• Facebook
  • Twitter
  • Rss
  • Plus
CANAL RÍAS BAIXAS  :: Información local
BOIRO> A velada terá lugar esta próxima fin de semana, o sábado e domingo, no pavillón de Praia Xardín, baixo a organización do Club de Deportes de Contacto do Barbanza. Baixo a organización do Club de Deportes de Contacto do Barbanza disputarase esta vindeira fin de semana en Boiro, no pavillón municipal de Praia Xardín, o Campionato Galego de Boxeo Promesas, nas distintas categorías en competición. Á cita teñen confirmada xa a súa asistencia máis de 18 clubs de toda Galicia. A cita conta coa colaboración da Federación Galega de Boxeo e o propio concello de Boiro, de onde animaron a asistir a esta velada. Nos campionatos tomarán parte varios representantes do Club organizador, que contan con serias posibilidades de facerse co título nas súas respectivas categorías. Trátase de Jacobo Patiño que pelexará na categoría de lixeiro para menos de 60 quilos e Neo Blanco que competirá na categoría de superwelter en menos de 69 quilos. A entrada terá un custe de quince euros o bono para os dous días e de dez para unha única xornada. O inicio da competición está fixada o sábado ás sete da tarde.
SANTIAGO> Cento cincuenta e cinco millóns de euros. Este será o orzamento da Consellería do Mar para o 2018, un nove por cento máis que no exercicio anterior. A Conselleira compareceu esta mañá no Parlamento para explicar as principais liñas inversoras do seu departamento que priorizará a mellora da competitividade do sector pesqueiro.
BARBANZA> Trátase de dous novos folletos, a ‘Guía de Aloxamentos’ e ‘Onde comer e servizos’. Con estes dous novos folletos, a ‘Guía de Aloxamentos’ e ‘Onde comer e servizos’. a mancomunidade de municipios Arousa Norte pretende dar resposta a dúas das preguntas máis frecuentes das persoas que se achegan ata esta comarca, como son os servizos de hostalería e restauración existentes. Os dous materiais, dos que se realizou unha tirada duns cinco mil exemplares, serán distribuídos nas catro oficinas de información turística da comarca e tamén nas principais cidades de Galicia, servindo de gran utilidade como instrumento de promoción nas feiras de carácter turístico nas que participe a mancomunidade. O presidente de Arousa Norte aproveitou tamén a comparecencia ante os medios para informar de que a entidade xa está a traballar nunha nova edición do concurso ‘+Q Tapas’ que se desenvolverá nas dúas últimas fins de semana do mes de novembro e as dúas primeiras do mes de decembro.
BOIRO> Medio cento de persoas, participantes no Congreso Galicia Atlantic Destination, recalaron no porto de Cabo de Cruz para embarcase nunha travesía con paradas en Sálvora e Vilanova de Arousa. Neste programa turístico, promovido pola Xunta, particpan representantes das principais asociacións e clubs náuticos de Europa así como xornalistas procedentes de varios países.
SANTIAGO> O presidente da Xunta, Alberto Núñez Feijóo, participou a última hora da tarde de onte en Santiago na presentación da Fundación RIA – Rede de Innovación Arousa, que promove o arquitecto británico David Chipperfield. No acto o titular do Goberno Autonómico avogou por unha ordenación do territorio responsable, que conxugue a protección da contorna co crecemento económico.
Luns, 30 Outubro 2017 20:03

