• Facebook
  • Twitter
  • Rss
  • Plus
CAMBADOS> O II Triatlón Popular de Cambados colga o cartel de cheo. Uns 200 triatletas participarán nesta proba que terá lugar o vindeiro sábado 24 de xuño.
Publicado en SALNÉS - CALDAS
Mércores, 21 Xuño 2017 19:01

"Máis zapatillas, menos pastillas"

Máis Zapatillas, menos pastillas. É o obxectivo que Cambados lle propón para os maiores do seu concello e de toda a comarca. Por iso é o lema da Andaina Solidaria para a terceira idade que terá lugar o domingo 30 de xullo, onde o recadado irá destinado a axudar a enfermos de alzheimer .Esta mañá presentouse no concello cambadés. Unha boa noticia para todos aqueles maiores de Cambados e concello da comarca do Salnés, que estean desexando deixar a un lado as pastillas. Qué mellor opción, que coller as zapatillas e gozar dunha camiñata entre amigos, á que ademais poden asistir con toda a familia. O plan que lles propón o Concello de Cambados é para o domino 30 de xullo, aínda están a tempo de anotarse, e chámase Andaina Solidaria, Máis zapatillas, menos pastillas. Non é unha andaina máis. O organizador da andaina, destacou esta mañá que o mellor disto, é coidar a saúde ó tempo que nos divertimos. E advertiu, que á cita están chamados tódolos membros da familia. Ademais, charlas sobre o coidado do físico e da alimentación…O epicentro do evento será na praza de Fefiñáns, e a andaina será de 2,5 quilómetros polo centro da vila, moi asequible, para que asistan non só aqueles maiores que estean acostumados a camiñar, senón todos os que decidan animarse. E quen mellor para dar consellos de cómo coidarse, que eles, os maiores, porque as asociacións municipais de xubilados tamén participan no evento. O que se consiga, a través dos spónsor e de doazón directo o día do evento, xa que a inscrición na andaina é gratuita, irá destinado a AFASAL, a Asociación de Familiares de Enfermos de Alzheimer. A organización disporá 3 liñas de autobuses, que pasarán por Vilagarcía, Vilanova, a Illa, Ribadumia, Meis, O Grove, Sanxenxo e Meaño, para que non quede un maior da comarca do Salnés sen poder asistir o 30 de xullo a esta andaina en Cambados. Así que xa o saben, a deixar as pastillas, e todos, a poñelas zapatillas .
Publicado en SALNÉS - CALDAS
CAMBADOS> A esta hora xa está en Alemaña unha comitiva da Mancomunidade do Salnés e do concello de Cambados, para presentar xuntos durante estes días á capital do Albariño como Cidade Europea do Viño. Esta promoción internacional terá como escenario a Kieler Woche, o evento náutico máis relevante do norte de Europa. Antes de partir, contábannos a relevancia da viaxe. Desde hai anos a Mancomunidade do Salnés visita ó importante colectivo de emigrantes da comarca que hai na localidade alemaña de Kiel, e este ano, con máis motivos aínda, fará o mesmo. Desta volta, cun dobre obxectivo, xa que se presentará Cambados como Cidade Europea do Viño ante os millóns de persoas que asisten á Kieler Woche. Unha das festas náuticas máis grandes do mundo. Unha mostra máis do apoio que presta a Mnacomunidade ó concello cambadés, desde o primeiro momento que se soubo do nomeamento da vila como Cidade Europea do Viño. Algo que quixo volver a agradecer durante a presentación da viaxe, o tenente de alcalde Xosé Ramón Abal, que destacou tamén a relevancia desta promoción internacional para Cambados . Antes de partir rumbo a Alemaña, onde estarán ata o sábado, Abal lembrou, para todos aqueles interesados en gozar deste novo servizo do Enobus, que inclúe visitas a bodegas e experiencias enoturísticas, que desde hoxe poden mercarse os tickets nas oficinas de turismo de toda a comarca.
