09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Arranca a veda do polbo nunha campaña con excelente cotización

Mai 18 Escrito por 
RIBEIRA> Este venres iniciase a veda do polbo tras unha campaña máis que satisfactoria en capturas pero, sobre todo, en cotizacións. O prezo medio do quilo situouse en sete euros e medio acadando no que vai de ano unha facturación de máis dun millón de euros.
Este venres arranca a veda do polbo en augas galegas. As nasas deberán estar en terra a partir das catro da tarde, momento no que se poñerá punto e aparte a unha das mellores campañas dos últimos anos. O prezo medio situouse non sete euros e medio acandado unha facturación de máis dun millón cento setenta mil euros entre xaneiro e maio. Aínda que o número de quilos descargados foi menor que no mesmo periodo do ano anterior, o volume de vendas é practicamente o mesmo debido ás altas cotizacións acadadas na presente campaña. As expectativas de cara á reapetura trala veda, fixada para o día tres de xullo, son incluso mellores. Malia que a Federación Galega de Confrarías consensou con Mar unha veda de mes e medio no presente plan de explotación, o debate sobre a duración do paro segue a confrontar ás confrarías. Mentres en Ribeira son partidarios dunha veda curta, dun mes, noutros pósitos como Muros apostan por prolongar este periodo mesmo ata os tres meses para garantir a recuperación real do recurso. Á marxe destas discrepancias, o administrador da lonxa de Ribeira considera que xullo non é o mes máis acaído para a reapertura dado que o polbo non está no seu mellor momento.
Etiquetado como Ribeira    Barbanza    Marítima Pesca Marisqueo    Polbo   

Artigos relacionados (por etiqueta)

  • O PP denuncia o peche prolongado do Museo Valle-Inclán
    POBRA> O PP da Pobra denuncia que o museo Valle Inclán leva pechado dende comezos de mes. Instan ó goberno local a cubrir a baixa do director e cubrir a praza de auxiliar que xa se convocou no verán.
  • O BNG pide a retirada das especies invasoras na praia do Castro
    RIBEIRA> O BNG de Ribeira presentou unha moción solicitando a retirada das especies invasoras na praia do Castro, en Castiñeiras. Trátase dun ecosistema de gran valor pola súa biodiversidade, onde aniña a píllara papuda. A presenza de especies alóctonas vai en aumento no sistema dunar da praia do Castro en Castiñeiras. Chama a atención a proliferación de plantas invarosas como a unlla de gato ou o plumacho da pampa nunha contorna especialmente sensible onde aniña unha especie protexida como a píllara papuda. Os nacionalistas instan á concellería de Medio Ambiente a promover a retirada destas especies favorencendo ademais a implicación da cidadanía a través de campañas de sensibilización e actividades de voluntariado. Dende o BNG critican que se leven a cabo estas accións tan só na illa de Sálvora e no parque natural de Corrubedo polo que piden que se estendan ó resto do termo municipal.
  • A carpintería de ribeira avanza cara a declaración de BIC
    RIANXO> A Conselleira do Mar participou no acto de clausura da xornada de construción naval en madeira celebrada en Rianxo.
  • Chicote abrirá as II Xornadas do Berberecho de Noia
    NOIA> Alberto Chicote será o encargado de abrir as Xornadas de Exaltación do Berberecho que arrancan en Noia o próximo xoves. Ademais de visitar os bancos marisqueiros e a lonxa de Testal, o televisivo cociñeiro ofrecerá unha clase maxistral.
  • Boiro Novo demanda melloras na parroquia de Bealo
    BOIRO> Boiro Novo vén de presentar unha moción solicitando melloras na parroquia de Bealo. Ademais do acondicionamento da contorna da escola unitaria e a dotación de espazos de lecer, esixen a mellora da sinalización viaria en varios puntos.
  • Pouco percebe na apertura da campaña en Aguiño
    RIBEIRA> Mal arranque da campaña do percebe en Aguiño. Os mariscadores regresaban á lonxa con malas impresións ó constatar a escaseza de recurso na zona de Sagres e Sálvora.
HomeBARBANZA - NOIAArranca a veda do polbo nunha campaña con excelente cotización Top of Page

Síguenos en facebook