• Facebook
  • Twitter
  • Rss
  • Plus

Ramiro Carregal promove dúas das regatas máis destacadas do calendario galego

Mai 18 Escrito por 
SANTIAGO> Como cada ano, Santiago de Compostela foi o lugar escollido para presentar as dúas regatas promovidas polo empresario ribeirense, Ramiro Carregal. O 27 e 28 de maio desputarase o Gran Trofeo Faro de Corrubedo entre Portosín e Ribeira mentres que o día tres de xuño é a data escollida para a Regata Frinsa.
Os amantes da vela teñen unha cita ineludible o 27 e o 28 de maio. Esa fin de semana desputarase o Gran Trofeo Faro de Corrubedo – Regata Ramiro Carregal Rey, unha das competicións náuticas máis importantes de Galicia. A xornada do sábado desputarase a regata costeira, con saída este ano dende o Club Náutico de Portosín e navegación libre. O domingo terán lugar dúas probas técnicas barlovento – sotavento nas inmediacións do Náutico de Ribeira. A regata Frinsa, antigamente coñecida como Illa de Sávora, terá lugar un fin de semana despois. O día tres de xuño, ás doce do mediodía partirán do Náutico de Ribeira as embarcacións participantes. A directiva do Club agarda superar os corenta barcos que competiron na anterior edición. A organización estableceu tres recorridos alternativos de entre os que se escollerá o definitivo en función das condicións meteorolóxicas. Seguindo a Regata, o presidente de Frinsa disporá dous catamaráns para os convidados que desexen participar nesta tradicional cita náutica que se remonta xa hai dezasete anos cando unha casualidade converteuse na orixe desta proba deportiva.
Etiquetado como Ribeira    Barbanza    Deporte    Regata Ramiro CarregalTrofeo Faro de Corrubedo    frinsa   

Artigos relacionados (por etiqueta)

  • Os fogos do Nazareno foron aprazados para o sábado por mor do tempo
    POBRA> A Pobra despediu onte pola noite as festas do Nazareno despois de catro días de celebracións. Polo día, como vén sendo tradición, a xornada estivo dedicada especialmente ós máis pequenos. Aínda así boa parte das actividades previstas no programa víronse condicionadas por mor do tempo. Xa pola noite a chuvia, que caeu por momentos a mesta néboa, obrigaron tamén á suspensión da gran tirada de fogos artificiais no paseo do Areal, que pon o broche final ós festexos. A comisión de festas do Divino Nazareno decidiu a última hora aprazar o espectáculo pirotécnico para a noite do sábado. Si se mantivo a verbena, a cargo da orquestra Olympus que reuniu na Praza Maior a multitude de persoas.
  • Hostaleiros de Ribeira recadan 650 euros en favor de SOGAPS
    RIBEIRA> Na iniciativa colaboraron oito establecementos da localidade que destinaron o 10% da caixa feita o pasado sábado 2 de setembro a partir das once da noite. Este é o momento no que Antonio Lijó, en nome dos hostaleiros dos oito establecementos que participaron nesta iniciativa lle facía entrega do cheque á presidenta da Asociación Solidaridade Galega co Pobo Saharaui, Maite Isla. A axuda, que ascendeu a uns 635 euros, foi recadada durante a noite do pasado sábado 2 de setembro e corresponde co 10% da caixa feita neses locais despois das once da noite. A iniciativa tivo tamén unha gran acollida entre os clientes. Dende SOGAPS agradeceuse a iniciativa e a colaboración por parte deste grupo de hostaleiros de Ribeira. A axuda será destinada a un proxecto deportivo máis ambicioso que ten previsto poñer en marcha a entidade. Os oitos locais que participaron nesta campaña foron o Bar Plaza, A Recoveira, Ventos Vellos, O Niño do Cuco, Oliver & Stanley, Chiringuito Pedra Pateira, A Galeguiña e O Noite Lounge.
  • Detido un veciño de Escarabote por cultivo de marihuana
    BOIRO> A Garda Civil localizou unhas once plantas de marihuana nunha finca da súa propiedade no lugar de Vistaverde. No marco da denominada operación ‘Vistaverde’, axentes da Garda Civil de Boiro procederon á detención dun veciño da localidade, con iniciais J.L.O.I., de 40 anos coma presunto autor dun delito de cultivo e elaboración de droga. As investigacións realizadas deron como resultado o comiso dunhas once plantas de marihuana que o prendido cultivaba nunha finca da súa propiedade situada no lugar de Vistaverde, en Escarabote. No operativo tamén se lle incautou dunha caixa que contiña ó redor de cincocentos gramos de brotes desta planta. Segundo informaron fontes do propio Instituto Armado o valor da marihuana incautada podería acadar os 6.200 euros. Os feitos xa foron postos a disposición do Xulgado Número 1 de Ribeira que é o que instrúe as dilixencias.
  • O concello de Poio presenta a súa ampla oferta deportiva para este curso escolar
    Pontevedra> O concello de Poio presentou esta mañá o amplo abano de actividades deportivas que se presentan para este novo curso 2017-2018. A concelleira de Deportes e o alcalde deste municipio lembraron que ao longo deste mes está aberto o prazo de inscrición. A billarda e o pádel son algunhas das novidades deportivas deste ano.
  • Rianxo acollerá unha proba do Open de Andainas de Media Distancia
    RIANXO> A cita, organizada polo Club de Montaña do Barbanza Vintedouspés, terá lugar o domingo primeiro de outubro. Os afeccionados ó mundo do sendeirismo terán unha cita o próximo domingo 1 de outubro en Rianxo. Organizada polo Club de Montaña do Barbanza Vintedouspés desenvolverase unha camiñada de 25 quilómetros de percorrido. A proba, incluída no cuarto open de andainas de media distancia da Federación Galega de Montañismo, partirá ás nove da mañá dende a zona de Campo Maneiro. Tamén haberá un percorrido alternativo de quince quilómetros para aqueles participantes que non desexen realizar a proba completa. Dende o Concello, que colabora co Club na organización da andaia, animaron a participar nesta proba que discorrerá por espazos de gran beleza paisaxística como poden ser a Muralla, ou o mirador de castro Barbudo. As persoas interesadas en asistir poderán inscribirse ou obter máis información na dirección andaina25barbanza.blogspot.com ou no teléfono 609 071 273.
  • O alcalde de Ribeira intenta acelerar a posta en marcha do cuarto xulgado
    RIBEIRA> Os datos presentados na memoria anual do Tribunal Superior de Xustiza de Galicia deixaron patente a sobrecarga de traballo que se dá nos xulgados ribeirenses. Hai varios meses durante a visita que realizaba ó xulgado ribeirense o conselleiro de Presidencia, Administracións Públicas e Xustiza, Alfonso Rueda, este mesmo se pronunciaba ó respecto da necesidade dun cuarto xulgado. Segundo el todo dependería do grao de traballo no momento en que se coñecese o número de novas sedes xudiciais correspondentes a Galicia. Unha posibilidade que agora, ó coñecerse a memoria anual do Tribunal Superior de Xustiza de Galicia, volve a cobrar forza. É máis o rexedor ribeirense xa se puxo mans á obra para intentar acelerar a súa posta en marcha.
HomeBARBANZA - NOIARamiro Carregal promove dúas das regatas máis destacadas do calendario galego Top of Page

Síguenos en facebook