Publicado en SALNÉS - CALDAS
SALNÉS> Desartellada unha banda de delincuentes xuvenís na comarca de O Salnés. A Garda Civil detivo a trece mozos de entre 16 e 22 anos, acusados de cometer preto dun centenar de delitos contra o patrimonio, principalmente roubos e furtos en vehículos, vivendas e establecementos da zona. Tras nove meses de investigacións levadas a cabo pola Garda Civil do Posto Principal de Cambados, dáse por finalizada a bautizada operación Teide, que arrincou en setembro de 2016. A alarma saltara tras detectarse un incremento dos delitos deste tipo tanto na vila cambadesa como nos concellos dos arredores. De feito, no operativo colaboraron tamén os Postos de Sanxenxo e Vilagarcía e as Policías Locais de Cambados, Vilanova, A Illa, Meaño e Sanxenxo. Os detidos percorrían as rúas dos municipios comprobando os dispositivos de peche de todos os vehículos, ata localizar os que tiñan as portas sen pechar. De aí substraían cartos en efectivo ou calquera obxecto de valor. Tamén roubaban a repartidores do pan ou en autobuses. Incluso no mes de xaneiro substraeron unha furgoneta en Meaño e, ademais de apropiarse da mercadoría, queimaron o vehículo no polígono de Nantes. Ademais se recuperaron cinco ciclomotores e sete bicicletas. As investigacións apuntan a que a banda aproveitaba as fins de semana para roubar bolsos e teléfonos móbiles no establecementos nocturnos de ocio. Entre os feitos máis graves destacan catro roubos e furtos en casas e pisos habitados das localidades de Meis e Meaño. Tamén se lles investiga pola súa presunta participación en dezaséis delitos de danos. A operación saldouse con trece mozos detidos de entre 16 e 22 anos. Tras prestar declaración na Garda Civil de Cambados, os maiores de idade foron postos en liberdade, pendentes de ser citados polos xulgados da vila. No caso do menor de 16 anos, xa foi ingresado nun centro especial e depende agora da Fiscalía de Menores.
Publicado en SALNÉS - CALDAS
CAMBADOS> A V Ruta do Albariño encherá as vilas de Cambados e Meaño de ciclistas. Esta competición terá lugar os vindeiros 17 e 18 de xuño.
Publicado en SALNÉS - CALDAS
CAMBADOS> Os Xoves de Códax volven para animar os solpores cambadeses. A adega vén de presentar a sexta edición do seu ciclo de concertos, que reunirá na terraza de Martín Códax a algúns dos mellores artistas galegos. A actuación de Silvia Pérez e Uxía inaugurará este ciclo de maridaxe de albariño e fusión musical que, un ano máis, doará a recadación a diferentes organizacións sen ánimo de lucro. A terraza de Martín Códax volverá ser o mellor escenario para a maridaxe entre o albariño e a fusión musical. Por sexto ano no mes de xullo arrincarán os Xoves de Códax, un ciclo que medra ano tras ano. Todos os xoves de xullo e agosto a partires das 8 e media da tarde terán a súa propia banda sonora. Artistas galegos que moitas veces se fusionan con outros grandes nomes do panorama nacional. É o caso de Silvia Pérez e Uxía, que este ano abren o ciclo o día 6 de xullo. Os xoves do mes de xullo soarán a Cristina Pato e Woyza, Miguel Lamas e Lin Cortés e a Nastasia Zürcher. A Banda de Balbina, Rosario la Tremendida e Abe Rábade, Os amigos dos músicos, Alba Molina e Marcos Teira e Budiño, Javier Limón e Luiz Caracol, poñerán a música aos do mes de agosto. As entradas para os concertos do mes de xullo poránse á venda o luns ás 12 do mediodía. As de agosto poderán adquirirse a partires do 3 de xullo. Todas estarán disponibles na web da adega cun custo de 10 euros. Un ano máis, os beneficios destinaranse a diferentes asociacións sen ánimo de lucro da zona.
