carreira, que co paso dos anos está a adquirir un maior protagonismo. O bo tempo existente durante toda a mañá axudou ó bo desenvolvemento da mesma, sendo numerosos os afeccionados que seguiron a proba ó longo de todo o seu percorrido, que estivo dividida ademais en varios trazados segundo as idades e categorías. O vencedor da proba na categoría absoluta masculina foi Juan Antonio Gude do Club Montepenarubia que completou o percorrido cun tempo de 32 minutos e 5 segundos. En segundo lugar quedou Amador Pena do Club Atletismo O Pino cun tempo de 32 minutos y 53 segundos. E catro segundos máis tarde entraba o terceiro clasificado, José Lojo do san Miguel de Marín. En canto á categoría feminina absoluta a vencedora foi a esteirana Rocío Alvite do Atletismo Sar-Petroni cun tempo de 38 minutos e 41 segudos. En segundo lugar quedou Elena matalobos da Sociedade deportiva Barbantia Roda cun tempo de 41:42 e o terceiro posto foi para Teresa Carneiro do Club Atletismo Santiago cun tempo de 42:15. Ademais do seu aspecto puramente deportivo, a carreira converteuse nunha gran festa do deporte.
  • O BNG de Boiro demanda melloras no núcleo de Esteiro
    BOIRO> O BNG de Boiro levará a pleno tres mocións encamiñadas a melloras os servizos do lugar de Esteiro. Reclaman a construción do paseo marítimo, a dotación de beirarrúas ata o lugar de Cariño e a eliminación das molestias ocasionadas polo pozo de bombeo.
  • O BNG propón excluír á flota do xeito do reparto de cotas
    RIANXO> O BNG propón excluír ó xeito das restricións da política de cotas. Así o manifestou a voceira nacional, Ana Pontón, na xuntanza mantida cos responsables da confraría de Rianxo.
  • O presidente da Deputación anuncia novas melloras da seguridade viaria en Rianxo
    RIANXO> O presidente da Deputación da Coruña visitou o concello de Rianxo para anunciar dúas obras de seguridade viaria que veñen de ser aprobadas no último pleno da corporación provincial. Trátase dun treito de medio quilómetro no vial entre Rianxo e Bexo e o remate da senda peonil en Burés.
  • O consello da Xunta dá luz verde á ampliación de Jealsa-Rianxeira
    BOIRO> A firma ten intención de investir uns 20 millóns de euros na construción de dúas novas naves, o que permitirá a creación duns douscentos postos de traballo. A aprobación por parte do Consello da Xunta de Galicia do proxecto sectorial de incidencia supramunicipal de ampliación das instalacións de Jealsa Rianxeira permitiralle á empresa poder desenvolver a ordenación do espazo contiguo ás actuais instalacións ubicadas no lugar do Bodión. As previsións da conserveira pasan fundamentalmente pola construción de dúas novas naves. Na ampliación a empresa ten previsto investir uns 20 millóns de euros que suporán a creación de 200 postos de traballo. Un feito destacado polo presidente do Goberno Autonómico, Alberto Núñez Feijoo. Segundo el posta en marcha deste proxecto volve a mostrar o compromiso da Xunta tanto co tecido industrial galego, apoiando ós empresarios que precisan expandir os seus negocios na Comunidade, como coas iniciativas que apostan pola mellora da empregabilidade en Galicia.
HomeBARBANZA - NOIAO trunfo ante o Racing de Ferrol achega ó Boiro á permanencia Top of Page

Síguenos en facebook