• Facebook
  • Twitter
  • Rss
  • Plus
RIANXO> A Xustiza vén de dar a razón á confraría de pescadores de Rianxo sobre o local social dos xubilados. A sentenza outorga ó pósito o dereito de uso destas instalacións xa que son da súa propiedade polo que os actuais usuarios deberán desaloxala.
RIANXO> O voceiro do PSdeG-PSOE fixo esta mañá unha visita ós Lombos do Ulla, a onde acudiu en compaña de varios patróns maiores e representantes de Confrarías arousás para analizar a caída da produción nesta zona de libre marisqueo. No encontro mantido en Rianxo, Fernández Leiceaga aludiu tamén á necesidade de que se estremen os controis de contaminación na Ría e que se actualicen os estudos sobre a produtividade marisqueira na zona, xa que os últimos foron realizados hai xa quince anos. Máis duro se mostrou o patrón maior rianxeiro, Miguel Ángel Iglesias, quen xunto as patroas maiores de Vilanova e Cabo de Cruz, María José Vales e Raquel Soto, respectivamente, acompañou ó voceiro socialista na súa visita ós Lombos do Ulla. Iglesias reclamou actuacións urxentes para mellorar a produtividade dos Lombos e por extensión a de toda a Ría, da que viven moitas familias. O patrón maior rianxeiro lamentou tamén que a campaña do ano que vén vai estar condicionada pola escasa produtividade, polo que, segundo el, será novamente un ano perdido.
RIANXO> A boa xestión dos últimos anos traduciuse no superávit das contas da confraría de Rianxo. Tras unha campaña marisqueira moi rendible e, a pesar de ter investido corenta mil euros en tarefas de rexeneración, o pósito pechou o exercicio con once mil euros de excedente.
A confraría de Noia traballa dende o mes pasado na limpeza dos bancos marisqueiros. Retiran unha media de catrocentos quilos diarios de depredadores para protexer a abundante cría nas súas concesións. Ante as boas perspectivas, a intención do pósito é adiantar a apertura da campaña a principios de setembro.
PORTO DO SON> As confrarías galegas traballan conxuntamente coa Consellería do Mar no deseño do plan do polbo para o presente ano. As federacións de Coruña e Pontevedra proponen unha veda de corenta e cinco días e a unificación dos topes en cincuenta quilos durante toda a campaña.
AGUIÑO> As confrarías da Ría de Arousa, ó completo, esixen modificacións na normativa dos cabalos permitidos nos motores de foraborda. Os patróns reuníronse para tomar medidas conxuntas tralo conflito acontecido en Aguiño a semana pasada.  
NOIA> Satisfacción esta mañá entre os mariscadores de Noia, o paraíso do berberecho, trala apertura da campaña extractiva nesta ría. Os mariscadores de a flote conseguiron sen dificultade capturar os topes permitidos nesta primeira xornada, non tiveron a mesma sorte os de a pe.
RIANXO> Do mar ó prato, ou case. A confraría de pescadores de Rianxo vén de poñer en marcha unha iniciativa que permite servir o produto directamente ós compradores sen que estes teñan que pasar por lonxa.
RIANXO> Bo prezo e marisco de calidade, aínda que as capturas non están a ser moi elevadas. Este é o balance que fai o patrón maior de Rianxo, Miguel Ángel Iglesias, do que vai de campaña marisqueira de verán nas súas concesións.
Publicado en portada
RIBEIRA>Os mariscadores de Aguiño decidiron deixar de fondear estes días na zona do Carreiro ante o temor a ser sancionados pola Garda Civil. Segundo explicou o patrón maior, José Antonio Santamaría, nos próximos días está previsto celebrar unha xuntanza para acordar as medidas de presión a realizar para seguir defendendo a exclusividade de Aguiño nesta concesión.
RIBEIRA> As confrarías de Aguiño e Ribeira tentarán achegar posturas sobre a polémica franxa do banco do Carreiro, cuxa titularidade enfronta ós dous pósitos. Polo momento, a Consellería do Mar decretou a paralización temporal do plan de explotación da navalla á espera dun acordo que permita retomar a actividade con normalidade.
Páxina 1 de 9
HomeBARBANZA - NOIAMostrando artigos por etiqueta: Confrarías Top of Page

Síguenos en facebook