• Facebook
  • Twitter
  • Rss
  • Plus
CANAL RÍAS BAIXAS
BOIRO> Dende a formación consideran que se trata dun claro atentado ecolóxico, xa que se está a producir unha tala indiscriminada de árbores autóctonas que se atopan neste bosque de ribeira. A pesar de non estar en contra da actuación, dende Boiro Novo consideran que as formas nas que se están a desenvolver as obras non son as correctas, de aí que esixan a súa paralización. Para Boiro Novo resulta tamén bastante curioso que no momento no que se está a desenvolver esta importante actuación de carácter medioambiental, se faga público o anuncio da marcha do edil de Medio Ambiente.
Martes, 01 Agosto 2017 17:01

Sergio García ten xa sucesor en Barbanza

RIANXO> Daniel Varela, un rianxeiro de tan só dez anos, actual Campión Galego en categoría benxamín, está a impresionar a moitos dos amantes deste deporte. Que mellor carta de presentación para este rianxeiro, que con tan só dez anos, é unha das grandes promesas deste deporte, non só a nivel autonómico senón tamén nacional. A pesar da súa curta idade, Daniel xa compite por toda España en torneos de adultos, onde non deixa de impresionar, chegando mesmo a brillar a gran altura e a pelexar pola vitoria con xogadores de maior traxectoria e experiencia. Aínda así os seus comezos cos paus son aínda recentes e déronse máis ben por casualidade. Dende aquela Daniel adestra con maior asiduidade varias horas á semana, tanto nas instalacións do club de Golf de Boiro de Pitch & Putt como tamén nas do Club Val de Rois, equipos cos que ademais compite regularmente. Para el non é nada sacrificado. Todo o contrario. As xornadas de adestramento e as propias competicións disfrútaas coma se dun xogo se tratara.. e ahí pode estar a clave do seu éxito. Os seus adestradores falan del maravillas, destacando por riba de todo as súas ganas de aprender e o seu xogo co putt. Sen obsesionarse, Daniel aspira a converterse nun xogador profesional e chegar algún día a poder disputar algún dos prestixiosos torneos que agora segue pola televisión. O tempo o dirá…
RIBEIRA> A actividade desenvolverase durante os domingos de agosto nos catro concellos que integran a Mancomunidade. Un total de trece grupos de rexistros variados integran o cartel da segunda edición dos Vermús Musicais de Arousa Norte que esta mañá foi presentada en Ribeira. Unha iniciativa promovida pola propia Mancomunidade e organizada pola empresa A Pousada Producións. Desenvolverase tódolos domingos de agosto, incluíndo ademais as dúas primeiras fins de semana de setembro. Dende a Mancomunidade destacaron a importancia desta iniciativa, acollida con gran resposta o pasado ano, que busca a promoción dos artistas locais e a dinamización dos sector turístico. Os vermús musicais darán comezo xa este próximo domingo, con catro actuacións previstas á unha da tarde, en cada un dos concellos que integran Arousa Norte. Entre os músicos participantes na presente edición figuran Mr Cool e Tom Risco, Transilvanias, Juan Zelada, Davide Salvado ou Sonia Lebedynski. Artista esta último que para abrir boca xa nos ofreceu case en exclusiva un pequeno aperitivo da que será a súa actuación.
RIANXO> A cita, organizada polo Club de Remo Rianxo en colaboración co propio Concello, desenvolverase como é tradición nunha carpa instalada para a ocasión no Campo de Arriba. A Festa de Exaltación do Mexillón de Rianxo chega este ano á súa oitava edición. Organizada polo Club de Remo Rianxo, en colaboración co propio Concello, a cita , hoxe en día un dos referentes gastronómicos da comarca do Barbanza, terá lugar esta vindeira fin de semana, os días 5 e 6 de agosto na alameda, no Campo de Arriba. Este ano serán un total de sete receitas as que se elaborarán. Todas as recetas estarán realizadas co mellor produto da nosa Ría, neste caso o mexillón, que cumpre cos máis estritos controis de calidade, para darlle ó consumidor as máximas garantías posibles, prevéndose repartir unhas tres mil racións. O alcalde, Adolfo Muíños, destacou a importancia da cita que organiza cada ano o Club de Remo, que serve, ademais de exaltar un dos produtos típicos da localidade, para recadar fondos para a entidade. A cita gastronómica incluirá ademais da degustación un gran número de actividades paralelas como son bautizos de mar en motos acuáticas totalmente gratuítos, diversas actuacións musicais e ata un parque de inchables para os máis pequenos.
