09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Deteñen a dúas mulleres romanesas tras unha espectacular persecución policial

Mai 12 Escrito por 
POBRA> Espectacular persecución a protagonizada este venres pola policía local de Ribeira. Unha patrulla seguiu ós autores dun roubo nunha vivenda en Aguiño ata a entrada da Pobra onde o vehículo dos presuntos delincuentes chocou contra outro coche. O condutor logrou fuxir a pé. As outras dúas ocupantes foron detidas.
Pasadas as dez da mañá rexistrábase un accidente no termo municipal da Pobra, na estrada provincial á altura do cruce cara Santa Cruz. Sen embargo, o que semellaba ser un choque entre dous vehículos resultou froito dunha espectacular persecución. A Policía Local de Ribeira seguía un turismo que circulaba a toda velocidade dende Aguiño, onde presuntamente os seus ocupantes acababan de cometer un roubo. Ía tan rápido que non puido dar a curva no punto indicado e bateu contra outro vehículo e posteriormente contra un muro. No medio da confusión causada polo accidente o condutor do vehículo logrou fuxir a pé. Non así as dúas mulleres que o acompañaban que acabaron sendo detidas, unha grazas á colaboración do condutor do outro vehículo implicado no accidente. As detidas, de nacionalidade romanesa, están presuntamente relacionadas con varios roubos cometidos nas últimas semanas na zona.
Etiquetado como Pobra do Caramiñal    Barbanza    sucesos    persecucion   

Artigos relacionados (por etiqueta)

  • O PP denuncia o peche prolongado do Museo Valle-Inclán
    POBRA> O PP da Pobra denuncia que o museo Valle Inclán leva pechado dende comezos de mes. Instan ó goberno local a cubrir a baixa do director e cubrir a praza de auxiliar que xa se convocou no verán.
  • O BNG pide a retirada das especies invasoras na praia do Castro
    RIBEIRA> O BNG de Ribeira presentou unha moción solicitando a retirada das especies invasoras na praia do Castro, en Castiñeiras. Trátase dun ecosistema de gran valor pola súa biodiversidade, onde aniña a píllara papuda. A presenza de especies alóctonas vai en aumento no sistema dunar da praia do Castro en Castiñeiras. Chama a atención a proliferación de plantas invarosas como a unlla de gato ou o plumacho da pampa nunha contorna especialmente sensible onde aniña unha especie protexida como a píllara papuda. Os nacionalistas instan á concellería de Medio Ambiente a promover a retirada destas especies favorencendo ademais a implicación da cidadanía a través de campañas de sensibilización e actividades de voluntariado. Dende o BNG critican que se leven a cabo estas accións tan só na illa de Sálvora e no parque natural de Corrubedo polo que piden que se estendan ó resto do termo municipal.
  • A carpintería de ribeira avanza cara a declaración de BIC
    RIANXO> A Conselleira do Mar participou no acto de clausura da xornada de construción naval en madeira celebrada en Rianxo.
  • Boiro Novo demanda melloras na parroquia de Bealo
    BOIRO> Boiro Novo vén de presentar unha moción solicitando melloras na parroquia de Bealo. Ademais do acondicionamento da contorna da escola unitaria e a dotación de espazos de lecer, esixen a mellora da sinalización viaria en varios puntos.
  • Pouco percebe na apertura da campaña en Aguiño
    RIBEIRA> Mal arranque da campaña do percebe en Aguiño. Os mariscadores regresaban á lonxa con malas impresións ó constatar a escaseza de recurso na zona de Sagres e Sálvora.
  • A Pobra reivindica o papel da muller na ciencia
    POBRA> A Pobra acolle esta fin de semana a terceira edición do Congreso ‘Muller e Ciencia’. Catro destacadas profesionais participarán neste encontro que busca poñer en valor o traballo realizado por numerosas científicas e investigadoras, en ocasións pouco recoñecido.
HomeBARBANZA - NOIADeteñen a dúas mulleres romanesas tras unha espectacular persecución policial Top of Page

Síguenos en facebook