• Facebook
  • Twitter
  • Rss
  • Plus
CAMBADOS> Melloras no asfalto da zona onde se realiza o mercado, e nas varandas de acceso ó paseo marítimo, é o que reclama o goberno de Cambados e Somos Cambados, a Portos de Galicia. Despois de 3 requerimentos sen obter unha resposta positiva, esta mañá esixiron ante os medios unha solución ó mal estado desta zona do municipio, dependente da entidade que preside José Juan Durán. O mercado de Cambados realízase en zona portuaria dentro do concello, algo polo que o goberno municipal paga a Portos de Galicia un alugar mensual de 4.000 euros. E por iso, o concello entende que debe ser a entidade autonómica a que se faga cargo do seu mantemento. Como é o mal estado no que se atopa o asfalto, e as varandas que separan o espazo do paseo marítimo, algo que aseguran desde Somos Cambados, pode chegar a provocar problemas de seguridade para a cidadanía. O concelleiro Xurxo Charlín explicou que tras tres requerimientos a Portos de Galicia, a última nunha reunión esta mesma semana, non atopa unha solución para este problema, xa que a resposta que lle dan é que non son cuestións prioritarias. Ademáis, desde o goberno fixeron chegar outros problemas do municipio a Portos, como é o custe polo espazo ocupado de terreno portuario durante a Festa do Albariño, que foi menos que o estimado na previsión que se fixo en febreiro. Tamén trataron na reunión Como as palmeiras afectadas polo picudo no concello, a maioría en zona de portos. O concello ten que pagar 9.000 euros para poñer solución ó problema. A resposta da entidade portuaria, segundo aseguran, é que eles non se farían cargo dese gasto.
Publicado en SALNÉS - CALDAS
CAMBADOS> O concello de Cambados renova a súa flota de vehículos con catro novas incorporacións. As adquisicións veñen substituír outros vehículos vellos, que xeraban gastos moi elevados debido ao seu deterioro. A operación, que suporá un investimento de 70.000 euros con cargo ao Plan Concellos 2015 da Deputación, busca optimizar e reducir o custo do mantemento da flota municipal. Catro novos vehículos incorporaranse á flota do concello de Cambados. Virán para substituír a outros de máis anos, e que cuxo mantemento xeraba gastos elevados ao concello local. Ao vehículo da Policía Local e ao camión volquete sumaranse nas próximas semanas unha furgoneta e unha grúa. O investimento é de 70.000 euros, que se realiza con cargo ao Plan Concellos 2015 da Deputación, na partida que se consignara para a praza de abastos. Os gastos que xeran están a ser controlados polo departamento de contabilidade do concello grazas a unha aplicación informática. Nela rexistran cada factura relacionada cos vehículos. Actualmente, a flota municipal do concello de Cambados supera os 15 vehículos.
Publicado en SALNÉS - CALDAS
CAMBADOS> A Mancomunidade do Salnés saca peito ante o éxito das súas iniciativas de promoción turística. O ente fixo balance da xestión dos últimos catro anos da forte aposta que están a realizar para atraer visitantes á comarca e da que xa se están a ver os froitos: dos 49 touroperadores que trouxeron para coñecer O Salnés, case o 79% están a vender o destino nos seus países. Non é un secreto a importante aposta que a Mancomunidade do Salnés vén realizando por atraer o turismo internacional. Nos últimos catro anos, o ente multiplicou os seus esforzos. Aproveitando esta riqueza, a Mancomunidade creou dous produtos como a Ruta do Padre Sarmiento e a Variante espiritual. Este ano, esta última xa atraeu a máis de 5.000 peregrinos. Tamén incrementou a presenza do destino nas feiras internacionais e realizando viaxes a outros países, pero tamén presumen de oferta sobre o terreo. Dende a Mancomunidade xa traballaron con 49 touroperadores, que visitan a zona en pequenos grupos. Outros 130 visitaron a comarca grazas ao convenio co concello de Pontevedra. De feito, a colaboración institucional é outra das bases da política da Mancomunidade en materia de turismo. Destaca o éxito que nesta promoción internacional se conseguiu no mercado ruso. De cara o futuro, atraer ao turista francés é unha das prioridades da Mancomunidade. Tamén manter o nivel de calidade do produto, conscientes da forte competencia que existe nos mercados internacionais.
