• Facebook
  • Twitter
  • Rss
  • Plus

Uxía Vidal

PORTO DO SON> O presidente de Portos de Galicia visitou as instalacións portuarias de Porto do Son onde se veñen de acometer varias actuacións. Ademais das melloras nos sistemas de defensa, José Juan Durán interesouse por outras demandas formuladas pola confraría como o peche dos accesos para vehículos non autorizados.
BOIRO> Boiro Novo denuncia a substitución do servizo de cociña por un cátering no centro de día do municipio. Segundo as familias, este cambio supuxo unha notable perda da calidade dos alimentos. A través do grupo de En Marea, xa elevaron as súas queixas ó Parlamento.
RIBEIRA> Inaugurada oficialmente a cuarta Feira da Educación de Ribeira que se desenvolverá ata o domingo. Unha trintena de expositores, instalados no auditorio municipal, amosan toda a oferta educativa do municipio.
RIBEIRA> Tralo espectacular peche da campaña do ourizo nas confrarías de Aguiño e Ribeira, cunha facturación superior ós novecentos mil euros, o sector busca agora novas saídas. Á apertura de varios bancos de ameixa súmase a ampliación da zona do traballo do percebe.
RIBEIRA> O BNG de Ribeira denuncia o mal estado de conservación da avenida das Carolinas e do Malecón, dúas das principais vías de acceso ó centro urbano. Xa que son titularidade de Portos de Galicia, esixen ó ente autonómico un maior esforzo no seu mantemento. No caso contrario, demandan a cesión ó concello.
POBRA> O BNG da Pobra demanda a solicitude dun obradoiro de emprego xuvenil enfocado ó sector do mar para o municipio. Esta moción, que se debaterá no pleno deste xoves, supón un paso máis nas políticas de promoción do emprego para a mocidade que está a desenvolver a formación nacionalista.
RIBEIRA> O xulgado de Instrución Número Un de Ribeira decretou o sobresemento provisional da causa pola desaparición de Diana Quer e o levantamento do segredo de sumario. O xuíz notificáballe a decisión ós pais este mércores nas dependencias xudiciais de Ribeira.
PORTO DO SON> O peche da pescaría da xarda na provincia da Coruña trae de cabeza á flota de artes menores. Á espera do reconto que determine si xa se esgotou o cupo, as embarcacións vense obrigadas a devolver miles de quilos ó mar.
Páxina 1 de 211
HomeBARBANZA - NOIAUxía Vidal Top of Page

Síguenos en facebook