• Facebook
  • Twitter
  • Rss
  • Plus
CANAL RÍAS BAIXAS
PONTEVEDRA> Pontevedra ultima os preparativos para o Salón do Libro Infantil e Xuvenil. A gran cita da capital coa lectura cumpre 15 anos e, co lema “Cociñando contos”, xa conta con máis de 8 mil nenos e nenas inscritos para participar nalgunha das diferentes actividades que propón.
Publicado en PONTEVEDRA
VILAGARCÍA> Será o sábado quince de marzo no Auditorio Municipal. Dorothy, Espanta, o home de hoxalata e León ofrecerán unha tarde de música, maxia e moitas sorpresas para recrear este clásico do cine. As entradas, xa están á venda.
Publicado en CULTURA
Mércores, 26 Febreiro 2014 18:21

Manuel Gago presenta en Noia 'Vento e chuvia'

NOIA> O vindeiro venres, 28 de febreiro, ás nove da noite, terá lugar na Casa da Cultura Antón Avilés de Taramancos, o acto de presentación do Vento e chuvia de Manuel Gago publicado en edicións Xerais. No acto, que está organizado pola asociación cultural A Lanzadeira de Alcor, os asistentes poderán achegarse un pouco máis á obra deste autor que xira ó redor do fascinante mundo da Idade do Ferro, no que se mesturan os mitos da antiga Gallaecia.
Publicado en CULTURA
A COURUÑA> A Biblioteca da Deputación da Coruña inicia este venres as súas actividades de primavera cun obradoiro para nenos de todas as idades sobre o Carnaval. Esta sesión, que será gratuíta, celebrarase no vestíbulo da propia biblioteca entre as seis e as oito da tarde. A seguinte cita será o 21 de marzo para celebrar a chegada da 'Primavera'. Ademais, o 2 de abril haberá outra actividade dedicada ao Día Internacional do Libro Infantil e Xuvenil, e o 23 para o Día do Libro. Por último, o 16 de maio, o centro celebrará o Día das Letras Galegas. Ademais este centro, dependente da Deputación, organiza tamén cursos reservados para os socios da biblioteca. Entre eles destaca o de 'scrapbooking' ou a técnica de decorar álbums de fotos e cadernos con recortes. Este seminario, dirixido a nenos de entre 7 e 14 anos, celebrarase os sábados do 15 de marzo ó 26 de abril na sala Manuel López. Tamén os sábados 1 e 8 de marzo porase en marcha a actividade 'Crea o teu conto' dirixida a pequenos de entre 7 e 12 anos; e o 8 de marzo, con motivo do Día da Muller Traballadora, ofrecerase outra sesión no vestíbulo da biblioteca baixo o nome de 'Da igual? Igual non da. Para estas actividades requírese inscrición previa na Biblioteca en horario de dez e media a unha e media polas mañás e de cinco a oito e media polas tardes.
Publicado en CULTURA
BOIROa A Asociación Cultural e Etnográfica O Faiado 2 botou o peche tras anos traballando en prol da recuperación do patrimonio e da cultura barbanzá.
RIBEIRA> O festival de murgas volverá ser un dos actos centrais das celebración de entroido en Ribeira que este ano veñen cargadas de actividades para nenos e adultos.
POBRA> O Museo Valle-Inclán da Pobra recibiu máis de oito mil visitas ó longo de 2013. A cifra mantén a media de anos anteriores xa que, se ben se reduciu lixeiramente, o descenso estivo motivado polo peche de máis de dous meses para mellorar as instalacións.
RIBEIRA> A sala de exposicións do Centro Cultural Lustres Rivas vai exhibir a partir deste venres, día 7 de febreiro, unha Mostra Fotográfica de Arquitectura Contemporánea. Na iniciativa que, está organizada polo Concello de Riveira e a empresa aMMCestudio, que dirixe o arquitecto Miguel Martínez Castro, amosaranse en formato cartón pluma as 28 fotografías participantes no I Concurso de Fotografía de Arquitectura Contemporánea.O acto servirá tamén para desvelar o gañador do certame e máis os dous accesit seleccionados. A inauguración da exposisión está prevista para as oito e media da tarde e estará presidida polo alcalde, Manuel Ruiz. A mostra estará aberta ata o 8 de marzo.
Publicado en CULTURA
Luns, 03 Febreiro 2014 18:22

Vinte e un días falando galego

POBRA> O IES da Pobra volve poñer en marcha por segundo ano a súa campaña de fomento do uso do galego. Baixo o título ‘Vinte e un días co galego’ desenvolveranse diversas actividades que implican non só ós escolares, senón tamén profesores, pais e axentes sociais de todo o concello.
NOIA> O concello vén de convocar unha nova edición do certame literario de relato de aventuras ‘Antón Avilés de Taramancos’ que este ano chega a súa décimo terceira edición. Os interesados en participar neste concurso, organizado pola Casa da Gramática do IES Virxe do Mar, en colaboración coa Deputación da Coruña, poderán presentar as súas obras ata o 11 de abril. Con este premio preténdese promover o relato de aventuras en galego ó mesmo tempo que se homenaxea a figura de Avilés de Taramancos. As bases establecen un único gañador, que recibirá un premio de tres mil euros e unha escultura conmemorativa realizada en exclusiva polo artista Alfonso Costa, así como a publicación da obra. Nas bases recóllese tamén que as obras presentadas a concurso deberán ter unha extensión de entre 70 mil e cen mil caracteres, ser inéditas e estar escritas en galego. O fallo do xurado coñecerase o 16 de maio.
Publicado en CULTURA
BARBANZA> A través dunha iniciativa que presentarán na totalidade de concellos da comarca, o BNG da Barbanza pedirá a realización de actividades que difundan a obra e o compromiso vital da escritora padronesa.
RIBEIRA> A acción realizada polo executivo ribeirense enmárcase no plan de recuperación das fontes e lavadoiros municipais. Trátase do antigo lavadoiro do río de Arxinde, na parroquia de Carreira, con máis de vinte anos de antiguidade e que se atopaba dende hai anos abandonado. Foi o interese dos propios veciños en recuperar este elemento patrimonial o que resultou esencial á hora de que o Concello tomase a decisión de tratar de localizalo e desbrozalo e limpalo: unha tarefa que lle foi encomendada á brigada municipal de xardinería.A intención do goberno local pasa por poñelo en valor a través dalgunha actuación de restauración, tal como se ten feito xa en numerosos elementos do municipio como é o caso de Fondevila, Martín, A Nogueira ou a fonte en Corrubedo. Ademais, o tránsito por este enclave será incluído no itinerario da ruta de sendeirismo circular de Carreira no que se está a traballar, e que pasará tamén por outros lugares atractivos desta parroquia, como o lavadoiro de Pedrín, a capela de San Roque, a lagoa de Carregal ou o miradoiro de Pedra da Ra, entre outros.
HomeMostrando artigos por etiqueta: Cultura Top of Page

Síguenos en facebook