RIBEIRA> A firma, que foi a que resultou adxudicataria do concurso, asumirá a xestión do servizo de limpeza viaria no municipio por un período de doce anos. Xa hai data. O próximo 1 de setembro e por un período de doce anos, Recolte, Servizos e Medio Ambiente, firma que resultou adxudicataria da xestión do servizo de limpeza viaria no municipio, ten previsto iniciar o seu traballo. Fontes do executivo indicaron que o servizo irá implantándose progresivamente ó longo de seis meses, pasando do sistema de recollida actual a un novo modelo que incorpora a carga lateral nos camións e unha nova contenerización. A oferta presentada por Recolte, que ó final foi a mellor valorada no concurso, prevé tamén unha maior limpeza en parroquias, praias e paseos marítimos. A este respecto, cómpre sinalar que se inclúen dous tractores limpapraias que fóra da tempada de verán poderán ser empregados para favorecer os desbroces nas parroquias, ademais de incrementarse tanto a potencia como o número de barredoras. A firma xa presta os seus servizos en concellos como os de Marín e Padrón.
BOIRO> A actuación está incluída nas obras de saneamento que está a levar a cabo Augas de Galicia. Atendendo a unha queixa formulada polos propios veciños da zona e da que tiveron coñecemento tamén a través do grupo municipal de Boiro Novo, En Marea reclámalle a Augas de Galicia a paralización inmediata da tala indiscriminada de árbores de ribeira que se está a realizar na contorna do río Breiro con motivo das obras de mellora no colector do río. Para a fomación nacionalista trátase dun grave atentado medioambiental que está a ser realizada co visto e prace do Concello e da propia Xunta de Galicia. Para Antón Sánchez este tipo de accións requiren dun estudo previo das árbores, priorizando o interese medioambiental. Dende En Marea consideran que estas talas agresivas e indiscriminadas poderían entrar en conflito coa lei de conservación e regulación de ribeiras, polo que insta á Xunta a proceder con criterio técnico e cunha planificación que teñan en conta a erosión que estas cortas poden causar nos leitos dos ríos.
BOIRO> Xa hai un detido como presunto autor do crime e todo apunta a un posible axuste de contas. A tranquilidade habitual de Triñáns, unha aldea da parroquia boirense de Abanqueiro, veuse esta mañá alterada, nada máis coñecerse a nova da tráxica morte de Carmen Dieste, coñecida no lugar como Carmucha, de 66 anos de idade. O seu corpo foi atopado no interior da súa casa, ó parecer con varias coiteladas. Foi o propio presunto autor do crime, un veciño da localidade, con iniciais S.V.P. de 38 anos o que alertou ó 112 do acontecido. Ata o lugar desprazáronse varias patrullas da Garda Civil que localizaron no exterior da casa a este individuo, que portaba unha mochila. No rexistro da bolsa os axentes atoparon unha camisa chea de sangue e un coitelo, polo que procederon á súa detención. Fontes do propio Instituto Armado descartaron que se tratase dun crime pasional. Todo apunta a un posible axuste de contas como causa máis probable da morte.
BOIRO> Segundo os nacionalistas a falla de subministro está a obrigar ós veciños a ter que recorrer a camións cisterna para poder abastecerse. Dende o BNG lamentan a situación que padecen os veciños da parroquia de Bealo a consecuencia dos problemas de abastecemento de auga. Trátase dun problema de vello que afecta a unas dúas mil persoas. Segundo eles o goberno bipartito deixou encamiñado un proxecto para acometer o subministro de auga a esta parroquia. Pero dende aquela e xa van varios anos diso a actuación segue paralizada. Para os nacionalistas non se entende que un goberno municipal poida presumir de ter cartos no banco, froito dunha presunta boa xestión económica, cando os veciños non disponen deste importante servizo básico. Dende o equipo de goberno aluden a que xa traballan nun novo proxecto para extender o abastecemento de auga a esta parroquia que pasaría pola instalación dun tanque de acumulación xunto ó existente en Cespón, que permitiría satisfacer as necesidades dos veciños de Bealo.
BARBANZA> A comarca do Barbanza contará con catro obradoiros de emprego que ofertarán setenta prazas formativas. Para o seu desenvolvemento, a Consellería de Economía achegará máis de oitocentos mil euros.
O BNG de Boiro demanda a mellora do servizo de limpeza viaria. Denuncian que tralas festas non se realizaron as tarefas de hixiene necesarias polo que as rúas presentan lixo e, nalgúns treitos, malos olores.
BARBANZA> A Deputación da Coruña será a primeira en implantar a xestión directa dos parques de bombeiros. Así o anunciou o presidente provincial, Valentín González Formoso, trala reunión mantida co seu homólogo en Lugo, Darío Campos, o deputado na Deputación de Pontevedra, Carlos López Font, e o vicepresidente da Xunta, Alfonso Rueda.
HomeMostrando artigos por etiqueta: Barbanza Top of Page

Síguenos en facebook