Publicado en CULTURA
O concello de Cambados vése obrigado a reducir o programa de actividades previsto como Cidade Europea do Viño, debido á falta de compromiso da Xunta de Galicia e outras entidades con este municipio. Iso é o que asegura o concelleiro de enoturismo da vila, que da un ultimátum para que entren a formar parte do órgano consultivo Off. No mes de maio asinaban o Convenio para participar no órgano consultivo da Cidade Europea do Viño, representantes de distintas entidades comarcais, así que como a propia Deputación de Pontevedra, que xa firmara un acordo anteriormente. Todas, menos a Xinta de Galicia, o Consello Regulador e a Ruta do Viño Rías Baixas. O concelleiro de enoturismo cambadés, José Ramón Abal, asegura que estando a mediados de ano é depcionante que a Xunta aínda non se comprometes eco nomeamento de Cambados como Cidade Europpea do Viño, e da unha data máxima para facelo. Abal destacou que aínda así, o concello está levando a cabo importantes actividades que están deixando a imaxe de Cambados en moi bo lugar, en gran parte, grazas tamén á colaboración de entidades como a Deputación ou a Mancomunidade do Salnés. Para reducir precisamente estes costes, Abal lamentou esta falta de colaboración do gobernó autonómico, posto que se a situación non fora ésta Cambados podería estar realizando moitas máis, e mellores actividades aproveitando este nomeamento tan relevante a nivel internacional. Aínda así, asegura que a maior parte do programa segue adiante tal e como merecen tódolos veciños de Cambados.
Publicado en SALNÉS - CALDAS
Esta mañá o presidente de Portos de Galicia asistiu á presentáronse no porto de San Tomé de Cambados, das obras de construción dun novo pantalán para embarcacións pesqueiras. Coa nova instalación, que conta cun presuposto de preto de 200.000 euros, daráse cabida a 75 barcos de diferentes medidas. Acompañado polo delegado territorial da Xunta en Pontevedra, o patrón maior de Cambados, e representantes do goberno local, o presidente de Portos de Galicia asistiu esta mañá no peirao de San Tomé á presentación que un representante da empresa adxudicataria das obras, realizou no lugar, sobre a construción do novo pantalán. O novo pantalán habilitará espazo para 75 prazas de amarre, para esloras de 12, 8 e 6 metros. O presidente de portos destacou tamén que con esta actuación, orzamentada nuns 200.000 euros, é importante para a ordenación das dársenas, como para a mellora da seguridade nos peiraos. Por iso, subliñou tanto ésta como outras accións similares que a entidade autonómica está facendo noutros portos da zona. En total en Portos de Galicia está executando preto de seis millóns e medio de euros neste ámbito dentro das dársenas da Ría de Arousa.
Publicado en SALNÉS - CALDAS
O Salón de plenos do concello de Cambados acolleu esta mañá a recepción oficial que a corporación cambadesa lle fixo esta mañá ós membros de Acevín, a Asociación Española de Cidades do Viño, que se atopan na capital do Albariño para celebrar a súa Asemblea Xeral. Sendo Cambados Cidade Europea do Viño, non é de estrañar que Acevín, a Asociación Española de Cidades do Viño, elixise a vila do Salnés para celebrar a súa Asemblea anual. Unha delegación de 80 persoas de todo o estado, está xa desde onte no municipio cambadés, ademais de para asistir á reunión, para coñecer e gozar das particularidades desta zona das Rías Baixas. A alcaldesa, Fátima Abal, deu a benvida á comitiva de forma oficial na recepción que tivo lugar esta mañá no Salón de Plenos do Concello . A presidenta de Acevin, Rosa Melchor, felicitou ó concello de Cambados pola súa acollida ós membros da entidade, así como por representar de xeito tan activo o empeño por facer chegar o enoturismo ó lugar que merece . O concelleiro de Enoturimos, José Ramón Abal, animou ós asistentes a gozar da fin de semana en Cambados , e destacou o programa de actividades que teñen preparado para os membros da Asociación. Trala recepción, a alcaldesa, acompañada de toda a corporación ,fixo entrega ós asistentes dun agasallo conmemorativo no que se incluía un libro sobre a historia da vila cambadesa. Ó mesmo tempo, Abal tamén recibiu obsequios procedentes dos municipios participantes nesta Asemblea de Acevín.
