09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
BOIRO> O temporal tamén deixou esta pasada noite un regueiro de incidencias no Barbanza, aínda que a maioría delas sen consideración. As rachas de vento, que nalgún caso chegaron a superar os cen quilómetros por hora, provocaron a caídas de árbores en numerosos puntos da comarca.
RIBEIRA> O concello de Ribeira acolleu unha nova xuntanza sobre o Plan de Xestión e Usos do Parque Nacional das Illas Atlánticas. A directora xeral de Patrimonio avanzou ós axentes implicados as principais liñas desta proposta que busca compatibilizar as actividades económicas coa conservación do parque.
BOIRO> Na proba celebrada este domingo participaron uns setecentos corredores, sumando tódalas categorías. Onte domingo disputouse a décimo terceira edición da carreira popular Mar de Boiro, undécimo memorial Pepe Buceta. A organización da proba, que correu a cargo do Departamento de Deportes boirense, destacou a alta participación, con máis de 700 inscritos, sumando tanto a categoría de adultos como as de escolares e mini. A saída producíase ás once da mañá coa presenza das distintas autoridades locais, entre as que se atopaban o alcalde, Xoán Xosé Dieste, quen destacou a importancia da carreira, que co paso dos anos está a adquirir un maior protagonismo. O bo tempo existente durante toda a mañá axudou ó bo desenvolvemento da mesma, sendo numerosos os afeccionados que seguiron a proba ó longo de todo o seu percorrido, que estivo dividida ademais en varios trazados segundo as idades e categorías. O vencedor da proba na categoría absoluta masculina foi Juan Antonio Gude do Club Montepenarubia que completou o percorrido cun tempo de 32 minutos e 5 segundos. En segundo lugar quedou Amador Pena do Club Atletismo O Pino cun tempo de 32 minutos y 53 segundos. E catro segundos máis tarde entraba o terceiro clasificado, José Lojo do san Miguel de Marín. En canto á categoría feminina absoluta a vencedora foi a esteirana Rocío Alvite do Atletismo Sar-Petroni cun tempo de 38 minutos e 41 segudos. En segundo lugar quedou Elena matalobos da Sociedade deportiva Barbantia Roda cun tempo de 41:42 e o terceiro posto foi para Teresa Carneiro do Club Atletismo Santiago cun tempo de 42:15. Ademais do seu aspecto puramente deportivo, a carreira converteuse nunha gran festa do deporte.
BOIRO> O BNG de Boiro levará a pleno tres mocións encamiñadas a melloras os servizos do lugar de Esteiro. Reclaman a construción do paseo marítimo, a dotación de beirarrúas ata o lugar de Cariño e a eliminación das molestias ocasionadas polo pozo de bombeo.
RIANXO> O BNG propón excluír ó xeito das restricións da política de cotas. Así o manifestou a voceira nacional, Ana Pontón, na xuntanza mantida cos responsables da confraría de Rianxo.
RIANXO> O presidente da Deputación da Coruña visitou o concello de Rianxo para anunciar dúas obras de seguridade viaria que veñen de ser aprobadas no último pleno da corporación provincial. Trátase dun treito de medio quilómetro no vial entre Rianxo e Bexo e o remate da senda peonil en Burés.
Mércores, 29 Novembro 2017 18:47

Amicos participa no programa Erasmus +

RIBEIRA> Na experiencia, que busca a integración das persoas con algún tipo de diversidade funcional nas aulas, participan tamén colectivos de discapacidade de distintos paises europeos. A Asociación Amicos participa con outros colectivos de atención a persoas con discapacidade de Reino Unido, Turquía, Romanía, Portugal e Grecia nun proxecto denominado “O Cambio Comeza con nós” que persegue mellorar a inclusión das persoas con diversidade funcional nas aulas. No acto de presentación do programa participaron o Xefe Territorial da consellería de Educación, Indalecio Cabana, o aldalde de Ribeira, Manuel Ruiz, ou a propia presidenta de Amicos, Esther Vidal. Todos eles valoraron a importancia do proxecto e o feito de acadar unha integración real nas aulas. O proxecto, que constará de varias fases e encontros internacionais, desenvolverase ó longo dos dous próximos anos, na busca de solucións en común implementadas xa con éxito noutros países do noso entorno.
POBRA> O próximo luns arrancará a campaña comercial de nadal que organizan de xeito conxunto a Asociación de Empresarios, a Asociación de Vendedores do Mercado e o Concello. Un total de 66 establecementos comercias integrados na Asociación de Empresarios da Pobra do Caramiñal e na Asociación de Vendedores do Mercado tomarán parte este ano na Campaña de Nadal, coa que se busca premiar a fidelidade dos clientes. Por cada dez euros de compra nestes negocios entregarase unha rifa que dará dereito a entrar en varios sorteos de vales de compra por valor duns 2.500 euros e dez cestas de nadal. Dende a patronal pobrense destacaron a importancia da campaña, que logra unir ós comerciantes da localidade. Para o Concello, que colabora na organización, esta campaña busca a proximidade, centrándose nas persoas, na procura da dinamización da economía local. O concello porá tamén este nadal a disposición de tódolos pais que o desexen unha ludoteca que estará aberta de xeito gratuíto tódalas tardes na praza Alcalde Segundo Durán con actividades para os nenos.
RIBEIRA> A CIG vén de convocar unha folga nos servizos de garda da área de medicina interna e hospitalización a domicilio do hospital do Barbanza. Reclaman a presenza de dous facultativos por quenda, en lugar de un, para garantir a calidade asistencial.
BOIRO> A conselleira do Mar, Rosa Quintana, visitou o porto de Cabo de Cruz para comprobar o resultado das obras levadas a cabo nos últimos meses e que supuxeron a instalación de 125 novas prazas de amarre para o sector pesqueiro. A actuación contou cun investimento de máis de 700 mil euros.
RIANXO> O concello de Rianxo solicitará a Portos de Galicia a cesión dos terreos anexos ó auditorio municipal. Trátase dunha superficie de tres mil metros cadrados que se pretende urbanizar para a creación dun espazo de lecer e área de estacionamento.
RIBEIRA> Rosa Sanlés Sanmartín foi a gañadora do premio do concurso de debuxo escolar de Nadal organizado polo concello de Ribeira. A obra desta usuaria de AMICOS converterase en imaxe de toda a cartelería navideña editada polo concello.
Páxina 1 de 252
HomeBARBANZA - NOIAMostrando artigos por etiqueta: Barbanza Top of Page

Síguenos en facebook