• Facebook
  • Twitter
  • Rss
  • Plus
CANAL RÍAS BAIXAS
MUROS> Unha sentenza obriga á alcaldesa de Muros, Caridad González, a levar a pleno unha proposta do grupo de non adscritos para reducir a suba do IBI.
Publicado en portada
MUROS> Recuperado o cadáver dun dos mariñeiros desaparecidos no naufraxio do Santa Ana, acontecido o pasado luns na costa asturiana. Trátase do muradán Lucas José Mayo, de 33 anos e natural da parroquia de Tal.
Publicado en portada
PORTO DO SON> O cerco galego contará este ano con mil cincocentas toneladas máis grazas ó acordo acadado entre a Unión Europea e os países nórdicos. Aínda así, os representantes do sector decidiron manter as súas protestas xa que seguen sen aceptar o sistema de reparto entre comunidades.
MUROS> Continúan os labores de rescate nas inmediacións do Santa Ana. Os buzos do Grupo Especial de Operacións Subacuáticas da Garda Civil seguen a tentar estabilizar o buque.
NOIA> Achégase o fin da campaña marisqueira en Noia que probablemente bote o peche a finais deste mes. Malia as riadas das últimas semanas e a toxina que condicionou o inicio da actividade, os resultados son positivos. Dende a confraría estiman que a facturación total superará os nove millóns de euros. Polo momento, xa levan facturados 8.700.00 euros no que vai de campaña e apuran estas últimas semanas nas que, a pesar de que xa queda pouco marisco, os prezos non están mal. As cifras son positivas xa que se trata dunha campaña condicionada pola natureza e as condicións climatolóxicas; é aínda así, a facturacións será moi superior ó pasado exercicio. Unha vez se decida a data de peche comezarán os traballos de limpeza de algas, depredadores e rexeneración das zonas improdutivas de cara a vindeira campaña. Unha campaña con boas expectativas e que mesmo podería adiantar a súa apertura a mediados de setembro se o estado do bivalvo o permite e non está ovado. De momento aínda é cedo para pensar na futura campaña aínda que os resultados do actual exercicio e as perspectivas de futuro son alentadoras para as dúas mil familias que dependen do marisqueo en Noia.
LOUSAME> O concello de Lousame iniciará de inmediato diversas obras de mellora nos campos de fútbol municipais de Cabanetán e de Cruído. As primeiras actuacións terán lugar no campo de Cruído, onde hai unha zona que se vai repasar e nivelar, aínda que será preciso agardar a que o terreo estea totalmente seco para poder traballar con eficiencia e así mellorar a drenaxe para evitar que as chuivas poidan afectar nun futuro ás instalacións. Neste campo procederase tamén á instalación dunha rede perimetral. Polo que respecta á outra instalación, a de Cabanetán, a alcaldesa, Teresa Villaverde, informou de que durante o verán se procederá á súa descompactación de cara a mellorar as condicións do terreo de xogo ó existir unha mala drenaxe. O Concello ten previsto tamén aplicar un herbicida de absorción foliar nas esquinas e detrás das porterías para eliminar malas herbas que medraron nos últimos tempos e que poden deteriorar o céspede artificial. Ademais tamén se procederá de inmediato ó arranxo dun dos postes que suxeita a rede exterior do campo, que foi soldado hai unhas semanas pero que volveu romper cos últimos temporais.
Publicado en portada
MUROS> Continúan os labores de busca dos seis mariñeiros do Santa Ana que permanecen aínda desaparecidos. As fortes correntes dificultan o acceso ó interior do barco onde se sospeita que poden estar os corpos dos desaparecidos.
Publicado en portada
MUROS> Unha nova traxedia no mar volveu sacudir de cheo á vila de Muros. O arrastreiro Santa Ana afundía a pasada madrugada a media milla de Cabo Peñas, en Asturias. No barco viaxaban catro mariñeiros galegos, un asturiano, dous portugueses e dous indonesios.
HomeMostrando artigos por etiqueta: MurosNoia Top of Page

Síguenos en facebook