Publicado en SALNÉS - CALDAS
As deputadas de En Marea, Eva Solla e Paula Quinteiro comprobaron esta mañá, acompañados por concelleiros de Somos Cambados, o estado no que se atopa o centro de saúde do municipio. Problemas de salubridade e de illamento son só algunhas das deficiencias polas que pedirán explicacións á Xunta no Parlamento Galego . Aseos que non se poden usar, ventás que non se poden abrir, fallos de illamento ou unha zona de urxencias con mosquitos, pola fosa séptica que hai debaixo. Son só algunhas das sorpresas coas que se atoparon esta mañá as deputadas de En Marea, Eva Solla e Paula Quinteiro, durante a súa visita ó centro de saúde de Cambados, acompañadas polos concelleiros de Somos Cambados. NO mes de outubro o concello presentou unha moción instando á Consellería a que fixera as reformas que precisa o centro, da que non obtiveron resposta. E o que pediron posteriormente, é que sexa o Sergas o que asuma o mantemento deste centro de saúde, como acontece con outros. Esta mañá durante a visita ó centro de saúde, as deputadas de En Marea asistiron asombradas á situación na que se atopa o espazo, guiadas por traballadores do PAC. Solla cualificou de barbaridade, a situación na que se atopa o centro, e comprométese e pedir explicacións no Parlamento galego. Para a deputada de En Marea, Eva Solla, tamén vicepresidenta segunda do Parlamento Galego, esta é unha situación que non se dá só en Cambados, senón que responde á tónica xeral da Consellería de Sanidade, ó cambiar o modelo, centrado na atención hospitalaria e que abandona os centros de saúde.
Publicado en SALNÉS - CALDAS
CAMBADOS> Despois de 15 anos nunhas oficinas provisionais a Mancomunidade de O Salnés xa ten as súas propias. Unhas instalacións completamente renovadas que se sitúan en Exposalnés, e que esta mañá foron as protagonistas do acto de inauguración ao que acudiron numerosos rostros políticos e sociais da contorna…
Publicado en SALNÉS - CALDAS
CAMBADOS> Sarah Jane Evans foi a encargada de inaugurar os Encontros de Códax que comezaron este luns nas adegas Martín Códax de Cambados. A Master of Wine inglesa presentou ante os asistentes os seus viños brancos favoritos, chegados, de todas partes do mundo. Antes, tivo un momento para falar con nós. O pasado luns, Martín Códax abriu as súas portas ao mundo. A adega acolleu o primeiro dos seus Encontros de Códax, unha iniciativa que traerá ata Cambados a dous Master of Wine, título que representa a máxima excelencia en educación do viño. A primeira foi Sarah Jane Evans, que guiou aos asistentes por unha cata de seis caldos brancos do mundo. Esta experta declarouse unha namorada dos caldos españois. Destacou a calidade de moitas das elaboracións patrias, que teñen que traballar para seguir sobresaíndo nun mercado moi competitivo a nivel internacional. Só 360 persoas no mundo posúen o título de Master of Wine, polo tanto a opinión de Sarah Jane Evans é unha das que hai que ter en conta. Ademais, recoñece que ten especial gusto polos brancos tipo albariño. Unha variedade que ofrede múltiples posibilidades e experiencias. Esta Master of Wine tamén posúe outro título de gran recoñecemento na nosa zona: hai dous anos que foi nomeada Dama do Albariño. Leva o seu papel como voceira da variedade con orgullo, e destaca o traballo que fan todos os que forman a Denominación de Orixe Rías Baixas. Sobre o futuro, Sarah Jane Evans cre que a promoción será clave para seguir medrando. Pero non só a asistencia a feiras ou a eventos. Para esta experta, o máis efectivo é traer aos prescriptores ata a nosa zona, para que coñezan de primeira man as peculiaridades que a fan única. A xornada en Martín Códax foi todo un éxito, atraendo un perfil diferente de asistentes: dende sumilleres e prescriptores, ata consumidores interesados no mundo dos viños. O seguinte dos Encontros celebrarase o vindeiro luns día 5, cunha cata da man do tamén Master of Wine Norrel Robertson. Todo un luxo.
Publicado en SALNÉS - CALDAS
Páxina 1 de 19
HomeBARBANZA - NOIAMostrando artigos por etiqueta: Cambados Top of Page

Síguenos en facebook