• Facebook
  • Twitter
  • Rss
  • Plus
CANAL RÍAS BAIXAS  :: Información local
OUTES> O Diario Oficial de Galicia publica a modificación do acordo da concentración parcelaria de Outes-Valadares e a cesión de dúas masas comúns ao concello de Outes.
PORTO DO SON> Esta semana deron comezo as obras de construción da futura escola infantil e a ludoteca. Os traballos iniciáronse co derrubamento da antiga Casa do Mar, edificio situado a carón do concello, en cuxo solar está previsto que se instale a nova escola infantila. segundo informaron fontes do propio equipo de goberno, o novo proxecto desenvolverase en dúas plantas, aínda que a súa altura será inferior ó edificio que albergaba ata o de agora a Casa do Mar. A ludoteca estará situada na planta baixa, cun acceso independente ó da propia gardería, dende a fachada que dá á fonte, mentres que na primeira planta situarase a escola infantil á que se accederá a través dunha rampa que se habilitará dende a praza existente anexa ó antigo edificio. O importe desta nova actuación, sufragada pola Consellería de Traballo e Benestar, ascende a 410 mil euros. A gardería contará con 41 prazas, de idades entre os cero e os tres anos, con tres aulas, unha por cada franxa distinta de idade. A obra prevé tamén a humanización e mellora do entorno, un proxecto complementario que aínda está en fase de elaboración e suporá un investimento a maiores duns 150 mil euros.
PORTO DO SON> A asociación AMBAR e a comunidade de montes de Baroña asinaron un convenio para desenvolver o programa ‘Vivamos o noso monte’. Trátase dunha iniciativa cun dobre obxectivo: a integración das persoas con diversidade funcional e o fomento da conciencia medioambiental a través da reforestación das zonas afectadas polos lumes.
MUROS> O concello de Muros reclama melloras nos colexios Ramón de Artaza e Ricardo Tubío. O primeiro deles presentan importantes deficiencias que mesmo poderían derivar na suspensión das clases mentres que no de Esteiro é preciso acometer unha serie de actuacións de mantemento para frear o seu deterioro.
A vila de Noia acollerá esta fin de semana, sábado e domingo, os Campionatos de España de Duatlón Contra o Reloxo por Equipos e Relevos. O sábado disputarase proba por equipos por un circuito que, na proba élite estará composto por catro voltas a un percorrido de 1,25 km cada un, seguido de 20,7 km ciclistas, para rematar con outros 2,5 km de carreira a pé. A cita contará coa participación dun total de 86 equipos masculinos e 35 femininos, divididos entre as categorías élite, escolar e open. Polo que respecta á proba de relevos cómpre sinalar que entrarán en acción un total de 73 equipos masculinos e 35 femininos entre tódalas categorías e en élite desenvolverase por un primeiro segmento de carreira a pé de 2 km, 6,9 km sobre a bici, para concluir novamente cun quilómetro de carrera a pé.
Publicado en DEPORTES
Publicado en portada
PORTO DO SON> A flota galega do cerco volverá a faenar a partir do próximo luns tras tres meses de amarres intermitentes e protestas polo reparto das cotas. O acordo adoptado, polo que o País Vasco cederá parte das súas capturas ás embarcacións galegas con menor cupo, permitiu desbloquear o conflito que poñía en risco a pesquería da xarda no Cantábrico Noroeste.
NOIA> A vila noiesa acollerá a segunda edición do festival de Monicreques ‘Titirinoia’ entre o 11 e o 13 de xullo. Malia que a organización non desvelou aínda o cartel de compañías, si adiantou que contarán con grupos de toda España e mesmo de Portugal.
Publicado en portada
MUROS> Tralas últimas inmersións que permitiron rexistrar o interior do buque, os buzos da Garda Civil descartaron que os corpos dos dous desaparecidos se atopen dentro do Santa Ana.
BARBANZA> O País Vasco cederá ó redor de catrocentas toneladas de xarda á flota galega. Este novo paso para desbloquear o conflito foi acordado na xuntanza celebrada na Coruña entre os representantes do sector e do Ministerio.
PORTO DO SON> A reunión mantida entre os representantes do cerco e a Conselleira do Mar concluíu cun achegamento de posturas para o reparto interno da cota de xurelo e xarda asignada a Galicia. Sen embargo, este principio de acordo depende do que decida a asemblea de armadores do cerco, reunida en Portosín.
HomeMostrando artigos por etiqueta: MurosNoia Top of Page

Síguenos en facebook