• Facebook
  • Twitter
  • Rss
  • Plus
CANAL RÍAS BAIXAS
Mércores, 05 Xullo 2017 18:49

Boiro presume xa de bandeiras azuis

BOIRO> Esta mañá o alcalde, Xoán Xosé Dieste, e a directora xeral de Conservación da Natureza, Ana María Díaz, procedían, na praia de Barraña, ó izado simbólico dun destes distintivos. A praia de Barraña foi o lugar elixido para o izado simbólico da bandeira azul en Boiro. Nun acto, no que ademais do alcalde, Xoán Xosé Dieste, se contou coa presenza da directora xeral de Conservación da Natureza, Ana María Díaz. Segundo ela trátase dun exemplo máis do compromiso sostible que dende hai anos se promove dende a Xunta de Galicia. Pola súa banda o rexedor boirense destacou a importancia deste distintivo que premia os servizos e a calidade que se presta, non só nas seis praias nas que ondeará este ano a bandeira azul, senón tamén nun sendeiro azul, nun centro azul e tamén no Club Náutico de Cabo de Cruz.
RIBEIRA> Tras mes e medio de veda, os polbeiros volveron a actividade. Nestas primeiras xornadas non foi difícil acadar os topes de trinta quilos. Os prezos mantéñense altos, en niveis moi similares ós de antes do paro.
RIBEIRA> A casa do concello de Ribeira acollerá ata finais de mes a exposición do artista uruguayo Hugo Mario Pereira. Vinte dúas pinturas repartidas por diferentes estancias do consistorio constitúen unha ampla retrospectiva da obra deste artista afincado no Grove.
RIBEIRA> Mago de Oz, Merche e Treixadura serán os pratos fortes das festas do verán de Ribeira. Estas actuacións súmanse á numerosa oferta de lecer programada polo concello para os meses de xullo e agosto no marco do programa ‘A Fiestra da Cultura’.
RIBEIRA> Vinte e catro rapaces de entre oito e dezasete anos integran a vixésimo segunda promoción da policía infantil de Ribeira. Esta mañá tomaron posesión das súas credenciais polo que xa é posible velos patrullando polas rúas da vila.
BOIRO> A directiva efectuou onte luns o pago dos preto de 94 mil euros que lle adebedaba ós xogadores. Durante máis de hora e media, a diretiva do Boiro compareceu en rolda de prensa para explicar a situación pola que atravesa ó Club. O presidente, David Places, deu a súa versión de todo o que aconteceu nas últimas semanas e que derivaron o pasado venres no seu descenso administrativo da 2ª División B, ó incumprir o prazo establecido pola Real Federación Española de Fútbol para satisfacer a débeda cos xogadores da plantilla, cifrada nuns 94 mil euros. Un pago que si realizaron na mañá de onte. Segundo explicou o propio Places o incumprimento do prazo debeuse fundamentalmente a un suposto engano por parte dunha sociedade que pretendía facerse co control do Club, a través dun convenio, aboando agora a cantidade que lle demandaban os xogadores e posteriormente investindo unha gran cantidade de capital. Na comparecencia ante os medios, acompañando á directiva do Boiro, atopábase o asesor xurídico, Javier Picallo, quen aludiu ó recurso presentado ante a Federación, ó que acompaña tamén unha carta asinada por un dos capitáns do equipo, en representación de todo o plantel, na que aseguraba que os xogadores retiraban a denuncia posta no seu día por impagos, motivo principal polo que o Boiro está hoxe ‘fóra’ da categoría de bronce. A pelota, e nunca mellor dito, está agora no tellado da Federación, que deberá resolver a situación nun par de días. A cousa, en principio non pinta moi ben para os intereses do Boiro. Aínda así fontes do propio Club aseguraron que pelexarán ata as últimas instancias, para poñer a entidade no sitio que realmente se merece e que se gañou deportivamente nos terreos de xogo.
BOIRO> A primeira das catro quendas de rapaces que participarán nos campamentos de verán da Xunta en Boiro xa está en Espiñeira. Esta mañá recibiron a visita da directora xeral de Xuventude quen os animou a desfrutar desta experiencia que combina convivencia, ocio, natureza e educación.
Venres, 30 Xuño 2017 17:12

