• Facebook
  • Twitter
  • Rss
  • Plus
CANAL RÍAS BAIXAS  :: Información local
SANXENXO> O portavoz do grupo municipal, do Partido Popular en Sanxenxo, Telmo Martín, convocou na mañá deste luns os medios de comunicación pra expresar o seu malestar ante o comunicado emitido polo concello, suspendendo a Festa da Raia de Portonovo, que se ía desenrolar nos vindeiros días. 
Publicado en SALNÉS - CALDAS
RIANXO> Rianxo acollerá este venres a estrea de ‘Escenas de Familia’, unha obra que constitúe o resultado final do obradoiro de expresión teatral desenvolvido no municipio durante os últimos meses. Usuarios da aula ocupacional municipal e persoas sen discapacidade comparten espazo neste proxecto inclusivo que ten a arte como motor principal.
RIBEIRA> Unha vintena de bailaríns subiranse este domingo ó escenario no festival de Aires de Dorna de Ribeira. Os asistentes poderán desfrutar das últimas coreografías deste mítico grupo ribeirense que conta xa con máis de trinta décadas de traxectoria ás súas costas.
PORTO DO SON> Aqueles veciños que queiran participar nos concursos de disfraces, tanto no infantil como de adultos, xa poden realizar as inscricións na biblioteca municipal. Precisamente o concurso infantil no que se elixirán o rei e a raíña do entroido será o encargado de inaugurar o carnaval sonense.
RIANXO> No cento trinta aniversario do nacemento de Castelao, o concello de Rianxo deseñou un amplo programa de actividades para homenaxear ó autor. Teatro, literatura e música conxúganse neste compendio cultural que terá a súa máxima expresión coa ofrenda floral ante o busto do escritor.
RIBEIRA> O BNG de Ribeira solicita que se habilite unha sala de usos múltiples no museo municipal para acoller exposicións temporais e diversos actos culturais. Propoñen ademais, a iniciativa dos artistas locais, a creación dunha comisión cultural que se reúna de carácter trimestral.
NOIA> Tan só unhas semanas despois da posta en marcha da venda electrónica de entradas do Coliseo Noela, os resultados non poden ser mellores. Dous terzos das reservas realízanse xa vía internet coas consecuentes comodidades para os usuarios e a eliminación das colas á entrada do teatro os días de función.
POBRA> O Valle-Inclán máis internacional protagoniza a exposición ‘Outros verbos, novas lecturas’, inaugurada esta mañá no museo da Pobra. A mostra, promovida polo Consello da Cultura Galega, é a primeira das actividades para conmemorar o cento cincuenta aniversario do nacemento do escritor.
RIBEIRA> Moitas novidades no programa de Nadal que desenvolverá o concello de Ribeira ó longo destas festas. O mercado municipal e o auditorio acollerán a maior parte das actividades aínda que os espectáculos na rúa contan tamén con moito protagonismo. Ademais tódalas parroquias contarán con programación propia.
PONTEVEDRA> Chega a 5ª edición de Augal, a Master Class do Audiovisual Galego. Dende o vindeiro martes 15 de decembro e ata o mes de abril a Facultade de Ciencias Sociais e da Comunicación proxectará os últimos filmes e operas primas dos profesionais do sector galegos acompañados dos directores e produtores das mesmas.
Publicado en PONTEVEDRA
VILAGARCÍA> Este domingo, a Banda de Música de Vilagarcía e a percusión do grupo Odayko daranse a man para dar forma a un espectáculo para toda a familia. Coa montaxe ¡Vaia banda! Encherán o auditorio dunha proposta interactiva que busca achegar a música ao público.
Publicado en CULTURA
PONTEVEDRA> A oitava edición da Feira das Industrias Culturais de Galicia, máis coñecida por Culturgal, quenta motores para o seu inicio o próximo día 4 de decembro. Hoxe presentabase no Pazo da Cultura de Pontevedra un completo programa de actividades que inclúe máis dun centenar de stands e 81 entidades expositoras.
Publicado en PONTEVEDRA
HomeMostrando artigos por etiqueta: Cultura Top of Page

Síguenos en facebook