• Facebook
  • Twitter
  • Rss
  • Plus
CANAL RÍAS BAIXAS
BOIRO> Outras das citas incluídas na programación da mancomunidade será aGrand Pavois de La Rochelle. Así o acordaron esta mañá en pleno os representantes dos catro concellos que integran a Mancomunidade. Un dos asuntos abordados na sesión foi precisamente aprobar a programación da entidade para os vindeiros meses. Por segundo ano consecutivo arousa Norte volverá a estar presente na Feira de Turismo Internacional de Xapón, JATA 2017, que se desenvolverá do 21 ó 24 deste mes de setembro. Alí os técnicos de Arousa Norte que se despracen ó país nipón manterán intensas reunións de traballo con touroperadores e axentes especializados no ámbito turístico interesados na oferta de ocio, paisaxística e de natureza desta comarca. Ademais, durante este mes de setembro, a Mancomunidade tamén participará en La Rochelle na feira náutica Grand Pavois. Precisamente, neste encontro no que se dan cita navegantes e amantes da náutica de toda Europa, Arousa Norte informará sobre o seu roteiro náutico e tamén presentará un novo material con información especifica sobre as características e servizos dos cinco portos náuticos emprazados nos catro concellos que integran a Mancomunidade. Na sesión tamén se acordou iniciar os traballos para o desbroce e acondicionamento do novo sendeiro polo litoral de Arousa Norte que percorrerá a fachada atlántica dos catro concellos e fíxose unha valoración do número de visitantes que se achegaron ata a comarca nesta datas. Á espera dos datos definitivos que acheguen as oficinas de turismo dos catro concellos, todo parece indicar que as estatísticas foron satisfactorias e se rexistrou un notable incremento de consultas turísticas en Arousa Norte durante este verán. Tamén valoraron moi positivamente eventos coma os Vermús Musicais ou o Circuíto de Carreiras Populares 4 Carreiras e 1 Meta que serviron de elementos de atracción e de ocio para os visitantes que optaron por esta zona.
BOIRO> O Club agarda poder repetir a exitosa campaña do ano pasado na que estivo a piques de acadar o ascenso á Superliga 1 Masculina. Despois de vivir o pasado ano unha das tempadas máis gloriosas da súa recente historia, quedándose a un só paso do ascenso á máxima categoría do voleibol nacional, o Boiro Voleibol dá xa por pechado o seu plantel de cara a presente tempada, na que volverá a militar na Superliga 2 Masculina. O equipo xa iniciou os adestramentos, coa continuidade da maioría do plantel do ano pasado, co que confían repetir ós exitos da campaña anterior. Aínda que saben que será complicado. O Club xa pechou a continuidade de dous dos xogadores Pablo Redondo e Kevin Medina. O primeiro un xoven valor da magnífica canteira boirense e o segundo un receptor canario que lle aporta un salto de calidade ó equipo O acto foi aproveitado para presentar ós que serán os novos ‘sponsors’ do Club. A firma local Rotogal e o propio Concello, que este ano volverá a facer un gran esforzo na axuda que lle presta ó equipo.
BOIRO> A formación pide que sexan destinadas a garantir o dereito a unha vivenda digna ás persoas con menos recursos do Concello. Boiro novo presentou unha proposta ó vindeiro pleno solicitando a rehabilitación das antigas vivendas dos mestres, situadas na zona de Praia Xardín, hoxe inutilizadas e nun estado lamentable de conservación. Para levar a cabo o seu adecentamento, dende a formación apuntan a que o Concello pode acollerse a unha liña de axudas da Xunta para este fin. Unha vez rehabilitadas, as vivendas poderían ser destinadas a garantir o dereito a unha vivenda digna ás persoas con menos recursos do Concello.
BOIRO> Boiro Novo homenaxeará a Antonio Seoane co gallo do Día da Galiza Mártir. Será o venres día 18 nun acto que contará coa participación de destacados persoeiros da política e da cultura galegas.
BOIRO> Ó igual que fixeran outros grupos da oposición, Iniciativa Cidadá de Boiro oponse ó proxecto de saneamento que se está a levar a cabo no río Breiro. Cualifícano de despilfarro e de atentado ecolóxico posto que supuxo a tala de numerosas árbores autóctonas.
BOIRO> A Xunta de Galicia colabora coa Federación Galega de Ciclismo no reparto de cortaventos reflectantes destinados a garantir a visibilidade dos deportistas nas estradas e a aumentar así a súa seguridade. A conselleira de Infraestruturas e Vivenda, Ethel Vázquez, realizou esta mañá en Boiro a entrega destas prendas.
