• Facebook
  • Twitter
  • Rss
  • Plus
CANAL RÍAS BAIXAS  :: Información local
RIBEIRA> Entre o 13 e o 15 de maio Ribeira converterase en sede de numerosos actos culturais que compoñen o cartel da Feira da Educación.
RIBEIRA> O certame de fotografía promovido dende a Concellería de Igualdade a través do CIM amplía o seu prazo de participación, de tal xeito que os interesados en presentar os seus traballos poderán facelo ata o día 16 de maio.
Mércores, 30 Abril 2014 13:42

Rianxo homenaxeará os falecidos no mar

RIANXO> Como xa é tradición cada un de maio, o pobo de Rianxo homenaxeará ós falecidos no mar.
POBRA> A ampla oferta turística da Pobra durante esta Semana Santa incorpora un atractivo máis coa incorporación da banda de música municipal ás procesións. Os músicos estrearán uniformes e instrumentos para acompañar un total de sete procesións e actos litúrxicos durante o xoves e o venres santo.
RIBEIRA> Todo listo en Ribeira para acoller as celebracións da Semana Santa que arrancarán este domingo coa Bendición de Ramos. Un dos actos centrais será a Procesión de Xesús no Horto das Oliveiras organizada pola confraría da Paso que supera xa os cento vinte cofrades.
RIBEIRA> O departamento de Cultura organiza por sétimo ano consecutivo a súa mostra de monicreques ‘Titiritando de emoción’. Durante tódolos sábados do mes de abril celebraranse funcións no auditorio municipal dirixidas principalmente ó público infantil.
NOIA> A vila noiesa acollerá a segunda edición do festival de Monicreques ‘Titirinoia’ entre o 11 e o 13 de xullo. Malia que a organización non desvelou aínda o cartel de compañías, si adiantou que contarán con grupos de toda España e mesmo de Portugal.
PONTEVEDRA> Pontevedra ultima os preparativos para o Salón do Libro Infantil e Xuvenil. A gran cita da capital coa lectura cumpre 15 anos e, co lema “Cociñando contos”, xa conta con máis de 8 mil nenos e nenas inscritos para participar nalgunha das diferentes actividades que propón.
Publicado en PONTEVEDRA
VILAGARCÍA> Será o sábado quince de marzo no Auditorio Municipal. Dorothy, Espanta, o home de hoxalata e León ofrecerán unha tarde de música, maxia e moitas sorpresas para recrear este clásico do cine. As entradas, xa están á venda.
Publicado en CULTURA
Mércores, 26 Febreiro 2014 18:21

Manuel Gago presenta en Noia 'Vento e chuvia'

NOIA> O vindeiro venres, 28 de febreiro, ás nove da noite, terá lugar na Casa da Cultura Antón Avilés de Taramancos, o acto de presentación do Vento e chuvia de Manuel Gago publicado en edicións Xerais. No acto, que está organizado pola asociación cultural A Lanzadeira de Alcor, os asistentes poderán achegarse un pouco máis á obra deste autor que xira ó redor do fascinante mundo da Idade do Ferro, no que se mesturan os mitos da antiga Gallaecia.
Publicado en CULTURA
A COURUÑA> A Biblioteca da Deputación da Coruña inicia este venres as súas actividades de primavera cun obradoiro para nenos de todas as idades sobre o Carnaval. Esta sesión, que será gratuíta, celebrarase no vestíbulo da propia biblioteca entre as seis e as oito da tarde. A seguinte cita será o 21 de marzo para celebrar a chegada da 'Primavera'. Ademais, o 2 de abril haberá outra actividade dedicada ao Día Internacional do Libro Infantil e Xuvenil, e o 23 para o Día do Libro. Por último, o 16 de maio, o centro celebrará o Día das Letras Galegas. Ademais este centro, dependente da Deputación, organiza tamén cursos reservados para os socios da biblioteca. Entre eles destaca o de 'scrapbooking' ou a técnica de decorar álbums de fotos e cadernos con recortes. Este seminario, dirixido a nenos de entre 7 e 14 anos, celebrarase os sábados do 15 de marzo ó 26 de abril na sala Manuel López. Tamén os sábados 1 e 8 de marzo porase en marcha a actividade 'Crea o teu conto' dirixida a pequenos de entre 7 e 12 anos; e o 8 de marzo, con motivo do Día da Muller Traballadora, ofrecerase outra sesión no vestíbulo da biblioteca baixo o nome de 'Da igual? Igual non da. Para estas actividades requírese inscrición previa na Biblioteca en horario de dez e media a unha e media polas mañás e de cinco a oito e media polas tardes.
Publicado en CULTURA
BOIROa A Asociación Cultural e Etnográfica O Faiado 2 botou o peche tras anos traballando en prol da recuperación do patrimonio e da cultura barbanzá.
HomeMostrando artigos por etiqueta: Cultura Top of Page

Síguenos en facebook