09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
NOIA> Inauguradas as segundas Xornadas de Exaltación do Berberecho de Noia que nesta edición tiveron como convidado ó cociñeiro Alberto Chicote. Durante toda a fin de semana seguirán a desenvolverse conferencias e actos paralelos que culminarán coa degustación popular prevista para o domingo.
NOIA> Alberto Chicote será o encargado de abrir as Xornadas de Exaltación do Berberecho que arrancan en Noia o próximo xoves. Ademais de visitar os bancos marisqueiros e a lonxa de Testal, o televisivo cociñeiro ofrecerá unha clase maxistral.
NOIA> A Conselleira de Infraestruturas desprazouse ata Noia para supervisar as obras de mellora que se están a acometer na estación de autobuses da localidade. A actuación, cun investimento próximo ós cento oitenta mil euros, permitirá mellorar o illamento térmico e as dársenas da instalacións.
NOIA> A decimo oitava edición da Mostra de Curtas de Noia chegou esta fin de semana á súa fin. A preestrea da serie ‘Fariña’ celebrada o sábado e a gala de entrega de premios do venres puxeron o broche de ouro a unha edición que bateu récord de participación e de asistentes.
NOIA> Os socialistas da comarca mantiveron un encontro en Noia coa deputada parlamentaria, Loli Toja, para analizar os orzamentos da Consellería do Mar. Denuncia o peso da acuicultura en detrimento das políticas de xeraciónde emprego na pesca.
NOIA> As tendas abrirán este sábado as súas portas ata as dez da noite e ofrecerán descontos do vinte por cento en tódolos seus artigos. É unha das habituais campañas de Noia Histórica. Por sétimo ano consecutivo, e debido ó éxito de vendas colleitado en anteriores convocatorias, a patronal noiesa volve a celebrar unha nova edición do Sábado Negro. Será este próximo sábado, 4 de novembro e contará coa participación de cincuenta establecementos comerc iais que aglutinan a práctica totalidade de microsectores. A cifra máis alta de participación de tódalas edicións celebradas ata o de agora. Ademais dos descontos, que poden chegar ata un 20%, as persoas que se achuguen ese día ata a vila poderán participar tamén en numerosas actividades complementarias. Dende a asociación sinalan que este tipo de campañas teñen coma principal finalidade incentivar as compras nunha época do ano no que as vendas baixan significativamente previo ó Nadal, que se ve moi condicionada ademais nesta tempada polo tempo.
NOIA> O Conselleiro, Román Rodríguez, desprazouse esta mañá á localidade para proceder á sinatura do convenio que permitirá a restauración deste emblemático inmoble. A restauración do antigo edificio do Casino de Noia está máis preto de ser unha realidade trala sinatura do convenio entre o Conselleiro de Cultura e o alcalde de Noia. O departamento autonómico destinará cen mil euros ó proxecto, cun orzamento total próximo ó millón de euros. O obxectivo é converter este emblemático inmoble nun Centro de Recepción de Visitantes do Xeodestino Ría de Muros Noia con usos turísticos e culturais. Trala sinatura do convenio, Román Rodríguez aproveitou a súa presenza en Noia para visitar o IES Campo de San Alberto onde a Consellería de Educación está a investir máis de setenta mil euros no cambio da cuberta do ximnasio e na eliminación de flitracións de auga na fachada. Tamén se desprazou ata o CEIP Felipe de Castro onde se está a construír un novo pavillón, cun investimento de cento cincuenta mil euros.
NOIA> A maioría dos produtores conseguiu coller sen dificultade os topes establecidos. A única desconfianza para eles, o prezo que o marisco puidera acadar en lonxa... A maioría dos mariscadores confían en que o episodio de toxina non volva a producirse, algo que non poden asegurar con rotundidade, e así poder manter un nivel aceptable de ingresos, xa que o mercado se atopa practicamente desabastecido, tanto para fresco como para as conserveiras.
Luns, 30 Outubro 2017 20:03