BOIRO> O BNG de Boiro demanda a mellora dos accesos á praia de Barraña na zona de Rebordelo. Piden que se limpe a maleza e se acondicione o vello peirao posto que o actual estado de deterioro supón un risco para os usuarios da praia.
BOIRO> O rexedor boirense gabou o labor realizado polos traballadores municipais durante as pasadas festas. As críticas vertidas dende o BNG referidas á falla de limpeza das rúas e o deficiente servizo de recollida de lixo, especialmente durante as pasadas festas do verán, non foron ben recibidas no executivo, ó considerar que non se axustaban á realidade. Tanto o alcalde, Xoán Xosé Dieste, coma o coordinador de Servizos, Nacho Pérez, negaron tales críticas, afirmando que si se realizou un bo traballo, reforzando e mesmo incrementado considerablemente o servizo prestado. Dende o Concello apuntouse a que se trata dunhas críticas inxustas e desafortunadas por parte do BNG, que provocaron un gran malestar nos propios traballadores municipais. O alcalde aproveitou tamén a ocasión para agradecer precisamente o traballo que realizan os operarios municipais. Un traballo que en numerosas ocasións non é recoñecido.
BOIRO> Para os nacionalistas o envellecemento da poboación fai cada vez máis necesario este servizo. Dende o BNG sinalan que cando tiñan responsabilidades de goberno remataron o actual centro de día, dando ademais os primeiros pasos para a consecución da residencia para a localidade. Pasos que coa entrada do Partido Popular na Alcaldia paralizáronse.
BOIRO> Dieste negou que se producira unha tala de árbores indiscriminada e segundo el a actuación porá fin a numerosos focos de vertidos urbanos. Sen querer entrar en polémicas, o alcalde aludiu á enorme importancia desta actuación amplamente demandada, cun presuposto que supera os dous millóns de euros. Segundo el, con ela ponse fin a un problema de numerosos focos de vertidos urbanos que van parar ó mar, corrixindo eivas existentes na rede xeral realizadas por goberno anteriores. Por esta razón non entende a polémica que está a suscitar a obra, principalmente por parte dalgúns grupos da oposición, ó considerar que se trataba dun atentado ecolóxico, coa tala indiscriminada de árbores autóctonas que se atopan neste bosque de ribeira. O alcalde referiuse tamén ó que significará no futuro este proxecto que leva aparellado a construción dun espazo verde, que incluirá unha pasarela de madeira, un pequeno merendeiro e unha senda peonil ata a praia de Barraña. A actuación súmase as numerosas obras realizadas nos últimos anos en materia de saneamento achegados tanto con fondos propios coma procedentes doutras Administracións, cun investimento próximo ós dez millóns de euros, de cara a renovar a obsoleta rede xeral.
RIBEIRA> Está acusado dun delito de homicidio ou asasinato. Transcorridas apenas 48 horas dende a súa detención, Samuel V.P., de 38 anos e veciño de Boiro, pasaba esta mañá, ó redor das once e cuarto a disposición xudicial no Xulgado Número 2 de Ribeira. Entraba pola cocheira dentro dun vehículo policial. Para el a xuíza que leva o caso decretou o seu ingreso en prisión provisional e sen fianza por un delito de homicidio ou asasinato. O seu arresto producíase xa na madrugada do pasado luns, na propia vivenda da vítima en Triñáns. No interior da mochila que levaba, os axentes atoparon unha camiseta chea de sangue e un coitelo, co que ó parecer atacou á sesaxenaria. Fontes do propio Instituto Armado informaron de que se trata dun vello coñecido das forzas da orde fundamentalmente por tráfico e consumo de estupefacientes, así como tamén pola súa actividade coma furtivo.
BOIRO> O alcalde, Xoán Xosé Dieste, procedía á súa inauguración oficial despois das obras levadas a cabo nos últimos meses e que supuxeron, entre outras actuacións, a instalación de céspede artificial de última xeración. Un número importante de veciños asistiron onte pola tarde á inauguración oficial do campo de fútbol de Valiño en Cabo de Cruz despois das obras levadas a cabo. Foi unha actuación integral, que supuxo ademais da instalación de céspede artificial de última xeración, unha renovación case total das instalacións incluíndo melloras nas casetas, nas gradas e tamén no alumeado. En total máis de 320 mil euros asumidos con fondos municipais. Segundo o alcalde a actuación permitirá favorecer principalmente ó deporte base local, seguindo na liña do traballo realizado polo equipo de goberno nestes últimos anos de ir mellorando as instalacións deportivas municipais. Xa no propio terreo de xogo, acompañado de moitos xogadores da escola municipal, o alcalde puido comprobar o resultado das obras, dándolle os primeiros toques ó balón sobre o novo terreo de xogo.
HomeMostrando artigos por etiqueta: Boiro Top of Page

Síguenos en facebook