O CD Boiro deixa de ser equipo de 2ªB

BOIRO> Ó final cumpríronse os peores dos pronósticos e materialízase o descenso do Club, ó non satisfacer a directiva o pago da débeda cos xogadores. Pouco despois das doce do mediodía, hora fixada para o remate do prazo, a Asociación de Futbolistas Españoles, a AFE, comunicaba oficialmente que o CD Boiro non fixera efectivo o pago das débedas contraídas cos seus xogadores, uns 94 mil euros, polo que se procedía ó descenso automático de categoría. Pouco tempo despois a propia páxina oficial do club e nas propias redes sociais confirmábase a peor das novas. O Boiro non xogará o ano que vén na 2ªB a pesar de que lograra a permanencia na categoría. A nova caeu coma unha bomba en Boiro, xa que ninguén se imaxinaba o descenso do Club. Despois dun ano na categoría de bronce, os boirenses xogarán con toda probabilidade na Terceira.
RIBEIRA> A proba, organizada polo Club Náutico Ribeira, celebrarase o próximo sábado oito de xullo. Por sétimo ano consecutivo, a empresa Congalsa e o Club Náutico de Ribeira colaboran para poñer en marcha unha regata de cruceiro pola ría de Arousa. A cita será o próximo sábado 8 de xullo a partir das dúas da tarde e nela prevese unha participación dunhas vinte embarcacións nas clases regata, cruceiro-regata e regata. Para ese día barallanse dous percorridos costeiros en función da meteoroloxía existente cunha distancia aproximada dunhas dezasete millas náuticas Dende a firma Congalsa, empresa que lle dá nome á regata, destacouse a importancia da proba, enmarcada na súa política de colaboración co deporte e as entidades deportivas da zona. O Ziralla en clase regata, o Arroas en cruceiro regata e o Somni en cruceiro foron os últimos gañadores da proba.
POBRA> Como en anos anteriores a programación para os meses de xullo e agosto irá destinada a satisfacer os gustos tanto de pequenos coma de maiores. Co gallo de dinamizar a oferta lúdica na Pobra de cara o verán, a concellería de Cultura deseñou un amplo e variado programa de actividades para os meses de xullo e agosto que van dende a música, ós obradoiros, pasando polo baile ou o teatro. Segundo explicou a propia edil, Genoveva Hermo, as actividades irán destinadas a todo tipo de públicos, tanto pequenos coma maiores Na organización dalgunha destas actividades o Concello conta coa colaboración doutras Administracións, como é o caso da Xunta de Galicia dentro do programa ‘Cultura no camiño’ ou a Deputación da Coruña a través dos seus circuitos culturais como é o caso do Cine na Rúa.
BOIRO> Un incendio urbano, declarado este mediodía, afectou a unha vivenda situada ó carón do campo de fúlbol da Mina, en Escarabote. Pasadas as dúas da tarde, os bombeiros de Boiro recibían o aviso de que se atopaba ardendo unha instalación anexa á vivenda. Desprazáronse ata o lugar, apoiados por unha dotación do parque comarcal de Ribeira. En algo máis dunha hora conseguir extinguiron por completo o lume que ó parecer se orixinou a raíz dun curtocircuíto nos cables dunha lavadora. Este electrodoméstico, xunto a outros aparellos e unha barbacoa atopábanse nunha instalación caseira composta por unha autocaravana pechada cun muro e tellado de uralita a modo de patio. A sobrecarga na liña eléctrica puido estar detrás da orixe deste incendio que, afortunadamente, tan só ocasionou danos materiais.
RIBEIRA> Este xoves tivo lugar no centro de Interpretación de San Roque o acto de colocación da obra artística infantil ‘Mensaxe ó Mar’ elaborada polos alumnos do obradoiro de pintura de Ribeira. Procedeuse tamén á inaguración dun mural exterior creado por usuarios de AMBAR.
HomeMostrando artigos por etiqueta: Barbanza Top of Page

Síguenos en facebook