• Facebook
  • Twitter
  • Rss
  • Plus
CANAL RÍAS BAIXAS
BOIRO> O actual técnico Fredi Álvarez vén de comunicarlle á directiva a súa intención de non continuar a vindeira tempada á fronte do equipo. Despois de acadar a permanencia para os boirenses no ano do debut do Club en 2ª B, o preparador de Moaña decidiu poñer punto e final ó seu ciclo cos de Barraña. A directiva boirense céntrase agora na busca dun novo técnico. Varias son as alternativas que, en principio, se barallan para facerse cargo do banquiño ‘blanco’. Unha das que con maior forza soan é a de José Luís Lemos. O adestrador do ascenso do Club á categoría de bronce do fútbol nacional. Pero polo de agora non hai nada confirmado. A figura do novo técnico antóllase vital para a confección do plantel de cara ó vindeiro ano.
RIBEIRA> O executivo ribeirense informou da adxudicación provisional da reordenación e mellora do parque de Pedra Pateira. Das 28 ofertas presentadas a concurso, a actuación recaeu na firma Jardincelas, S.L., por un importe de máis de 25 mil euros, IVE incluído. O proxecto, que será financiado ó cento por cento cunha axuda da Deputación da Coruña, prevé mellorar as condicións de acceso ó parque infantil, así como reorganizar a distribución dos xogos e dotalo dun novo pavimento para reforzar a súa seguridade. Tamén está previsto a plantación de máis árbores ornamentais nas zonas máis próximas á area de xogo coa finalidade de dotar o espazo de máis zonas de sombra.
Os escolares de terceiro da ESO de tódolos centros educativos asistiron esta mañá a unha charla sobre o cánnabis. Manuel Isorna., profesor universitario e técnico do plan de prevención do concello de Catoira, expuxo ós rapaces os riscos derivados do consumo desta droga.
POBRA> A Pobra acollerá esta fin de semana unha feira ecolóxica e animalista. Unha vintena de postos instalaranse nos xardíns Valle-Inclán para presentar os seus produtos, elaborados con materiais estritamente ecolóxicos. Xunto a eles, varias protectoras de animais darán a coñecer o seu labor.
RIBEIRA> A proba, que se desenvolverá o próximo 11 de xuño, discorrerá ó longo da estrada AC-305 polos concellos de Ribeira, a Pobra do Caramiñal e Boiro. Tomando como exemplo outras probas de características semellantes na nosa comunidade, como poden ser a Vig-Bay, hoxe un referente mesmo a nivel nacional, a ‘15K Arousa Norte’ vén para quedarse. Está integrada nunha iniciativa denominada 15 Series Mediolanum que alberga tres carreiras máis, unha por provincia: a de Ourense disputada hai dúas semanas, a de Oia-A Guarda e a de Foz-Burela. Dende Arousa Norte, entidade que colabora na organización da carreira, vese con bos ollos a realización desta proba, xa que ademais do aspecto puramente deportivo, será unha oportunidade máis de dar a coñecer esta comarca. A carreira tamén terá unha vertente solidaria, ó poñerse á venda unha pulseiras conmemorativas cuxa recadacion irá destinada a ONG’s locais. Dende a organización agardan unha participación próxima ós 500 corredores. Os interesados en participar na carreira aínda están a tempo de inscribirse. O prazo remata o próximo mércores na páxina www.championchipnorte.com.
SANTIAGO> O acto de entrega do galardón asistiu o presidente da Xunta, Alberto Núñez Feijoo. Unha ampla representación do eido sanitario, político e social deuse cita onte pola noite en Santiago no Hostal Parador na entrega da sexta edición do Premio Internacional de Investigación Oncolóxica, Ramiro Carregal. Un galardón que este ano recaeu no doutor, luís Paz-Ares Rodríguez, xefe de servizo de Oncoloxía Médica no Hospital Universitario Doce de Octubre en Madrid. O acto contou ademais coa presenza do presidente da Xunta, Alberto Núñez Feijoo, quen conxuntamente co empresario, Ramiro Carregal, que co seu mecenazgo fai posible este importante premio de divulgación científica, foron os encargados de entregar o galardón. No seu discurso de agradecemento o premiado, especialista ademais en cancro de pulmón, fixo alusión a que esta enfermidade é hoxe un importante problema de saúde pública en todo o mundo, cuxa incidencia, segundo el, medrará máis nas próximas décadas. O presidente da Xunta foi o encargado de clausurar o acto. Na súa intervención puxo de manifiesto o apoio do Gobierno Galego a toda a comunidade científica e a tódolos profesionis que traballan cada día para lograr unha vida mellor para todos.
BOIRO> Transcorridos tan só uns meses da finalización das obras para dotar de beirarrúas a zona de Vilariño, o BNG de Boiro denuncia a falla de medidas de seguridade. Solicitan a dotación de pasos de peóns e a instalación de elementos de separación nos treitos máis perigosos.
RIBEIRA> Este mércores, 31 de maio conmemorouse o Día Mundial Sen Tabaco. Unha data na que cabe lembrar a importancia das campañas de concienciación para reducir os hábitos tóxicos. A asociación Renacer saíu á rúa en Ribeira para informar á cidadanía dos graves prexuízos que supón para a saúde o tabaquismo.
BOIRO> A plataforma en Defensa do ensino Público do Barbanza volveu elixir Boiro para manifestarse en contra das reválidas de primaria. Desta volta, expresaron o seu rexeitamento ás probas que hoxe e mañá realizan os alumnos de terceiro.
BARBANZA> Galicia promocionará a súa oferta náutica en seis feiras internacionais ó longo deste 2017. A Consellería do Mar, en colaboración con turtismo de Galicia, lidera esta estratexia conxunta de promoción na que se engloban non só os portos de titularidade autonómcia senón tamén estatal.
RIBEIRA> Co inicio de xuño, Ribeira converterase nun fervedoiro cultural. Máis dun cento de actividades compoñen o programa do Xuño da Cultura e das Artes no que participa activamente o tecido asociativo do municipio.
RIBEIRA> Ribeira acollerá entre o trinta e un de xullo e o catro de agosto o Campus de Verán da Fundación Celta. Os nenos, de entre catro e dezaseis anos, aprenderán da man dos adestradores do club non só técnicas deportivas senón tódolos valores que conleva.
HomeMostrando artigos por etiqueta: Barbanza Top of Page

Síguenos en facebook