Publicado en SALNÉS - CALDAS
Xoves, 05 Outubro 2017 13:47

Cambados mostra "O que ten na mente"

CAMBADOS> O próximo 10 de outubro celébrase o Día Mundial da Saúde Mental , e o concello de Cambados e a Asociación Lar Pro Saúde Mental quixeron comezar esta mañá a campaña de sensibilización na praza do concello, a través de actividade “O que teño na mente”. Son algunhas das mensaxes que se deixaron hoxe no tablón “O que teño na mente”, ubicado ó longo da mañá na praza do Concello de Cambados. Un gran mural co que se pretendeu sensibilizar á poboación sobre a situación das persoas con saúde mental no lugar de traballo, e animar á cidadanía a plasmar as súas propostas A actividade levada a cabo hoxe en Cambados, está organizada pola asociación Lar Pro Saúde Mental, coa colaboración do departamento de Servizos Sociais do concello, de cara á celebración o próximo 10 de outubro do Día Mundial da Saúde Mental. As actividades compleméntanse cunha serie da acción na rede, como un mural dixital no que calquera persoa poderá facer a súa achega sobre a saúde mental no lugar de traballo, ó que poden acceder na páxina web Feafes.org. E ti? Xa deixaches a túa mensaxe?
Publicado en SALNÉS - CALDAS
CAMBADOS> A praza do concello de Cambados acolleu tamén esta mañá outra conmemoración que pretendía visibilizar unha realidade non menos preocupante: o maltrato animal. Con motivo do seu Día Internacional o concello, xunto coa Protectora O Refuxio, e os alumnos do Colexio San Tomé do municipio, leron un manifesto contra O concello de Cambados, en colaboración coa Protectora O Refuxio, celebrou esta mañá o Día Internacional Contra o Maltrato animal. Que se busca con esta conmemoración? Así o explicaron os alumnos de sexto do Colexio San Tomé do municipio. É un fragmento do manifesto que leron dous dos alumnos, para lembrar que hoxe, pero tamén o resto dos días do ano, debemos dicir NON ó maltrato animal, e ter en conta mensaxes como éstas. Eles e elas o teñen claro, pero por desgraza hai que seguir insistindo nestas reivindicacións, porque hai moito que concienciar, e persoas que actúan como se non o fosen. Tal e como explicou a presidenta do Refuxio, poñendo o exemplo dun dos últimos cans que acolleron, e que foi abandonado nun estado calamitoso. Ogallá esta mensaxe cale en tódalas persoas, igual que xa o fixo neste cativos.
Publicado en SALNÉS - CALDAS
CAMBADOS> Cambados continúa exprimindo a súa condición como Cidade Europea do Viño 2017. A fin de semana do 14 de outubro, a vila acollerá dúas das grandes citas do seu programa conmemorativo: O encontro de confrarías enogastronómicas e a Festa da Vendima. Dúas citas que este ano celebran a súa primeira edición, e coas que o goberno local agarda situar a Cambados a nivel internacional. Tras meses de intensa actividade, Cambados como Cidade Europea do Viño terá a fin de semana do 14 de outubro outras das dúas grandes citas pendentes: o Encontro de Confrarías Enogastronómicas e a Festa da Vendima. Eventos que se estrean este ano. No marco do Encontro, a vila agarda recibir a preto de 50 confrarías gastronómicas de diferentes países europeos. Unha afluenza de visitantes que vai ter unha importante repercusión na economía local. Moitos dos confrares chegarán xa a noite do venres 13, pero o groso da programación desenvolverase durante o sábado. Unha visita guiada polo casco histórico, outra en barco pola Ría de Arousa, e un desfile polas rúas de cambados, celebraranse durante o día. Pola noite, todos acoderán á Festa da Vendima, que acollerá a Praza de Fefiñáns. Segundo explican dende o concello, aínda quedan por diante máis de 20 actividades para executar das que se recollían no programa da Cidade Europea do Viño.
Publicado en SALNÉS - CALDAS
CAMBADOS> O mes de outubro encherá Cambados de teatro. Esta mesma fin de semana o concello inicia o seu ciclo teatral, co Auditorio da Xuventude acollendo unha representación cada sábado. Dende a concellería de cultura agardan que esta edición repita o éxito das anteriores. O teatro volve copar as fins de semana do Auditorio da Xuventude. Co mes de outubro, volve a Cambados o seu ciclo de teatro, que este ano muda as representacións ao sábado. O ciclo arrinca xa este sábado, coa obra Raclette, de Ibuprofeno Teatro. Nacidas libres, de Contra Producións, As fillas bravas do Grupo Chévere, e Tropical, de Elefante Elegante, completan a programación coa que a concellería de cultura agarda repetir o éxito de anos anteriores. De feito, o ano pasado a media estivo en 120 espectadores. A entrada para poder acceder ás representacións terá un custo de 3,50 euros.