O Boiro faise co derbi ante o Noia

BOIRO> O resultado final foi de tres a un para os boirenses, on tantos de Fajardo e Abad, este último por partida dobre. O gol noiés foi obra de Piñeiro. Plantexamento valente o do Noia onte en Barraña. Os de Jaime Sánchez saíron de inicio a xogarlle de tu a tu a un Boiro que partía a priori de favorito. Nos pimeiros minutos mesmo chegou a levar a iniciativa no xogo, pero sen apenas crear perigo na área local. Pouco a pouco o Boiro foise asentando sobre o terreo de xogo, fundamentalmente grazas ó xogo polas bandas. Con este acoso, o primeiro tanto local non tardaría en chegar. Corría o minuto 20 de partido cando unha falta botada por Yahvé foi rematada no segundo pau por Fajardo, que necesitou de dous remates para aloxalo balón dentro da portería. O gol espolearía os locais e noqueou a un Noia, que a partir de ahí entrou nunha dinámica negativa no partido. Os de Lemos tiñan o dominio total do encontro, chegando con facilidade e mesmo perigo á área rival. Aínda no pasaran nin cinco minutos do primeiro tanto, cando os boirenses aumentarían a renda. Un centro de Javi Otero dende a banda foi rematado en área pequena por Abad, que ante a tímida saída de Pajarillo, enviaba o balón a dentro das mallas. Era o dous a cero. Nas gradas xa cheiraba a goleada. Aínda así o resultado non se movería máis na primeira metade. Á volta dos vestiarios o Noia tirou de casta. Mellorou no aspecto defensivo, maniatando o xogo en mediocampo do Boiro. Aínda así, os locais nunha xogada de Fajardo, que buscou a Abad, facían o tres a cero. Era o minuto 57 de partido. O Boiro levantou un pouco o pé do acelerador, momento que aproveitou o Noia para recurtar distancias. Piñeiro despois dunha gran galopada facía o tanto da honra, poñendo o tres a un no marcador. A vitoria leva ós de José Luis Lemos a asomarse á cabeza da clasificación. Esa posición na que todos o situabana a comezos de curso. Pola contra o Noia segue mantendo o faroliño vermello con tan só seis puntos no seu haber. Na próxima xornada o Boiro terá unha difícil saída, ó enfrontarse ó Ourense. O Noia recibirá en san Lázaro o Barbadás, equipo que o antecede na clasificación cos mesmos punto. Un partido que os noieses deberán gañar si ou si, se queren ter aínda apiracións a manterse na categoría.
BARBANZA> Os nacionalistas avogan ademais por un modelo que permita converter ó monte nun espazo xerador de riqueza e emprego, freando de paso o actual abandono do medio rural. A vaga de lumes que afectou a Galicia hai varias semanas fai que o BNG volva a poñer en tela de xuízo a actual política forestal da Xunta. Negando que exista unha trama de terrorismo incendiario, tal e como apuntaban dende o PP, os nacionalistas piden un cambio de modelo, apostando por frear o actual abandono do monte. O BNG presentará moción nos concellos da comarca demandándolle á Xunta unha nova política forestal, para evitar que esta situación volva a repetirse, apostando polo aproveitamento multifuncional do monte, no que se poña coto ó monocultivo de eucalipto, que se realicen as modificacións lexislativas necesarias para darlle valor ó solo forestal ou que se redacte un protocolo de emerxencias para todo o país, ademais de reformularse o servizo de defensa contra os lumes poñendo especial fincapé na prevención.
RIBEIRA> O 26 de outubro conmemórase o Día Nacional do Dano Cerebral Adquirido. A asociación Sarela desenvolveu co gallo desta efeméride unha campaña de sensibilización con mesas informativas, en varios puntos de Santiago e do Barbanza.
RIANXO> Un grupo de veciños concentrouse esta mañá para reclamar a suba das pensións. A mobilización partiu do Movemento Galego en Defensa das Pensións, e nela tamén tomaron parte membros da plataforma pro-centro de día. Atendendo a unha convocatoria a nivel estatal, un grupo de veciños da comarca concentrouse ás portas do edificio do Instituto Social de la Marina en Rianxo para demandar unha mellora do actual sistema público de pensións. Entre outros aspectos denunciaban a situación actual, despois das reformas lexislativas promovidas polo Goberno Central nos últimos anos que están a supoñer unha merma moi importante no poder adquisitivo dos pensionistas. Dende Movemento Galego en Defensa das Pensións reclaman ademais que o sistema de pensións da Seguridade Social estea garantido polos Presupostos Xerais do Estado e que se restableza a idade ordinaria de xubilación ós 65 anos. Tamén piden a recuperación do subsidio para maiores de 52 anos e unha pensión mínima de 1084 euros, como recolle a Carta Social Europea.
BOIRO> Este venres celebrarase unha sesión plenaria con carácter extraordinario en cuxa orde do día figura a aprobación da solicitude de acceso ó Fondo de Cooperación que permitirá ó Concello poder beneficiarse dunha liña de axudas do IGVS para acometer a restauración do edificio. Sen dúbida trátase dun dos emblemas de Boiro. O pazo de Goiáns constitúe un dos espazos de maior valor histórico e cultural, declarado Ben de Interese Cultural dende o ano 2015. Aínda así nos últimos anos a edificación veu sufrindo un avanzado estado de deterioro que fai necesaria unha actuación urxente de conservación e rehabilitación. Neste sentido o executivo local xa ten realizado un proxecto, valorado en algo máis dun millón de euros, que prevé desenvolver en breve e que permitirá poder poñelo en condicións de uso. En definitiva un cambio de enfoque con respecto ó proxecto anterior deseñado por anteriores gobernos municipais. Para poder levalo a cabo, o Concello pretende acollerse a unha nova liña de axudas do Instituto Galego da Vivenda e Solo, cuxa solicitude será levada ó pleno extraordinario deste venres. Trátase en definitiva de poñer en valor un espazo para que sexa accesible a veciños e visitantes, converténdoo nun polo de atracción turística que se completará tamén con outras actuacións previstas para a zona do estuario do río Coroño.
MUROS> A alcaldesa de Muros mantivo un encontro con responsables da Consellería de Industria na busca de medidas que permitan minimizar o impacto do peche da fábrica de Calvo en Esteiro.
Mércores, 25 Outubro 2017 18:27

Rianxo aposta polas praias accesibles

RIANXO> A praia de Tanxil, en Rianxo, conta con tódalas garantías de accesibilidade despois da intervención que vén de realizar o concello grazas a unha axuda da Axencia Galega de Turismo. A instalación de dúas sendas peonís permite o tránsito entre Tanxil e Quenxo que contaránn ademais con baños adaptados de forma permanente.
HomeMostrando artigos por etiqueta: Barbanza Top of Page

Síguenos en facebook