NOIA> José Pérez volverá a asumir a presidencia da Asociación de Actividades Empresariais de Noia durante os próximos dous anos.
{flowplayer}barbanza/pepeperez.flv{/flowplayer}
A encabezada por José Pérez foi a única candidatura que se presentou ata o venres á unha e media da tarde, cando remataba o prazo para a formalización das listas. Este luns tivo lugar a elección oficial do presidente, no transcurso dunha xunta extraordinaria.
José Pérez anunciou a súa intención de ampliar a anterior xunta directiva reforzando algúns sectores e dando continuidade a proxectos que xa están en marcha.
Ademais, a asociación de empresarios tentará seguir sendo o vínculo de comunicación co concello en temas tan importantes como o seguemento do PXOM.
Durante a xuntanza tamén se abordaron outros asuntos como a aprobación das contas correspondentes ó primeiro semestre do ano.
Redacción Barbanza
