09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Afectados pola ampliación de Xarás propoñen unha alternativa con menor afección

Mai 16 Escrito por 
RIBEIRA> Os veciños da zona da Carballa opóñense á ampliación do polígono de Xarás pola zona de Cudieiros. Ante esta opción, plantexada polo goberno, propoñen unha alternativa nuns terreos próximos cunha menor afección paisaxística e sen núcleos de poboación próximos.
O estudo técnico elaborado polo concello de Ribeira para a ampliación do polígono de Xarás determinou como única alternativa viable a súa execución da zona da Carballa e Cudieiros. A resposta dos veciños non se fixo agardar amosando a súa total oposición ó proxecto que afectaría a catro núcleos de poboación. Este martes, unha representación dos afectados mantivoun encontro co alcalde, no que lle propuxeron unha opción alternativa, con moita menor afección ambiental, paisaxística e poboacionl pero igualmente ben comunicada coa autovía e colindante coa reserva de chan dotacional incluída no plan sectorial de Ordenación das Áreas Empresariais da Xunta, onde no seu día se proxectara o macropoligono comarcal. Ademais da reunión co rexedor, os veciños están mantendo xuntanzas con tódalas formacións políticas representadas no concello. Agardan que a corporación estude e recolla as súas demandas xa que, se ben apoian o incremento da dotación de chan industrial non entenden que se faga a costa da calidade de vida dos veciños.
Etiquetado como Ribeira    Barbanza    Polígono Xarás   

Artigos relacionados (por etiqueta)

  • O PP denuncia o peche prolongado do Museo Valle-Inclán
    POBRA> O PP da Pobra denuncia que o museo Valle Inclán leva pechado dende comezos de mes. Instan ó goberno local a cubrir a baixa do director e cubrir a praza de auxiliar que xa se convocou no verán.
  • O BNG pide a retirada das especies invasoras na praia do Castro
    RIBEIRA> O BNG de Ribeira presentou unha moción solicitando a retirada das especies invasoras na praia do Castro, en Castiñeiras. Trátase dun ecosistema de gran valor pola súa biodiversidade, onde aniña a píllara papuda. A presenza de especies alóctonas vai en aumento no sistema dunar da praia do Castro en Castiñeiras. Chama a atención a proliferación de plantas invarosas como a unlla de gato ou o plumacho da pampa nunha contorna especialmente sensible onde aniña unha especie protexida como a píllara papuda. Os nacionalistas instan á concellería de Medio Ambiente a promover a retirada destas especies favorencendo ademais a implicación da cidadanía a través de campañas de sensibilización e actividades de voluntariado. Dende o BNG critican que se leven a cabo estas accións tan só na illa de Sálvora e no parque natural de Corrubedo polo que piden que se estendan ó resto do termo municipal.
  • A carpintería de ribeira avanza cara a declaración de BIC
    RIANXO> A Conselleira do Mar participou no acto de clausura da xornada de construción naval en madeira celebrada en Rianxo.
  • Boiro Novo demanda melloras na parroquia de Bealo
    BOIRO> Boiro Novo vén de presentar unha moción solicitando melloras na parroquia de Bealo. Ademais do acondicionamento da contorna da escola unitaria e a dotación de espazos de lecer, esixen a mellora da sinalización viaria en varios puntos.
  • Pouco percebe na apertura da campaña en Aguiño
    RIBEIRA> Mal arranque da campaña do percebe en Aguiño. Os mariscadores regresaban á lonxa con malas impresións ó constatar a escaseza de recurso na zona de Sagres e Sálvora.
  • A Pobra reivindica o papel da muller na ciencia
    POBRA> A Pobra acolle esta fin de semana a terceira edición do Congreso ‘Muller e Ciencia’. Catro destacadas profesionais participarán neste encontro que busca poñer en valor o traballo realizado por numerosas científicas e investigadoras, en ocasións pouco recoñecido.
HomeBARBANZA - NOIAAfectados pola ampliación de Xarás propoñen unha alternativa con menor afección Top of Page

Síguenos en facebook