• Facebook
  • Twitter
  • Rss
  • Plus
CANAL RÍAS BAIXAS  :: Información local
PONTEVEDRA> O domingo 23 de agosto o triatlón volverá copar as rúas pontevedresas. A cidade prepárase para acoller o Triatlón Cidade de Pontevedra que con quince edicións ás súas costas xa é unha das probas máis veteranas de toda Galicia. Como particularidade, a cita non está pensada unicamente para os deportistas federados; os afeccionados tamén terán a súa oportunidade no circuíto “YO SI TRI”.
Publicado en DEPORTES
BOIRO> O areal de Barraña acollerá este próximo sábado o quinto torneo internacional de rugby-praia Vila de Boiro organizado polo Club Barbanza Rugby. A cita deportiva terá ademais nesta ocasión un fin solidario, xa que tódolos beneficios do campionato irán destinados ó banco de alimentos.
PONTEVEDRA> Este sábado Pontevedra e Real Valladolid disputarán en Pasarón o Trofeo Cidade de Pontevedra. Este encontro podería ser o único que o equipo granate xogue en casa, debido ás tarefas de mantemento do céspede que se están a realizar. Tamén será o segundo partido do conxunto de Luisito, despois de estrearse hoxe en Redondela ante o Choco.
Publicado en DEPORTES
PONTEVEDRA> O taekwondo pontevedrés tamén podería ter o seu representante en Río 2016. O deportistas do Mace Sport Xián Silva aspira a conseguir unha praza de suplente dentro do equipo español que viaxe á cita olímpica. Pero Silva non é a única promesa deste deporte que dá o club pontevedrés: tamén destacan nas súas categorías o irmán de Xián, Unai Silva, e Sara Cortegoso. Os tres foron recibidos esta mañá polo alcalde de Pontevedra e a concelleira de deportes.
Publicado en DEPORTES
RIBEIRA> Ribeira acolle este domingo unha carreira pola diversidade. A iniciativa, promovida pola asociación AMBAR, pretende fomentar o deporte inclusivo coa participación de persoas con e ser diversidade funcional. Polo momento, xa hai preto de cen corredores inscritos.
VILAGARCÍA> Recepción os irmáns Paz no concello de Vilagarcía. Os regatistas entregaron ao alcalde da vila un póster agradecendo o apoio que a administración local lles brinda para seguir adiante coa súa carreira deportiva. Esta fin de semana Carlos convertíase en campión de España da Clase de 49er, pero xa mira cara o Europeo de Porto, no que volverá a competir con Antón tres meses despois da súa baixa por unha pneumonía.
Publicado en DEPORTES
Publicado en portada
PONTEVEDRA> O Pontevedra continúa celebrando o seu retorno á división de bronce do fútbol español. Dende que o sábado gañara na casa o ascenso a Segunda B, o conxunto granate está inmerso en celebracións coa afección e recepcións oficiais. Esta mañá, foi a quenda da Deputación de Pontevedra, o seu principal patrocinador.
Publicado en DEPORTES
PORTO DO SON> Porto do Son acolle este sábado a primeira edición do trofeo de Orientación en Bicicleta de Montaña. A proba, puntuable para a liga galega, ten unha importante compoñente lúdica xa que os participantes deben completar o itinerario dotados dun mapa no que figuran os distintos puntos de control.
Publicado en DEPORTES
PONTEVEDRA> Pontevedra continúa co seu calendario de citas deportivas. Desta volta, cunha novidade. As fins de semana do 25 ao 28 de xuño e do 2 ao 5 de xullo os ollos da ximnasia rítmica española mirarán cara a cidade, que acollerá dúas competicións do Campionato de España deste deporte: a de equipos e a individual. A segunda será a cita máis importante, e nela competirán deportistas que aspiran aos Xogos Olímpicos, como Carolina Rodríguez e Natalia García.
Publicado en DEPORTES
BOIRO> Coa tempada de fútbol rematada dende hai varias semanas, a maioría dos equipos da zona atópanse enfrascados actualmente na planificación da nova tempada. É o caso do Club Deportivo Boiro, que nesta ocasión, ve coma un dos seus máximos baluartes abandona Barraña. Trátase de Adrián Armental, un dos capitáns do equipo, que despois de cinco anos deixa o conxunto boirense para incorporarse ó Coruxo, equipo vigués que milita na Segunda División B. A directiva boirense estaba interesada na continuidade do extremo de Ribeira, debido ó bo rendemento dos últimos anos, pero este finalmente decidiu aceptar a proposta do equipo que dirixe Rafa Sáez. Armental ficha por unha temporada con opción dun ano máis se disputa un mínimo de partidos.
Publicado en DEPORTES
RIANXO> Rianxo acolle este domingo a quinta edición da travesía a nado. A empresa Aquafit, concesionaria da piscina, organiza a proba na que participarán máis de cen deportistas. Os nadadores da categoría absoluta deberán completar unha distancia de dous mil metros.
Publicado en DEPORTES
HomeMostrando artigos por etiqueta: Deportes Top of Page

Síguenos en facebook