Publicado en CULTURA
CAMBADOS> Polémica en Cambados pola convocatoria dun concurso para cubrir unha praza dun segundo mando da Policía Local. O anuncio aínda non se publicou no Boletín Oficial da provincia, pero o Partido Popular denuncia que se trata dun intento de enchufismo. Pola contra, a alcaldesa asegura que o procedemento será aberto e coas bases establecidas pola Xunta. Para o Partido Popular, a convocatoria dun concurso de oposición por mobilidade para cubrir o posto dun segundo mando da Policía Local de Cambados, oculta un intento de enchufismo. Segundo Luis Aragunde, a intención é que a praza sexa ocupada polo actual xefe do corpo, Adolfo Suárez. Suárez desempeña actualmente o cargo de xefe da Policía Local en comisión de servizos, substituíndo ao titular da praza, Maximino Cid, tamén de comisión de servizos en Ourense. En lugar desta convocatoria, o Partido Popular considera que Cambados debería sumarse a outros concellos que anunciaron que se adherirían ao convenio que están a pór en marcha Xunta e FEGAMP. Segundo o acordo, as prazas vacantes da Policía Local cubriríanse recorrendo á Academia Galega de Seguridade. As acusacións dos populares non gustaron á alcaldesa. De feito, Fátima Abal cualificou as declaracións de Luis Aragunde de machistas. Pola súa banda, Abal asegurou que a convocatoria aínda non está publicada no Boletín Oficial da Provincia, polo que pediu ao Partido Popular que explique como coñece unha información que, asegurou, é confidencial.
Publicado en SALNÉS - CALDAS
CAMABADOS> José Juan Durán comezou a semana en Cambados. O presidente de Portos de Galicia acudiu ao peirao cambadés para coñecer a actuación que a administración que preside está a financiar no mesmo.
Publicado en SALNÉS - CALDAS
CAMBADOS> Un percorrido polo patrimonio e pola cultura de Cambados, coa figura de Ramón Cabanillas e da súa obra Da Terra Asoballada como fío condutor. Esta foi a proposta que se realizou o pasado sábado na vila. Un roteiro literario organizado pola Deputación de Pontevedra e a Asociación de Escritores e Escritoras en Lingua Galega para poñer en valor a riqueza cambadesa. Baixo a mirada da estatua de Ramón Cabanillas que senta nun banco na praza do Concello de Cambados, arrincou o sábado o roteiro literario dedicado á súa figura. Cambados, Fefiñáns, San Tomé. Paseo da Calzada, casa natal do poeta, ruínas de Santa Mariña, a casa onde finou... foron algunhas das paradas dun percorrido que, ademais da biografía de Cabanillas, tivo como fío condutor "Da Terra Asoballada". Obra da que este ano se cumpre o centenario da súa primeira edición en 1917. O profesor Ramón Caride converteuse no guía deste paseo que se prolongou máis de 3 horas, con 10 paradas e a lectura doutros tantos poemas do Poeta da Raza, que demostran a súa relación coa vila. Unha oportunidade para Cambados de amosar a súa riqueza patrimonial e cultural, tanto aos cambadeses como aos visitantes que se achegaron atraídos pola proposta. Este roteiro naceu da colaboración entre Deputación de Pontevedra e Asociación de Escritores e Escritoras en Lingua Galega, e está incluído nun programa que organizou iniciativas semellantes noutros puntos da provincia.
Publicado en CULTURA
CAMBADOS> Cambados ofertará aos seus cidadáns ou tamén aos interesados un Ciclo de Memoria Histórica onde proxectarán películas en formato familiar, para que incluso se establezca un coloquio en Exposalnés. Todos os venres do mes de outubro a partir das 20:00 horas no salón de actos de Exposalnés proxectaranse diferentes documentais sobre a Memoria Histórica. Ese primeiro venres vaise a proxectar "Castelao e os Irmáns da Liberdade" un documental que contará co director da película. Esta proxección será a máis extensa de todas, aínda que a finalidade é conseguir un coloquio posterior. Unha excelente maneira de investir o tempo libre durante os venres de outubro en Cambados.
Publicado en SALNÉS - CALDAS
CAMBADOS> Este xoves celebrouse unha Comisión Municipal de Patrimonio onde se discutiu sobre 21 expedientes de obras que se atopan dentro do conxunto histórico de Cambados. Este é un primeiro paso antes de que os mesmo acudan a Xunta de Goberno Local para proceder, segundo cada caso, a súa aprobación.
Publicado en SALNÉS - CALDAS
Páxina 1 de 22
HomeBARBANZA - NOIAMostrando artigos por etiqueta: Cambados Top of Page

Síguenos en facebook