• Facebook
  • Twitter
  • Rss
  • Plus
CANAL RÍAS BAIXAS  :: Información local
BARBANZA> Na iniciativa irá tamén recollida a necesidade da creación dun fondo de emerxencia social e a posibilidade de crear un bono alimenticio para aquelas persoas con menos recursos.
RIBEIRA> O executivo ribeirense vén de informar de que mañá, primeiro de abril, abrirá o prazo para a inscrición de novo alumnado na Escola Infantil Municipal, prolongándose ata o día 30 dese mesmo mes. A publicación das listas provisionais de alumnos admitidos está previsto que se fagan públicas o día 16 de maio, abríndose posteriormente un prazo de reclamación de 10 días hábiles contados a partir do día seguinte a esta publicación. As listas definitivas serán publicadas o 30 de maio. En canto ó prazo para a confirmación de matrícula, tanto para os que fixeron reserva e renovación de praza como para os que fixeron inscrición, será do 2 ó 19 de xuño. As familias interesadas poderán recibir máis información, ou mesmo pasar a recoller os impresos para a solicitude e confirmación da matrícula no propio Departamento de Servizos Sociais, situado na Praza 8 de Marzo, no Edificio Mirador de Padín. Tamén se poden recoller impresos no propio Rexistro Xeral do Concello ou na páxina web www.riveira.es.
BARBANZA> Alexandre Ríos Batista foi elixido esta fin de semana en Ribeira, no transcurso dunha asemblea de Galiza Nova, coma novo responsable da entidade no Barbanza. Alexandre Ríos, que viña levando a área de mocidade no Consello Local do BNG en Ribeira, substitúe a José Ángel Santos, que deixa o cargo ó verse imposibilitado a dedicarlle o tempo preciso por mor do seu traballo.
Publicado en portada
POBRA> A sesión plenaria celebrada na Pobra do Caramiñal foi moito máis tranquila que a vivida en Boiro e nela debatéronse tamén os orzamentos municipais para este ano 2014, cuxo importe global ascende a 6’7 millóns de euros. O equipo de goberno sacou adiante en solitario este punto, cos votos en contra da oposición, BNG e Partido Socialista. Os nacionalistas comezaron a súa intervención criticando o feito de que o equipo de goberno incluíra a aprobación presupostaria no punto 12 dun pleno de 18 puntos dentro da orde do día, o que evidencia a importancia que lle dá actualmente a este apartado. O seu portavoz, Severino Romero, sinalou ademais que se tratan duns orzamentos calcados ós de anos anteriores, cun goberno sen iniciativa política e moi condicionado pola mala situación económica das arcas municipais derivada dos problemas de pago a provedores. Toda unha serie de circunstancias que deberán asumir os veciños coa suba brutal do IBI e o incremento do canon a SOGAMA, que de seguro repercutirá nas súas economías. Pola súa banda, dende as filas socialistas, a súa voceira, Teresa García Guillán, criticuou tamén o elevado endebedamento das arcas municipais, cunha débeda, segundo ela, ós bancos de 3’4 millóns de euros, destacando tamén a escasa partida de recursos propios destinada a investimentos, tan só 329 mil euros.
BOIRO> Os catro grupos da oposición: BNG, PSOE, Iniciativa Cidadá e Unión Popular, pediron o aprazamento da sesión ó non poder dispor durante toda esta semana da información e o asesoramento dos técnicos do departamento de Intervención.
BARBANZA> O pleno da Deputación da Coruña deu luz verde ás obras incluídas no POS dos noventa e tres concellos da provincia.
POBRA> O concello da Pobra celebrará a súa tradicional xuntanza da terceira idade o venres nove de maio.
POBRA> Un grupo do persoal, tanto civil coma militar, do Escuadrón de Vixilancia Aérea EVA 10, entre os que se atopaba o Comandante Xefe do Escuadrón, José María Gómez Sánchez, realizou esta mañá unha visita ás instalacións do Museo Valle-Inclán da Pobra do Caramiñal. Durante a visita estiveron acompañados polo alcalde da localidade, Isaac Maceiras, e a edil de Cultura, Encarnación González, así como tamén polo director do propio museo, Antonio González Millán. Foi este último o encargado de acompañalos polas distintas estancias, facendo paradas nas salas que recollen aquelas pezas de recente incorporación ós fondos do museo, e que dende a súa reapertura, hai uns meses, se exhiben no edificio, particularmente o mobiliario vinculado ó autor.
POBRA> O delegado do goberno en Galicia visitou as instalacións da empresa Actemsa, na Pobra do Caramiñal. Samuel Juárez destacou a competitividade das industrias pesqueiras en Galicia grazas á esixencia de calidade deste tipo de grupos empresariais.
RIBEIRA> O departamento de Cultura organiza por sétimo ano consecutivo a súa mostra de monicreques ‘Titiritando de emoción’. Durante tódolos sábados do mes de abril celebraranse funcións no auditorio municipal dirixidas principalmente ó público infantil.
BARBANZA> Continúan as actuacións para reparar os danos provocados polos temporais en todo o litoral galego.
HomeMostrando artigos por etiqueta: Barbanza Top of Page

Síguenos en facebook