• Facebook
  • Twitter
  • Rss
  • Plus
CANAL RÍAS BAIXAS
Venres, 05 Mai 2017 18:44

Triatlón solidario contra o cancro

BOIRO> Boiro acollerá en xuño o Primeiro Triatlón Solidario organizado pola empresa Ecosport en colaboración coa Fundación contra a leucemia Josep Carreras e a Asociación Española contra o cancro.
POBRA> O executivo pobrense estuda a revisión do contrato con Urbaser, empresa encargada do servizo de recollida de lixo e limpeza viaria. Dende o Concello apuntan a unha serie de incumprimentos do contrato por parte da firma que son prexudiciais para os intereses municipais.
POBRA> O BNG da Pobra levará a pleno unha pregunta sobre o futuro da piscina municipal. Critican a falla de xestión do goberno municipal por non ter buscado unha alternativa ante o inminente fin da prórroga do contrato coa actual adxudicataria.
POBRA> O delegado territorial da Xunta na Coruña, Ovidio Rodeiro, mantivo un encontro de traballo con membros da directiva da asociación de empresarios do parque empresarial da Tomada na Pobra. A finalidade da xuntanza non era outra que interesarse polas súas principais demandas e anunciarlles diversas actuacións de mellora que vai realizar a Xunta neste polígono industrail.
RIANXO> Rianxo acollerá este verán a terceira edición do Deporcampus. Nenos de entre cinco e catorce anos poderán participar neste proxecto formativo da man de adestradores do Deportivo da Coruña. A iniciativa está promovida polo Club local Unión.
RIBEIRA> O BNG de Ribeira solicita a adopción de medidas de seguridade na contorna do novo parque infantil da Punta do Castro. Ademais da instalación dunha beirarrúa para a mellora do acceso ás instalacións demandan o balado dun desnivel existente entre a zona recreativa e o edificio de usos portuarios.
RIANXO> Na localidade existe un acordo plenario para declarar ó municipio libre de espectáculos e circos que inclúen animais nas súas funcións. Estas imaxes poderían volver a producirse…o circo Vienna Roller ten programadas varias actuacións dende mañá ata o domingo en Rianxo. A pesar dos esforzos realizados dende o Concello, onde hai uns anos se aprobou por unanimidade de tódolos grupos unha moción na que se declara ó municipio libre de espectáculos e circos que inclúen animais nas súas funcións, pouco se poderá facer para impedir que poida desenvolver a súa actividade, ó instalarse nun espazo privado no polígono de Té. O rexedor rianxeiro vai máis alá ó sinalar que debera existir unha normativa xeral de carácter autonómico que regule este tipo de espectáculos ou que os propios donos dos circos reformulen as actividades con animais.
LOUSAME> A proba terá lugar o próximo 21 de maio, podéndose realizar as inscricións ata o día 18 a través da páxina www.emesports.es.
BOIRO> En Marea levará ó Parlamento a necesidade de acometer unha actuación urxente no pazo de Goiáns. Ademais de consolidar a edificación principal para frear o seu deterioro propoñen a rehabilitación integral do conxunto para darlle un uso público.
RIBEIRA> Recolte Servizos e Medio Ambiente asumirá o servizo de limpeza e recollida de lixo de Ribeira. Así o determinou o Tribunal Supremo ó desestimar o recurso presentado pola anterior adxudicataria, Urbaser.
RIBEIRA> Inaugurada oficialmente a cuarta Feira da Educación de Ribeira que se desenvolverá ata o domingo. Unha trintena de expositores, instalados no auditorio municipal, amosan toda a oferta educativa do municipio.
LOUSAME> A cita será no campo de fútbol de Cabanetán, en Lesende, esta próxima fin de semana, o domingo 30 de abril e o luns 1 de maio.
HomeMostrando artigos por etiqueta: Barbanza Top of Page

Síguenos en facebook