09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

O BNG de Ribeira solicita a prohibición de espectáculos con animais

Mai 15 Escrito por 
A inminente chegada do circo Viena a Ribeira tralos conflitos xurdidos no resto da comarca tampouco estará exenta de polémica. Dende o BNG veñen de presentar unha iniciativa para declarar ó concello, vila libra de circos e feiras con animais.
Non é a primeira vez que o BNG promove unha iniciativa para rexeitar os espectáculos con animais en todo o termo municipal. Xa o fixera no 2014 pero os votos en contra de PP e IPdeR impediron a súa aprobación. Agora coa polémica xerada pola presenza do circo Viena Roller na comarca, que a partir deste xoves ten previsto instalarse en Ribeira, os nacionalistas volven poñer sobre a mesa o debate sobre as condicións en que viven os animais en cativerio. A diferenza do acontecido en Boiro, onde chegou a precintarse o circo impedindo que celebrase as súas funcións, todo apunta a que en Ribeira si poderán abrir as súas portas. Na actualidade, á espera de ver que acontece co iniciativa dos nacionalistas, non existe normativa algunha que prohiba este tipo de espectáculos. Aínda así, xa iniciaron os contactos con asociacións animalistas para tentar que o circo elimine da súa función os números con animais. O BNG pide ademais, a través desta proposta, que non se autorice a instalación de publicidade deste tipo de espectáculos e que se promova, dende o concello, a adopción de animais da canceira municipal a través de campañas de concienciación.
Etiquetado como Ribeira    Barbanza    Bng    Circo   

Artigos relacionados (por etiqueta)

  • O alto prezo da volandeira está a salvar a campaña do bou de vara
    RIANXO> Aínda así as máis de trinta embarcacións que se dedican a esta arte no porto rianxeiro auguran que será unha campaña curta, debido á escasa presenza deste produto. Como en todo, cúmprese coa lei da oferta e da demanda. Ou isto é o que deben pensar os mariñeiros de Rianxo que se dedican ó ou bou de vara. A campaña desta arte, iniciada hai varias semanas está a resultar regular, debido ás escasas capturas, especialmente de peixe. A unica especie que está a manter un pouco o tirón é a volandeira, que acada en rula unha cotización máxima duns dez euros. Un prezo maior ó de anos anteriores. En Rianxo son ó redor dunhas 40 as embarcacións con permiso para dedicarse a esta arte, aínda que non todas elas deciden traballar nesta pescaría que ten na volandeira a principal especie de captura, seguido do choco e da nécora. Trátase dunha arte complicada, moi condicionada tamén polo tempo no mar. A maior parte do peixe e do marisco capturado do bou vai para o consumo en fresco, mentres que a maioría da volandeira vai destinada á conserva.
  • Mar defende o protocolo de resposta da Xunta ante a contaminación mariña
  • O Poboado da Igualdade fomenta a corresponsabilidade entre os escolares de Ribeira
    RIBEIRA> Ribeira conmemorará o Día contra a Violencia de Xénero cunha serie de actividades que buscan fomentar a igualdade dende a base. A maior parte das iniciativas están dirixidas a nenos aínda que tamén se oferta un curso de autodefensa para adultos.
  • O PP denuncia o peche prolongado do Museo Valle-Inclán
    POBRA> O PP da Pobra denuncia que o museo Valle Inclán leva pechado dende comezos de mes. Instan ó goberno local a cubrir a baixa do director e cubrir a praza de auxiliar que xa se convocou no verán.
  • O BNG pide a retirada das especies invasoras na praia do Castro
    RIBEIRA> O BNG de Ribeira presentou unha moción solicitando a retirada das especies invasoras na praia do Castro, en Castiñeiras. Trátase dun ecosistema de gran valor pola súa biodiversidade, onde aniña a píllara papuda. A presenza de especies alóctonas vai en aumento no sistema dunar da praia do Castro en Castiñeiras. Chama a atención a proliferación de plantas invarosas como a unlla de gato ou o plumacho da pampa nunha contorna especialmente sensible onde aniña unha especie protexida como a píllara papuda. Os nacionalistas instan á concellería de Medio Ambiente a promover a retirada destas especies favorencendo ademais a implicación da cidadanía a través de campañas de sensibilización e actividades de voluntariado. Dende o BNG critican que se leven a cabo estas accións tan só na illa de Sálvora e no parque natural de Corrubedo polo que piden que se estendan ó resto do termo municipal.
  • A carpintería de ribeira avanza cara a declaración de BIC
    RIANXO> A Conselleira do Mar participou no acto de clausura da xornada de construción naval en madeira celebrada en Rianxo.
HomeBARBANZA - NOIAO BNG de Ribeira solicita a prohibición de espectáculos con animais Top of Page

Síguenos en facebook