09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
CANAL RÍAS BAIXAS  :: Información local
MUROS> O executivo muradán está a realizar as xestións para mellorar a cobertura de TDT en todo o municipio. Polo momento, xa se colocaron dous novos repetidores en Abelleira e Torea e está previsto outra nova instalación en Louro.
MUROS> O executivo muradán vén de adxudicar as obras de mellora da cuberta da piscina municipal por un importe que se achega ós 90 mil euros. A actuación, que será asumida na súa totalidade pola Deputación da Coruña, podería iniciarse xa a finais deste mes de febreiro ou a principios de marzo.
MUROS> Balance máis que positivo do paso de Muros por FITUR. O expositor do concello recibiu infinidade de visitas e arrancou o compromiso de varios turoperadores para a organización de visitas, non só no verán, senón durante todo o ano.
MUROS> A alcaldesa, Caridad González, xa advertiu en varias ocasións á consellería de Educacións dos problemas que presenta o centro educativo, e está a espera de que se dea unha solución urxente.
MUROS> O éxito de edicións anteriores foi unha das principais razóns polas que o executivo local volveu a apostar por repetir experiencia nesta feira.
Publicado en portada
MUROS> A sesión estivo marcada pola polémica, cun novo enfrontamento entre a alcaldesa, Caridad González, e os non adscritos, que supuxo a expulsión de dúas edís deste grupo: María Sambade e a propia voceira, María Xosé Alfonso.
MUROS> A central de vendas do polbo segue sen despegar. Malia que hai uns meses comezaban os primeiros pedidos, o desacordo da confraría de Corcubión e o desinterese dalgúns compradores manteñen o proxecto paralizado. Sen embargo, os pósitos que integran a central seguen a traballar para poñer en marcha este punto de venda global.
MUROS/OUTES> A Deputación da Coruña aprobou esta mañá no transcurso do seu último pleno ordinario do ano dous convenios de colaboración que posibilitarán a mellora das piscinas municipais de Muros e Outes. Este foi un dos acordos de máis importancias dos abordados hoxe na sesión xa que o investimento destinado a estas dúas actuacións achegarase ós 350 mil euros. Na piscina de Outes o proxecto prevé resolver os problemas construtivos do edificio e mellorar as instalacións existentes, a través da reparación da actual cuberta do vestíbulo e a substitución da carpintería exterior por aluminio con rotura de ponte térmico e vidros illados. O investimento do organismo provincial será de preto dos 25o mil euros, o que representa o 100% do custo do proxecto. En canto a piscina de Muros, a Deputación financiará tamén a reparación da cuberta da instalación, que pasará a ser a dúas augas, e a substitución dos actuais lucernarios por outros tipo bicapa. Nesta actuación a achega provincial ascenderá a uns 93.500 euros, que representa tamén o total do orzamento necesario para acometer as obras.
MUROS> María Xosé Alfonso será a candidata de Compromiso por Galicia á alcaldía de Muros nas vindeiras eleccións municipais. Alfonso foi elixida por unanimidade, mediante primarias abertas, nunha asamblea celebrada esta pasada fin de semana na vila muradá, na que tamén estivo presente o Secretario Xeral de Compromiso Por Galicia, Xoán Bascuas. María Xosé Alfonso é actualmente a voceira do Grupo Municipal de Compromiso en Muros, que conta con tres edís na corporación.
MUROS> O concello de Muros volve reclamar a estrada de circunvalación para evitar o tránsito de vehículos pesados polo casco urbano.
MUROS> Os veciños da parroquia muradá de Abelleira poderán desfrutar dun espazo emblemático grazas á actuación de recuperación que se está a executar no lugar de Sorribos. Unha axuda do Grupo de Acción Costeira permitirá a posta en valor desta zona que actualmente se atopa moi degradada.
HomeMostrando artigos por etiqueta: Muros Top of Page

Síguenos en facebook