O Boiro faise co derbi ante o Noia

BOIRO> O resultado final foi de tres a un para os boirenses, on tantos de Fajardo e Abad, este último por partida dobre. O gol noiés foi obra de Piñeiro. Plantexamento valente o do Noia onte en Barraña. Os de Jaime Sánchez saíron de inicio a xogarlle de tu a tu a un Boiro que partía a priori de favorito. Nos pimeiros minutos mesmo chegou a levar a iniciativa no xogo, pero sen apenas crear perigo na área local. Pouco a pouco o Boiro foise asentando sobre o terreo de xogo, fundamentalmente grazas ó xogo polas bandas. Con este acoso, o primeiro tanto local non tardaría en chegar. Corría o minuto 20 de partido cando unha falta botada por Yahvé foi rematada no segundo pau por Fajardo, que necesitou de dous remates para aloxalo balón dentro da portería. O gol espolearía os locais e noqueou a un Noia, que a partir de ahí entrou nunha dinámica negativa no partido. Os de Lemos tiñan o dominio total do encontro, chegando con facilidade e mesmo perigo á área rival. Aínda no pasaran nin cinco minutos do primeiro tanto, cando os boirenses aumentarían a renda. Un centro de Javi Otero dende a banda foi rematado en área pequena por Abad, que ante a tímida saída de Pajarillo, enviaba o balón a dentro das mallas. Era o dous a cero. Nas gradas xa cheiraba a goleada. Aínda así o resultado non se movería máis na primeira metade. Á volta dos vestiarios o Noia tirou de casta. Mellorou no aspecto defensivo, maniatando o xogo en mediocampo do Boiro. Aínda así, os locais nunha xogada de Fajardo, que buscou a Abad, facían o tres a cero. Era o minuto 57 de partido. O Boiro levantou un pouco o pé do acelerador, momento que aproveitou o Noia para recurtar distancias. Piñeiro despois dunha gran galopada facía o tanto da honra, poñendo o tres a un no marcador. A vitoria leva ós de José Luis Lemos a asomarse á cabeza da clasificación. Esa posición na que todos o situabana a comezos de curso. Pola contra o Noia segue mantendo o faroliño vermello con tan só seis puntos no seu haber. Na próxima xornada o Boiro terá unha difícil saída, ó enfrontarse ó Ourense. O Noia recibirá en san Lázaro o Barbadás, equipo que o antecede na clasificación cos mesmos punto. Un partido que os noieses deberán gañar si ou si, se queren ter aínda apiracións a manterse na categoría.
NOIA> Os mariscadores de Noia poderían volver ó traballo o próximo luns de confirmarse o segundo resultado negativo das analíticas. Tras case un mes de peche, dende a confraría amósanse aínda moi cautos e no caso de que o Intecmar decrete a reapertura, realizarán unha nova analítica o domingo.
NOIA> Corenta traballos competirán na Mostra de Curtas Vila de Noia que arranca na localidade o un de novembro. Un equipo de profesionais realizou a escolma das cintas escollidas entre máis de mil duascentas presentadas.
BARBANZA/NOIA> Os populares valoran moi positivamente os orzamentos da Xunta para o vindeiro ano 2018 cun investimento previsto para a comarca que supera os doce millóns de euros. Máis de doce millóns de euros. Esta cantidade é a que a Xunta de Galicia prevé investir na comarca do Barbanza para o ano que vén. Uns datos que dende o Partido Popular consideran moi positivos. O deputado, Carlos López Crespo, referiuse a algunhas das partidas máis importantes. Así destacou os case 4,5 millóns de euros para a construción da EDAR de Rianxo, os 1,7 millóns de euros para a mellora dos pantaláns dos bateiros de Cabo de Cruz ou os 1,4 millóns para o desenvolvemento do borde portuario en Porto do Son. Tamén se prevén outras actuacións como son diversas melloras no saneamento de Lousame, uns 200 mil euros, o proxecto para a ordenación viaria de acceso ó porto de Ribeira, 475 mil ou a reforma integral da praza de abastos de Noia, 150 mil. Aínda así nesta última comarca, a maior parte do investimento será destinada ó desdobramento da autovía, que contará cunha partida neste 2018 de 250 mil euros para o inicio da redacción do proxecto, e para o que as contas autonómicas recollen un investimento total de 15 millóns de euros ata o ano 2021. Dende as filas populares destacouse ademais que as contas presentadas polo Goberno Galego prevén tamén un incremento notable en catro eixes fundamentais como son os servizos sociais, a sanidade, a educación e a creación de emprego.
Páxina 1 de 44
HomeBARBANZA - NOIAMostrando artigos por etiqueta: Noia Top of Page

Síguenos en facebook