• Facebook
  • Twitter
  • Rss
  • Plus
CANAL RÍAS BAIXAS  :: Información local
RIANXO> Rianxo segue a apostar pola posta en valor do seu patrimonio. O Castelo da Lúa conta xa con tres paneis informativos que permiten a interpretación deste vestixio. O obxectivo do concello é conseguir financiamento para acometer a segunda fase de rehabilitación da fortaleza.
RIBEIRA> Os ritmos latinos tomarán este sábado o casco urbano de Ribeira coa celebración do sexto festival Salsa na rúa. A escola de baile El Tomasón e o concello volven colaborar na organización deste evento que celebra este ano a súa edición máis internacional.
RIBEIRA> Artesanía e mar conforman a mestura perfecta que este fin de semana encherá Ribeira. A cuarta edición da Feira Artemar deparará moitas sorpresas e novidades. A principal é que a maioría das actividades desenvolveranse nas instalacións do futuro mercado municipal.
BOIRO> A Casa da Cultura de Boiro acollerá ó longo de todo este mes a exposición da artista lucense Emma Rodríguez. É a primeira vez que a pintora achega a súa obra ó Barbanza, cunha escolma de pinturas abstractas.
Luns, 13 Xullo 2015 17:58

Verán e cultura van da man na Pobra

POBRA> A Pobra conta este verán cunha ampla programación cultural enmarcada na rede de circuítos de Deputación e no programa Cultura no Camiño da Xunta de Galicia. Haberá música, baile, teatro, circo e, sobre todo, animación infantil.
BOIRO> Éxito sen precendentes do decimo segundo encontro de embarcacións tradicionais que se celebra ata o domingo en Cabo de Cruz. A participación superou as expectativas dos organizadores con cento cincuenta embarcacións procedentes non só de Galicia e Portugal senón de diversos puntos de toda Europa.
NOIA> Concello e Noia Histórica porán en marcha unha nova edición do programa Rúas Vivas que encherá a vila de actividades durante os meses de xullo e agosto. Cine, música, teatro e monólogos compoñen a programación que ofrece eventos practicamente cada día.
PORTO DO SON> O cambadés Pedro Alonso gañou o terceiro certame de carteis da Feira Celta de Porto do Son. O xurado elixiu a súa obra ‘Pedra e Musgo’ entre as seis presentadas a concurso. Ademais de converterse en imaxe da festa, o premio está dotado con trescentos euros.
PONTEVEDRA> O Memorial Ricardo Portela volve a Pontevedra os días 10 e 11 de xullo. A cita celebrará o seu dezaseis aniversario enchendo de música tradicional as rúas da cidade, para recordar o célebre gaiteiro e pór o foco sobre o noso folclore e os seus instrumentos. Este ano, o memorial terá outro nome propio, o do músico Manuel Viqueira, que tamén se homenaxeará nesta edición.
Publicado en CULTURA
RIBEIRA> O éxito da exposición sobre o naufraxio do Santa Isabel foi tal que o concello decidiu recompilar todo o material nunha publicación. A publicación, que conta co apoio da Deputación da Coruña, acompaña o arquivo fotográfico e documental con textos de diferentes expertos.
RIBEIRA> Arranca en Ribeira o xuño da Cultura e das Artes. Preto de duascentas actividades integran o programa que se desenvolverá diariamente grazas á colaboración do tecido asociativo da vila. Participan medio cento de asociacións.
CAMBADOS> Coa chegada do verán, volven “Os Xoves de Códax”. A adega cambadesa presentou esta mañá a cuarta edición deste circuíto de concertos, que apostan por encher de música e apostas diferentes un dos espazos da adega. As entradas poranse á venda na web de Martín Códax a partires do 1 de xuño.
Publicado en SALNÉS - CALDAS
HomeMostrando artigos por etiqueta: Cultura Top of Page

Síguenos en facebook